JOHAN 17:9 - Zotung Bible 2016

⁹ “Minmin hanlan saw ka sang; laephi hanlan saw ka sang khyh; thuasalama nae pyapaw ccungccaw hae hanlan nynh saw ka sang, pawccecize minmin tuh na ccungccaw hae nynh thua hae.

JOHAN 17:9 Iomraidhean Croise

LUKA 22:32

Thuasalama na zynnaw azo khyh nawlan saw kae sangpya; te ka kalan nae paleihku vae ze na uno hae kha thawzung na pya cih hae,” a cipya.

LUKA 23:34

Jesu nynh, “Apang, minmin hynh ngaethya hae; pawccecize paw nynh kae cyi cipaw nyh khyh hae,” a ci. Minmin nynh ccungthydung hae zah a boeining kha a neeku hae.

LUKA 8:34

Voh a rintu hae nynh tuh-e acyihkuhpaw tuh he a muih hae te, ccue hae zah tuh-e kong tuh khuapi te khua taraw hae kya a ho hae.

JOHAN 14:16

Kae nynh Paaw kha ka ngia cih zah nae kya zungzae a um cih paw ccangpaw Bawmtu kha ae pya cih oh.

JOHAN 17:2

Ccungccaw balyn tungvaw kya kawhoinaw kha amaw na pya vae hawte, nang nynh Ccapaw kalan na pya hae paw ccungccaw miakaw kha Ccapaw nynh zungzae hiinnaw a pya nawlan Ccapaw hynh phu-esah tua.

JOHAN 17:20

“Minmin elang kyalya saw ka sang khyh; mih bya liate kae yn zyn cih hae paw hanlan mah saw ka sang.

JOHAN 17:6

“Laephi kyate nae pyapaw ccungccaw hae kya na min kha ka langsah vae, minmin tuh na kya-e thua hae zah kamaw kha nae pya, te na bya kha a zui hae.

JOHAN 6:37

Paaw nynh yn pyapaw ccungccaw hae balyn nynh ka kalan oun cceih cih hae; ka kalan yn cceihpaw ccungccaw tuh kharouh ka dee boi lan khyh.

JOHAN 6:39

Kae yn sawtupaw nynh a rynaw tuh, kae yn pyapaw ccungccaw hae balyn kha lu kheit san zosah leite, nyathya nin kya thoosah lan hae paw nynh thua.

HEBRU 7:25

Amaw liate Pachia kalan oun cceih hae paw kha aning nynh zungzae a khum kho hae, pawccecize aning tuh minmin hanlan ngiapyanaw rae khylan zungzae a hiin keiccu nynh thua.

HEBRU 9:24

Pawccecize thanccingpaw pungsan athuapaw, kuih te raepaw beikinnthyaa lungkhu lang Khri tuh tee khyh; atu aening ccelang Pachia muihnaw kya langku khylan, vaawram lang nynh a tee.

1 JOHAN 5:19

Aening tuh Pachia kya-e nynh ah thua oh cipaw te laephi balyn tuh Satan kuih kya nynh a um cipaw ah ny oh.

BYAPHY 12:9

Laephi pynpi a lingpaw, Raerangsaro te Satan a ci hae paw langmawlya e hupaw, myarya lepaw nakaa-hupi tuh laephi kalan vua athua, amaw ryte a vaawccungccaw hae tuh vua athua hae.

BYAPHY 13:8

Chia athuapaw Tuutaw kya-e hiinnaw ccauh kya laephi athotakaw te mih min zei athua lei hae paw, laephi vawlan a um hae paw balyn nynh sarepaw kha oun beik cih hae.

BYAPHY 20:15

Hiinnaw ccauh kya a min zei athua leipaw miakaw tuh maee tuili lungkhu lang vua athua hae.