JOHAN 18:5 - Zotung Bible 2016

⁵ Minmin nynh, “Nazareth khuapaw Jesu,” cite a khung hae. Jesu nynh, “Kae hynh amaw nynh ka thua,” a cipya hae. Amaw a pheetupaw Judas Iskariot mah minmin ryte a thadynbua.

JOHAN 18:5 Iomraidhean Croise

ISAIAH 3:9

Mih maesue nynh minmin kha rawsete ccaekia a khan; Sodom khuaccaaw hae hawte mih seinaw kha pheiku leite a phyku hae. Minmin hanlan ngaethya lan kou um! Pawccecize mimaw tungvaw hoyleinaw kha a thuakhaeku hae.

JEREMIAH 8:12

Maethya lan umpaw kha cyih hae zah, anungsikuhpaw rya kha a law hae; tuhzemah mih maethah khyh, maethya mah nyh khyh hae. Tukeiccuze a khuliakuh hae paw kyakhe a khuliakuh bua cih hae; minmin kha de he ka tah hae te, vua athua cih hae, cite Bawipaw nynh a ci.

MATTHAI 2:23

Te Nazareth cikuhpaw khua kyakhe a um. “Aning tuh Nazareth khuapaw cite ko athua cih,” cite profeh hae nynh a ho hae paw kha accingnawpaw nynh thua.

MATTHAI 21:11

Ccungccaw zapi nynh, “E paw tuh Galilee ram e Nazareth paw profeh Jesu nynh thua,” a ci hae.

JOHAN 1:46

Nethanal nynh, “Nazareth khua kyate uccaw hoypaw ccangkhakheit a pou kho cih tou?” cite a khung. Filip nynh, “Rang lah yn dotua,” a cipya.

JOHAN 18:4

Jesu nynh a tungvaw kya yn cyihkuh cih paw balyn kha marya a ny keiccuze cceih zah minmin kha, “Hummou na ccung oh?” cite a khia hae.

JOHAN 18:6

Minmin kha, “Kae hynh amaw nynh ka thua,” cite he a hopah hae tuh, minmin tuh nulang sihkuh hae zah laekhu kya a khuliakuh hae.

JOHAN 19:19

Pilat nynh ccawkhia kha zei zah vaelantung kya a taw. Ccawkhia kyakhe, “Judah hae Siapharan, Nazareth khuapaw Jesu,” cite a zei.