JOHAN 18:1 - Zotung Bible 2016

¹ Jesu nynh hynh-e bya a ho koute, a zuitu hae ryte Kedron vaw khuraw lang a zua hae, tuin kya khokhu ccangkheit um zah Jesu te a zuitu hae tuh tuh-e kalan a tee hae.

JOHAN 18:1 Iomraidhean Croise

GENESIS 2:15

Bawipaw Pachia nynh ccungccapaw kha lah zah Eden khokhu kya ryalaw khylan te do-oih khylan tuin kya a nung.

GENESIS 3:23

Tukeiccuze pisepaw tuh amaw yn thuanaw laephi kya ryalaw khylan Bawipaw Pachia nynh Eden khokhu kyate a pousah.

2 SAMUEL 15:23

David a zui hae paw balyn tuh a ccia hae keiccuze ram pynpi tuh thawte a rah; siapharan nynh Kidron vaw kha zua zah, ccungccaw balyn tuh ramkaw langkhe a cceih hae.

1 SIAPHARAN 15:13

A minnung Maakah kha mah Asherah elang anungsikuhpaw zohtuh a rae keiccuze siapharan a nung thuanaw kyate a haeungsah; a zohtuh kha Asa nynh ropah zah Kidron Vaw pe khe maee te a soi.

1 SIAPHARAN 2:37

Pawccecize na pou zah Kidron vawkhu he na zua nin khe, na chih ccaccing cih cipaw kha nyku tua; na chiise tuh namaw lu vawlan accah cih,” a cipya.

2 SIAPHARAN 23:12

Ahaz kya-e palung khaan innccuvaw kya umpaw silawhang hae, Judah siapharan hae nynh la rae hae paw kha thuasah, Bawipaw inn voidu ccangning kya Manasseh nynh a la raepaw silawhang hae kha thuasah siapharan nynh tingbung zah zoihtatyh lan a koi, te tuh-e athupaw tuh Kidron Vaw lungkhu langkhe a vua.

2 SIAPHARAN 23:4

Ranpibawi lupi Hilkiah, ccangningnaw ranpibawi hae, thuakaw ngawtu hae kha Baal pachia, Asherah te vaawlui umpaw uccaw hae balyn hanlan a raepya hae paw angphe balyn kha Bawipaw beikinn kyate poukhae lan siapharan nynh kaw a pya hae; tuh-e hae tuh Jerusalem khua atolang, Kidron loo kyakhe maee te u hae zah mih buhhaw kha Bethel lang a cciakhae hae.

2 SIAPHARAN 23:6

Asherah zohtuh kha Bawipaw inn kyate poukhae zah Jerusalem khua atolang, Kidron Vaw kalan a cciakhae; Kidron Vaw khe maee te u zah palae tui lan a bua koute akhui kha huatawpaw ccungccaw hae shawku vawlan khe a hei.

2 SHERIANAW 15:16

Asa Siapharan a minnung Maakah nynh Asherah hanlan anungsikuhpaw zohtuh kha a raepya keiccuze Asa nynh siapharan a nung thuanaw kyate a phua. Asa nynh a zohtuh kha ngepah zah palae tui lan a roh koute Kidron Vaw pe khe maee te a soi.

2 SHERIANAW 29:16

Ranpibawi hae tuh Bawipaw inn kha thyaasah khylan a lungkhu lang tee hae zah, Bawipaw beikinn lungkhu a muih hae paw athyaa leipaw uccaw balyn kha Bawipaw inn voidu kalan a poukhae hae; te Levi phin hae nynh lah hae zah Kidron Vaw lang a cciakhae hae.

2 SHERIANAW 30:14

Minmin nynh rya kha tho hae zah Jerusalem kya a umpaw silawhang hae kha a nue hae, mynkhuhpaw unawpaw silawhang balyn kha lah hae zah Kidron Vaw kalan a vua hae.

NEHEMIAH 2:15

Tukeiccuze khuazi khe accya laanpi kyate ka cceihthung zah khualungrua kha ka do. Te nulang ka maeleihkuh zah Accya Koikua kyate ka tee zah ka ki.

JEREMIAH 31:40

Michi rhua te buhhaw a vuanaw hae accya balyn, te Kidron Vaw kyacia a umpaw loo balyn, nithua lang e Marang Koikua apaki cia Bawipaw hanlan thyaasah athua cih. Khuapi tuh papinmaw ro thua vae lan khyh zah, vua thua vae lan khyh.

LEVITIKAS 2:6

tuh-e sanlou tuh na eih cih zah chitui na bu cih; tuh-e tuh ccathae silawnaw nynh thua.

MATTHAI 26:30

Hlaw hlakheit a sah kou hae te Oliv Mua lang a cceih hae.

MATTHAI 26:36

Jesu tuh zuitu hae ryte Kethsemane a ci hae paw hmin kya thua hae zah minmin kyakhe, “Khuhlang khuin ka la cceih cih zah saw ka sang loukaw hein kya la haung hin oh,” a cipya hae.

MARKA 14:26

Hlaw hlakheit a sah kou hae te Oliv Mua lang a cceih hae.

MARKA 14:32

Gethsemane a cinaw hae hmin kya thua hae zah, Jesu nynh a zuitu hae kha, “Saw ka sang loukaw hein kya la um oh,” a cipya hae.

MARKA 14:42

Tho oh, cceih ccavae oh sih. Dotua oh, kae yn pheetupaw tuh yn thua vae,” a cipya hae.

JOHAN 14:31

Thuasalama kae nynh Paaw kha ka sungsah cipaw laephi nynh a ny nawlan Paaw nynh kaw yn pya thyhawte kae nynh ka cyi. Thokuh oh, hein kyate cceih ccavae oh sih.

JOHAN 18:26

Peter nynh a nakua thoh pae lan a baepaw te vaeccawtang hae paw, ranpibawi lupi see hae kyaze lu kheit nynh, “Nang tuh Jesu ryte khokhu kya na um oh paw kha mang kae muih rei?” a ci.

LOCCEIHTU 21:11

Kae kalan he yn thua tuh, Paul kya-e taeccia kha lawkuh zah a kuih te a ccu kha heekuh zah, “Thyaa Muisaw nynh hynhte a ho: Hynh-e taeccia a hoipaw ccungccapaw hynh Jerusalem kya Judah hae nynh hynhcite a he cih hae zah Zenta hae kuih kalan a ap cih hae,” a ci.