JOHAN 18:4 - Zotung Bible 2016

⁴ Jesu nynh a tungvaw kya yn cyihkuh cih paw balyn kha marya a ny keiccuze cceih zah minmin kha, “Hummou na ccung oh?” cite a khia hae.

JOHAN 18:4 Iomraidhean Croise

1 SIAPHARAN 18:10

Bawipaw na Pachia tuh a hiin thyhte, nang kha ccung khylan ka bawipaw nynh yn saw leinaw ram te minphuin um vae khyh; minmin nynh, ‘E kya Elijah um khyh,’ cite a ho vae hae ze, nang kha kae muih khyh cite tuh-e ram te minphuin kha thya leih a lawsahku hae.

NEHEMIAH 6:11

Thuasalama kae nynh, “Kae tahawpaw ccungccaw nynh a ccue cih zawtou? Kae tahawpaw ccungccaw nynh a hiinnaw khyn khylan beikinn lungkhu lang a tee cih zawtou? Ka tee lan khyh!” ka ci.

The Psalms 27:3

Rhawkaw phu nynh kae kha rawsete yn sannua hae zemah, ka thinlung tuh rih lan khyh; kae kha rawsete rhaw a tho hae zemah, zynkunaw ka hoi cih.

The Psalms 3:6

Kae kha yn rawse hae zah yn koihlu hae paw ccungccaw athong-asan hae kha ka rih khyh hae.

PHUNGTANGBYA 28:1

Ccungccaw hoyleipaw tuh hum nynh san a dee khyh zemah a ccue, thuasalama miding tuh chindeih hawte a rawthung.

MATTHAI 16:21

Tuin ccyh kyate Jesu nynh Jerusalem lang a ccia lanpaw, piccan hae, ranpibawi lepaw hae te kawbya sazae hae kuih kya patae a teing lanpaw, a chia lan hae paw, te nin thumnaw kya a thoothui lanpaw kong kha a zuitu hae kya a langsahpya hae.

MATTHAI 26:2

“Nin ning koute Kawtaw Poi a um cih cipaw na ny oh, Ccungccaw Ccapaw tuh vaelantung kya khiade khylan ap athua cih,” a cipya hae.

MATTHAI 26:21

A ae lya hae khe Jesu nynh, “Byaccaccing kae hopya oh, nanning laku e lu kheit nynh kae hynh yn phee cih,” a ci.

MATTHAI 26:31

Jesu nynh minmin kha, “Atu khuazi kya nae balynte nae ccuetaw cih oh; pawccecize Ccathya kyaze, ‘Tuurinpaw kha ka bua cih zah tuuphu kya-e tuu hae tuh pong a phiakuh cih hae,’ cite azeikuh.

LUKA 24:44

Tukoute Jesu nynh, “Moses kawbya ccauh kya thuasah, profeh hae ccauh kya thuasah, Sam ccauh kya thuasah kae ka kong a zei hae paw miakaw tuh marya accing cih cite nanning ryte ka um lyaze kae hopya oh paw bya tuh hynh-e hae hynh nynh thua,” a cipya hae.

JOHAN 13:1

Kawtaw Poi a thua mawkhe, Jesu nynh e laephi kyate Paaw kalan a ccianaw ccyh azaw vae cipaw a ny; laephi vawlan a um hae paw a ccungccaw hae kha sungsah hae zah athangnaw cia a sungsah hae.

JOHAN 13:11

Pawccecize hum nynh yn phee cih cipaw phe a ny vae; tukeiccuze, “Nae balynte tuh na thyaa khyh oh,” a ci.

JOHAN 18:5

Minmin nynh, “Nazareth khuapaw Jesu,” cite a khung hae. Jesu nynh, “Kae hynh amaw nynh ka thua,” a cipya hae. Amaw a pheetupaw Judas Iskariot mah minmin ryte a thadynbua.

JOHAN 18:7

Jesu nynh, “Hummou na ccung oh?” cite bua a khia hae. Minmin nynh, “Nazareth khuapaw Jesu nynh kae ccung,” a ci hae.

JOHAN 19:28

Tukoute Jesu nynh atu tuh pawpaw balyn marya accing vae cipaw nyh zah, Ccathyaa kya a umpaw kha accing nawlan, “Tui ka haw,” a ci.

JOHAN 6:64

Thuasalama nanning laku a zyn leipaw abang a um,” a cipya hae. Pawccecize Jesu nynh atakaw lya mawte a zyn lei hae paw tuh hum hae nynh athua hae cipaw te hum nynh amaw kha a phee cih cipaw kha phe a ny vae.

LOCCEIHTU 2:28

Hiinnaw laanpi kha nae nysah vae; na umnaw kyakhe kae kha lungtuanaw te phe nae biasah cih,’ a ci.

1 PETER 4:1

Khri tuh pynsaw kya tuhcite a teing hawte, nanning mah tuhcihawpaw tuanaw khate ccaankuh oh; pawccecize pynsaw kya a teingpaw ccungccaw tuh seinaw kyate a lue vae.