JOHAN 17:3 - Zotung Bible 2016

³ Zungzae hiinnaw cipaw tuh, ahmepaw Pachia nang kyalya te na sawpaw Jesu Khri hynh minmin nynh a ny hae paw kha nynh thua.

JOHAN 17:3 Iomraidhean Croise

1 SHERIANAW 28:9

“Te nang, ka ccapaw Solomon, na paaw Pachia kha nyh lah, tuanaw ccangkheit te thinlung ccaccing te amaw rya kha lawtua; pawccecize Bawipaw nynh tuh tuanaw miakaw kha akaw-aleih muih zah, paccynpaw te tuanaw miakaw kha phe a ny. Amaw kha na ccung zetuh na muih cih; thuasalama amaw kha na vua zetuh nang kha zungzae ae vua cih.

2 SHERIANAW 15:3

Ccyh hynhsepi cia Israel tuh Pachia ccaccing hoi khyh, ccangpahtu ranpibawi kha hoi khyh, phungbya mah hoi leite a um;

The Psalms 9:10

Te na min a nyh hae paw nynh nang kha ae doliaku hae, pawccecize, pou Bawipaw , nang ae ccung hae paw kha na vua boi khyh hae.

PHUNGTANGBYA 8:35

Pawccecize kae yn muihpaw humhung zemah hiinnaw kha muih zah, Bawipaw kyate maehoynaw kha a mue;

ISAIAH 48:16

Ka kalan yn naekuh oh lah, e bya hynh ngaetua oh! Athotakawnaw kyate aruh lante bya ka ho khyh, tuh-e acyiku ccyh lya mawte tuin kya kae ka um vae. Atu tuh Bawipaw PACHIA nynh kae te a Muisaw kha oun sawkheih vae.

ISAIAH 53:11

Vawsawnaw a teing koute awnaw kha a muih cih; a nynaw liate lungryccingnaw a mue cih. Ka ryalahtu midingpaw nynh ccungccaw patae kha miding lang a rae cih hae zah, mih hoyleinaw kha a phupah cih hae.

ISAIAH 61:1

Bawipaw PACHIA Muisaw tuh ka tungvaw a um, pawccecize Bawipaw nynh kae kha chitui yn thuh vae; tuaasahkunaw a teing hae paw kalan thehoypaw thuakhaepya khylan kae hynh yn saw vae, thinlung akoi hae paw vaemaw kha dansah khylan, a kyng hae paw kya luenaw kong hopya khylan te thongccah hae paw kha luesah khylan thuasah,

JEREMIAH 10:10

Thuasalama Bawipaw tuh ahmepaw Pachia nynh thua; aning tuh ahiinpaw Pachia, zungzae Siapharan nynh thua. A thinria vae ze laephi tuh ahy, minphuin hae nynh a thinrianaw kha ngaesang kho khyh hae.

HOSEA 6:3

Bawipaw kha nyh oh sih, amaw kha ny lan zuakuh oh sih; aning yn langku lanpaw tuh khua yn dae lanpaw hawte phe aria; pharyphary rahpaw khuaa hawte thuasah, laephi kha tui a bupaw hawkhuaa hawte thuasah aning tuh aening kalan yn thua cih,” a ci.

MARKA 9:37

“Humhung zemah e tahawpaw imua lu kheit kha ka min te leh a khanpaw tuh kae kha leh yn khanpaw nynh thua; humhung zemah kae kha leh yn khanpaw tuh kae kyalya kha leh yn khanpaw thua leite kae yn sawtupaw kha mah leh a khanpaw nynh thua,” cite a hopya hae.

LUKA 9:48

te minmin kyakhe, “Humhung zemah e imua taraw hynh ka min te leh a khanpaw tuh kae kha leh yn khanpaw nynh thua, te humhung zemah kae kha leh yn khanpaw tuh kae yn sawtupaw kha leh a khanpaw nynh thua. Pawccecize nanning balyn lakuze adih huapaw tuh alesae huapaw athua cih,” cite a hopya hae.

JOHAN 10:36

Paaw nynh a thyaasah vae paw te laephi vawlan a saw vae paw kae nynh, ‘Pachia Ccapaw nynh ka thua,’ ka ci keiccuze nanning nynh kae kha, ‘Pachia saryanaw bya na ho,’ cite pawtemou na ho kho oh?

JOHAN 11:42

Ka bya hynh zungzae nae thaepya cipaw ka ny; thuasalama hein kya a thadynpaw ccungccaw hae nynh kae tuh nang nynh na sawpaw cipaw kha a zyn ccaw hae cite minmin khylan nynh hynhte ka ho,” a ci.

JOHAN 14:26

Thuasalama ka min te Paaw nynh yn saw lanpaw Bawmtu, Thyaa Muisaw nynh pawpaw balyn ae ccangpah cih oh zah kae hopya vae oh paw balyn kha ae nysah thui cih oh.

JOHAN 17:18

Nang nynh kae hynh laephi kalan nae saw hawte kae nynh mah minmin hynh laephi kalan ka saw hae.

JOHAN 17:21

Mih balynte ccangkheit athua nawlan hae saw ka sang. Apang, nang tuh ka kya na um zah kae mah na kya ka um hawte, minmin mah aening kya umbua hae sah. Nang nynh kae hynh nae saw cipaw laephi nynh a zyn nawlan minmin tuh ccangkheit lang beih tang hae sah.

JOHAN 17:23

minmin tuh ccangkheit ccaccing lang a tang nawlan hae, kae tuh minmin kya ka um zah nang tuh ka kya na um, tuhteze nynh nang nynh kae hynh nae saw cipaw te kae hynh nae sungsah hawte minmin kha mah na sungsah hae cipaw kha laephi nynh a nyh cih.

JOHAN 17:25

“Pou adingpaw Apang, laephi ccungccaw hae nynh namaw hynh ae nyh khyh hae, thuasalama kae nynh tuh kae ny; nang nynh kae hynh nae saw cipaw kha hynh-e hae nynh a ny hae.

JOHAN 17:8

Pawccecize nae pyapaw bya kha mih kalan ka pya hae zah a lawku hae, te kae tuh namaw kyate yn thuapaw cipaw kha nyh ccaccing hae zah, kae tuh namaw nynh nae saw cipaw kha a zyn hae.

JOHAN 3:17

“Pawccecize Pachia nynh laephi hynh byapia khylan a Ccapaw kha laephi vawlan yn saw khyh, amaw liate laephi ccungccaw hae hynh khum athua hae ccaw cite nynh yn saw.

JOHAN 3:34

Pachia nynh yn sawpaw ccungccaw nynh tuh Pachia bya kha a ho; pawccecize Pachia nynh tuh-e paw tuh Muisaw kha phe beih lan a pya.

JOHAN 5:44

Lu kheit te lu kheit pyakupaw thehoynaw kha na ccou ry oh zah amaw kyalya Pachia athuapaw kyate yn thuapaw thehoynaw kha na ccung lei oh paw nanning tuh pawtemou na zyn kho cih oh?

JOHAN 6:57

A hiinpaw Paaw nynh kae hynh yn saw zah Paaw liate kae ka hiin hawte, kae yn aepaw ccungccaw tuh kamaw liate a hiin cih.

JOHAN 7:29

Thuasalama kae tuh amaw kha ka ny; pawccecize kae tuh amaw kyate kae thuapaw thua zah, aning nynh kae hynh yn saw,” a ci.

JOHAN 8:19

Minmin nynh, “Na Paaw tuh teimou a um?” cite a khia hae. Jesu nynh, “Nanning nynh kae thuasah, ka Paaw thuasah na nyh khyh oh; kae hynh nae la ny oh ze, ka Paaw mah na nyh cih oh,” cite a khung hae.

1 KORIN 15:34

Nae lungkyhsakuh ccavae oh lah, sei nan vae oh; pawccecize abang ccungccaw tuh Pachia na nyh khyh oh. E hynh nae maethya ccaw cite nynh ka ho.

1 KORIN 8:4

Tukeiccuze zohtuh kalan a pya hae paw looh aenaw konglang ho lanze, laephi kya zohtuh um ccaccing khyh cipaw te Pachia ccangkheit laelan ccangpaw um vae khyh cipaw kha ah ny oh.

2 KORIN 4:6

Pawccecize, “Mohnaw kyate awnaw tuh phaephae aw sah,” cite a hotupaw Pachia nynh Jesu Khri mae kyakhe Pachia phu-enaw nynawpaw awnaw kha pya khylan, ah thinlung kya phaephae a awsah vae.

FILIPI 3:10

Ka rypaw tuh Khri te a thoothuinaw kya-e thungnaw kha nyte, a teingnaw kha neethungkubua te a chinaw kya chibua kha nynh thua.

FILIPI 3:8

Tuhpiaze, ka Bawipaw Khri Jesu nynaw asung-e huaccepaw keiccuze pawpaw balyn kha shungnawpaw lang ka tua. Khri keiccuze pawpaw balyn marya ka shung zah, amaw kha mue kho nawlan tuh-e hae tuh athupaw lang nynh ka ria,

1 THESALON 1:9

Pawccecize kaening nynh nae kalan pawcihte nynh kae tee cipaw kaening kong kha tuin ram kya-e ccungccaw hae nynh a ho hae, te a hiinpaw te ahmepaw Pachia kha ryalawpya khylan zohtuh hae kyate Pachia kalan pawcihte nynh na paleihku oh cipaw kha thuasah,

2 THESALON 1:8

Pachia nynh amaw a nyh lei hae paw te ah Bawipaw Jesu Khri thehoypaw a ngae lei hae paw kha a liaru cih hae.

HEBRU 3:1

Tukeiccuze vaawlang te asekuhpaw konaw kya a pabua hae paw athyaapaw uteno hae, aening nynh ccaekia ah khan oh paw Locceihtu te Ranpibawi Lupi athuapaw Jesu kong kha tuatua oh.

2 PETER 1:2

Pachia te ah Bawipaw Jesu nynaw liate thawccinaw te daenaw tuh nae kya la lungthung sah.

2 PETER 1:3

A phu-enaw te a hoynaw kha ccoubua khylan aening oun kotupaw amaw kha nynaw liate, hiinnaw te Pachia rawrinaw te asekuhpaw uccaw balyn kha Pachia a thungnaw nynh aening oun pya vae.

2 PETER 1:8

Pawccecize hynh-e uccaw hae hynh nanning kya um zah alungthung lanze, tuh-e hae nynh ah Bawipaw Jesu Khri nynaw kya athae thaesah leite, thanenaw pya leite ae nung lan khyh oh.

1 JOHAN 1:2

Tuh-e hiinnaw tuh yn langkuh vae, kaening nynh kae muih zah ccaekia kae khan vae; Paaw ryte la um hae zah kaening kya yn langkuhpaw tuh-e zungzae hiinnaw kong tuh nae kalan kae langsahpya oh.

1 JOHAN 1:3

Nanning mah kaening ryte vaeccawkunaw na hoibua ccaw oh cite kae muihpaw te kae thaepaw kha kae hopya oh; kaening tuh Paaw te a Ccapaw Jesu Khri ryte vaeccawkunaw kae hoi.

1 JOHAN 2:23

Humhung zemah Ccapaw a eipaw ccungccaw tuh Paaw kha hoi khyh. Ccapaw kha a lehkhanpaw tuh Paaw kha mah a hoi.

1 JOHAN 4:6

Aening tuh Pachia kya-e nynh ah thua oh. Pachia a nyhpaw ccungccaw nynh ah bya kha a ngae. Pachia kya-e athua leipaw ccungccaw nynh tuh aening bya kha ngae khyh. Tuhcite aening nynh ahmepaw muisaw te ahynpaw muisaw kha ah ny oh.

1 JOHAN 5:20

Ahmepaw Pachia kha ah ny nawlan oh, Pachia Ccapaw tuh yn thua vae zah, aening kha thaethyanaw oun pya vae cipaw ah ny oh; aening tuh ahmepaw Pachia kya te a Ccapaw Jesu Khri kya nynh ah um oh. Aning tuh ahmepaw Pachia thua zah zungzae hiinnaw mah athua.