JOHAN 2:10 - Zotung Bible 2016

¹⁰ “Ccungccaw miakaw nynh athuapaw misutui kha masaty a nee hae, ccungccaw hae phe a byn kou hae te, anyaapaw misutui kha leih a nee hae, thuasalama nang tuh athuapaw misutui kha atu cia phang na nung,” a cipya.

JOHAN 2:10 Iomraidhean Croise

GENESIS 43:34

Josef ccaboi kyate minmin kha aepaw a pya hae. Benjamin tuh a upaw hae laeze leit pangaw alunghua lante looh kha a mue. Tuhcite minmin nynh neih hae zah Josef ryte a hoysah hae.

The Psalms 104:15

misutui nynh ccungccaw kha a lungtuasah zah, chitui nynh mitmae kha a awsah, te sanlou nynh ccungccaw thaw a saesah.

SOLOMON HLAW 5:1

Ka ccianung, ka hawkunung, ka khokhu lang ka cceih; ka mura kha mynkhuhpaw te ka sueluaku, ka khoibaw te khoitui kha ka aede, ka misutui te mateitui kha ka niade. Ka ban hae, ae oh, neih oh lah, sungsakunaw khate phe byn oh.

MATTHAI 24:49

a ban hae see hae kha a bua hae, te a neih hae paw ryte aete niate a um vae.

LUKA 12:45

Thuasalama tuh-e see nynh, ‘Ka bawipaw yn thuanaw ccyh tuh aro ung cih,’ cite a lungkaw te tua zah, ccangpaw see pise hae te nopi hae kha bua hae zah, aete niate a rui;

LUKA 16:25

Thuasalama Abraham nynh, ‘Ka ccapaw, na hiin lyaze uccaw hoypaw hae kha na mue zah, Lazaruh tuh uccaw thahpaw hae kha a mue cipaw liathuitua; thuasalama atu aning tuh hein kya ngaengansah athua vae, nang tuh myarya ccih lan na teing vae.

LOCCEIHTU 2:15

Pawccecize hynh-e ccungccaw hae tuh nanning nynh na tua oh hawte rui khyh hae, pawccecize atu tuh awkhua suimilan ccangtakua khaw acih ung.

1 KORIN 11:21

Pawccecize ae ccyh he thua te, nanning lu raveih nynh naemaw looh kha lawkute na ae oh keiccuze lu kheit tuh a vuelaw zah mingccangpaw tuh a rui.

EFESA 5:18

Misutui rui nan oh, pawccecize tuh-e tuh hoysahnaw alawepaw nynh thua, tuhlaeze Muisaw khate phe beih oh.

1 THESALON 5:7

Pawccecize a ih hae paw tuh khuazi nynh a i hae, a rui hae paw mah khuazi nynh a rui hae.

BYAPHY 17:2

laephi siapharan hae nynh tuh-e nung te a ohhuakuh hae; laephi vaw a um hae paw tuh tuh-e nung kya-e ohhuakunaw misutui khate pong a rui vae hae,” a ci.

BYAPHY 17:6

Nopinung tuh mithyaa hae chii te Jesu a zyn hae keiccu a chia hae paw chii khate a ruipaw kha ka muih, tuh-e nung kha he ka muih tuh, myarya ka ngaeangthua.