JOHAN 2:11 - Zotung Bible 2016

¹¹ Jesu nynh a raepaw ngaeangnaw hae kyaze masaty a raepaw hynh-e ngaeangnaw hynh Galilee pee Kana khua kya rae zah a phu-enaw kha a langsahpya hae, te a zuitu hae nynh amaw kha a zyn hae.

JOHAN 2:11 Iomraidhean Croise

1 SIAPHARAN 17:24

Tetuh nopinung nynh Elijah kha, “Atu tuh nang tuh Pachia ccungccaw nynh na thua cipaw te na munglae kya umpaw Bawipaw bya tuh byaccing nynh thua cipaw ka ny vae,” a cipya.

The Psalms 72:19

A phu-epaw a min kha zungzae thehoysah oh; a phu-enaw tuh laephi pynpi phe beih sah. Amen, Amen.

The Psalms 96:3

Minphuin hae kalan a phu-enaw kha ho oh lah, ccungccaw hae balyn kalan ngaeangthua lan umpaw a ryalaw kha ho oh.

EXODUS 14:31

Bawipaw nynh Izip hae kha rawsete ryalaw lepaw a lawpaw kha Israel hae nynh a muih hae. Tukeiccuze ccungccaw hae nynh Bawipaw kha rih hae zah Bawipaw tungvaw te a ryalahtu Moses tungvaw zynnaw a hoi hae.

EXODUS 4:9

E muihsahnaw ccangning mawte minmin nynh zyn khyh hae zah na bya kha a ngae khyh hae zetuh Nal vawkhu e tui beihtaraw kha na lah cih zah aroupaw laephi kya na lae cih; te Nal vawkhu e na lawpaw tui tuh aroupaw laephi vawlan khe chii lang a tang cih,” a cipya.

PHUNGHOTU 9:7

Cceih, na looh kha lungtuate ae lah, na misutui kha lungpawte neih; pawccecize Pachia nynh na cyipaw kha a naw phe ccaw vae.

ISAIAH 40:5

Tetuh Bawipaw phu-enaw kha alangkuh cih zah, ccungccaw balyn nynh pynkheihlan a muih cih hae, pawccecize Bawipaw munglae nynh phe a ho vae,” a ci.

MALAKHI 2:2

Nanning nynh ka bya na ngae khyh oh zah, ka min kha phu-enaw pya lan nae thinlung kya na ccykeku khyh zetuh, nae tungvaw thyalawnaw ka thuasah cih zah hythuanaw na ccou oh paw kha thya ka law cih, cite vaaw Bawipaw nynh a ho; nae thinlung kya na ccykeku khyh oh keiccuze, hythuanaw na ccou oh paw kha thya ka law ccaccing vae.

JOHAN 1:14

Bya tuh ccungccaw lang yn tang zah aening kya a um, aning tuh thawccinaw te byaccing te phe beih zah, Paaw kya-e lu kheit kyalyapaw Ccapaw phu-enaw lante a phu-enaw kha ah muih vae oh.

JOHAN 1:17

Pawccecize kawbya tuh Moses liate pya athua, thawccinaw te byaccing tuh Jesu Khri liate nynh yn thua.

JOHAN 1:43

Awkhualan Jesu tuh Galilee pee lang ccia lan a paccynkuh. Filip kha muih zah, “Yn zui,” a cipya.

JOHAN 1:50

Jesu nynh, “ ‘Thaeku ku kaw kya kae muih,’ cite kae hopya keiccu tou nae zyn? E laeze ale huapaw uccaw hae nae muih ung cih,” a cipya.

JOHAN 10:41

Ccungccaw patae nynh amaw kalan oun cceih hae zah, “Johan nynh muihsahnaw a langsaku khyh zemah, hynh-e ccungccapaw konglang a hopaw balyn tuh marya ahme,” a ci hae.

JOHAN 11:15

Tuin kya ka la um khyhpaw tuh nanning na zyn nawlan oh athua keiccuze nae hanlan ka lungtua, atu amaw kalan cceih oh sih,” a cipya hae.

JOHAN 11:47

Ranpibawi lepaw hae te Farasi hae nynh kungsi meeting ko hae zah, “Pawtemou ah cyih cih oh? E paw nynh muihsahnaw patae a langsaku vae.

JOHAN 12:18

Tuh-e muihsahnaw tuh a langsaku cipaw a thae hae keiccuze ccungccaw hae nynh amaw kha a cciadue hae.

JOHAN 12:37

Jesu nynh mih malang khe muihsahnaw patae a langsaku zemah amaw kha zyn khyh hae.

JOHAN 12:41

Isaiah nynh e bya a hopaw tuh, Jesu a phu-enaw kha a la muih keiccuze a konglang a la hopaw nynh thua.

JOHAN 14:13

Paaw tuh Ccapaw liate a phu-e nawlan ka min te nae ngia oh paw miakaw kha kae cyipah cih oh.

JOHAN 16:27

pawccecize kae kha nae sungsah oh zah, Pachia kyate nynh kae thua cipaw kha na zyn oh keiccuze ka Paaw amaw ccaccei nynh nanning kha ae sungsah oh.

JOHAN 16:30

Nang tuh pawpaw balyn na nyh zah hum nynh sanmah byakhia ho vae khyh cipaw atu kae ny vae. Hynh-e liate nang tuh Pachia kyate nynh nae thua cipaw kaening nynh kae zyn,” a cipya hae.

JOHAN 2:1

Nin thumnaw kya Galilee pee Kana khua kya zudy poi a um; Jesu a nung tuh tuin kya a umbua.

JOHAN 2:23

Jesu nynh Kawtaw Poi lungkhu Jerusalem khua kya a um lyakhe ngaeangnaw a raepaw kha ccungccaw patae nynh a muih hae keiccuze a min kha a zyn hae.

JOHAN 3:2

Tuh-e paw nynh khuazi khe Jesu kalan yn thua zah, “Sazae, nang tuh Pachia kyate yn thuapaw sazae nynh na thua cipaw kae ny, pawccecize Pachia nynh ae umkhae khyh lanze hynh-e na raepaw muihsahnaw hae hynh hum nynh sanmah rae kho lan khyh,” cite a hopya.

JOHAN 4:3

Judea pee kha cciataw zah Galilee ram lang a ki.

JOHAN 4:46

Te Jesu tuh tui kha misutui lang a raenaw Galilee pee Kana khua lang bua a thua. Kapernaum khua kya a ccapaw accihpaw bawi lu kheit a um.

JOHAN 4:54

E tuh Jesu nynh Judea pee kyate Galilee pee lang a thua koute bua a raepaw vaeningnaw muihsahnaw nynh thua.

JOHAN 5:23

Tuhteze nynh ccungccaw balyn nynh Paaw kha saw a tua hae hawte Ccapaw kha mah saw a tua cih hae. Ccapaw kha saw a tua leipaw ccungccaw tuh Ccapaw a sawtupaw Paaw kha saw a tua leipaw nynh thua.

JOHAN 6:14

Jesu nynh a raepaw muihsahnaw kha tuh-e ccungccaw hae nynh he a muih hae tuh, “E paw tuh lae vawlan yn thua cih a ci hae paw profeh ccaccing nynh thua,” a ci hae.

JOHAN 6:2

Jesu nynh ngeccih hae tungvaw a raepaw muihsahnaw kha a muih hae keiccuze ccungccaw zapi nynh a zui hae.

JOHAN 6:26

Jesu nynh, “Byaccaccing kae hopya oh, nanning nynh muihsahnaw hae na muih oh keiccuze kae hynh nae ccung khyh oh, sanlou na ae oh zah nae vueso keiccu nynh nae ccung oh.

JOHAN 6:30

Tukeiccuze minmin nynh, “Kaening nynh kae muih zah nang kha kae zyn nawlan, paw muihsahnaw mou nae raepah cih? Paw rya mou na lah cih?

JOHAN 7:31

Ccungccaw patae nynh amaw kha zyn hae zah, “Messiah tuh he yn thua te, e ccungccapaw nynh a raepaw muihsahnaw laeze alunghua yn rae cih vema?” a ci hae.

JOHAN 9:16

Tukeiccuze Farasi hae abang nynh, “Tuh-e ccungccapaw tuh Pachia kyate yn thuapaw thua khyh, pawccecize sabbath nin kha sung khyh,” a ci hae. Mingccang hae nynh, “Pawcihtemou miseipaw lu kheit nynh hynhcihawpaw muihsahnaw tuh a rae kho cih?” a ci hae. Te minmin laku kya phiakunaw a um.

2 KORIN 3:18

Aening balyn tuh ah mae bongku leite muinsado kya lang hawte Bawipaw phu-enaw kha ah langsah oh, aening tuh phu-enaw ccangkheit kyate ccangkheit kalan lethungte amaw muinsan alo lante rulae ah thua oh; pawccecize tuh-e rulaenaw tuh Muisaw athuapaw Bawipaw kyate yn thuapaw nynh thua.

2 KORIN 4:17

Pawccecize sosohtari kae teingpaw, zawbahaepaw hynh-e vawsawnaw nynh khinkhia kho leipaw, myarya akhinccipaw zungzae phu-enaw kha kae hanlan oun paccynpya.

2 KORIN 4:6

Pawccecize, “Mohnaw kyate awnaw tuh phaephae aw sah,” cite a hotupaw Pachia nynh Jesu Khri mae kyakhe Pachia phu-enaw nynawpaw awnaw kha pya khylan, ah thinlung kya phaephae a awsah vae.

DEUTERONOMY 5:24

nanning nynh, “Dotua, Bawipaw ah Pachia nynh a phu-enaw te a lesaenaw kha oun langsahpakuh vae zah, maee kyate a roi kha kae thae vae. Pachia te ccungccaw tuh bya a hoku hae zemah, ccungccaw tuh phang ahiin ung cipaw atunin kae muih vae.

1 JOHAN 5:13

Pachia Ccapaw min na zyn oh paw nanning nynh zungzae hiinnaw na hoi oh paw kha na nyku nawlan oh, hynh-e ccaw hynh nae kalan kae zei.