JOHAN 19:9 - Zotung Bible 2016

⁹ A inn lungkhu lang bua tee zah Jesu kha, “Nang hynh paw kyate mou nae thua?” cite a khia. Thuasalama Jesu nynh kaw kheit san khung khyh.

JOHAN 19:9 Iomraidhean Croise

JOHAN 18:33

Pilat tuh inn lungkhu lang bua tee zah Jesu kha ko zah, “Nang hynh Judah hae Siapharan na thua tou?” cite a khia.

FILIPI 1:28

Nae rhaw hae kha rih nan oh. Tuh-e tuh minmin ronaw hanlan a langsakuhpaw muihsahnaw nynh thua, thuasalama nanning hanlan tuh khumnaw nynh thua, tuh-e tuh Pachia nynh a cyipaw nynh thua.

JOHAN 8:14

Jesu nynh, “Kae tuh kamaw konglang ccaekia ka khan zemah ka ccaekia tuh akyh; pawccecize kae tuh paw kyate nynh kae thua cipaw te teilang nynh ka cceih cih cipaw ka ny; thuasalama nanning nynh kae tuh paw kyate nynh kae thua cipaw te teilang nynh ka cceih cih cipaw kha na nyh khyh oh.

MATTHAI 26:63

Thuasalama Jesu tuh yccae khyh. Te ranpibawi lupi nynh, “A hiinpaw Pachia min phyate thyalawkute bya na kinkuh cih; nang hynh Pachia Ccapaw Messiah na thua tou, na thua khyh tou oun hopya tua,” a cipya.

ISAIAH 53:7

Aning tuh tuaasahkunaw te riathaenaw kha a teing zemah a mung kha a myh; saw theihtupaw kalan a cciakhae hae paw tuutaw hawte thuasah, a ming a ngotu malang sia leite a umpaw tuu hawte thuasah aning tuh a mung kha a myh.

BYAPIATU 13:6

Tetuh nopinung nynh a vawpaw kalan cceih zah, “Pachia ccungccapaw lu kheit ka kya yn thua, a muinsan tuh Pachia vaawpaw muinsan te lokuh zah ri lan myarya um; tei kyate mou nae thua cite ka khia khyh, a min mah yn hopakuh khyh;

JOHAN 18:37

Pilat nynh, “Tuhteze nang tuh siapharan na thua tou?” a cipya. Jesu nynh, “Kae tuh na ho hawte siapharan nynh ka thua. Kae tuh byaccing kha ccaekiakhan khylan kae pui zah hynh-e khylan nynh laephi kalan kae thua. Byaccing te asekuhpaw ccungccaw miakaw nynh ka bya hynh a ngae,” cite a khung.

MATTHAI 27:27

Te ram uktu a rhawkaw hae nynh Jesu kha ram uktu inn langkhe cciakhae hae zah rhawkawphu phu kheit kha abalynte Jesu pe khe a pum hae.

LUKA 23:9

Herod nynh Jesu kha bya patae a khia; thuasalama Jesu nynh kaw kheit san khung khyh.

JOHAN 18:28

Minmin nynh Jesu kha Kaiafas kyate Pilat inn lang a cciakhae hae; tuh lya tuh awkhua takaw nynh thua. Mimaw tuh Kawtaw Poi kya aebua kho nawlan, phe kae thusei cih cite Pilat inn lungkhu lang teebua khyh hae.

JOHAN 18:34

Jesu nynh, “E bya hynh namaw lung te na hopaw tou? Tuhkhyhze ming hae nynh tou kamaw kong hynh ae hopah hae?” cite a khung.

JOHAN 19:8

Pilat nynh tuh-e bya he a thae tuh, houh a rih vae.

JOHAN 19:10

Pilat nynh, “Bya nae khung lan khyh tou? Kae tuh nang hynh vaelantung kya khiadenaw kaw te luesahnaw kaw ka hoipaw kha na nyh khyh tou?” a cipya.