JOHAN 17:2 - Zotung Bible 2016

² Ccungccaw balyn tungvaw kya kawhoinaw kha amaw na pya vae hawte, nang nynh Ccapaw kalan na pya hae paw ccungccaw miakaw kha Ccapaw nynh zungzae hiinnaw a pya nawlan Ccapaw hynh phu-esah tua.

JOHAN 17:2 Iomraidhean Croise

The Psalms 110:1

Bawipaw nynh ka Bawipaw kha, “Na rhaw hae kha na ccusy lang kae raepya makhia tuh, ka ranglang khe haung,” a cipya.

DANIEL 7:14

Bya aphuinphuin ho hae paw minphuin hae balyn nynh amaw rya kha a lawpya hae, uknaw kaw, phu-enaw te siapharan lang tangnaw tuh amaw kha pya athua. A uknaw tuh azo cih leipaw zungzae tynpaw uknaw thua zah, a siapharan thuanaw tuh papin roh lan khyh.

MATTHAI 11:27

Ka Paaw nynh pawpaw balyn kha marya yn ap vae; Paaw laelan hum nynh sanmah Ccapaw kha nyh khyh; Ccapaw te Ccapaw nynh amaw kong phy lan a popaw ccungccaw laelan hum nynh sanmah Paaw kha nyh khyh.

MATTHAI 25:46

E hae tuh zungzae detahnaw lungkhu lang a cceih cih hae, thuasalama miding hae tuh zungzae hiinnaw lungkhu lang a cceih cih hae,” a ci.

MATTHAI 28:18

Jesu nynh yn thua zah, “Vaawlang te laephi vawlan e kawhoinaw balyn tuh kamaw kalan pya athua vae.

JOHAN 17:24

Apang, laephi a um mawze nae sungsah zah nae pyapaw ka phu-enaw hynh nae pyapaw ccungccaw hae nynh a muih ccaw hae, ka umnaw kya kamaw ryte um hae sah ci ka ry.

JOHAN 17:6

“Laephi kyate nae pyapaw ccungccaw hae kya na min kha ka langsah vae, minmin tuh na kya-e thua hae zah kamaw kha nae pya, te na bya kha a zui hae.

JOHAN 17:9

“Minmin hanlan saw ka sang; laephi hanlan saw ka sang khyh; thuasalama nae pyapaw ccungccaw hae hanlan nynh saw ka sang, pawccecize minmin tuh na ccungccaw hae nynh thua hae.

JOHAN 3:35

Paaw nynh Ccapaw kha sungsah zah pawpaw balyn kha a kuih kya marya a pya vae.

JOHAN 4:14

thuasalama kae nynh ka pya lanpaw tui a neihpaw ccungccaw tuh a tuihaw boi vae lan khyh. Kae nynh ka pya lanpaw tui tuh tuh-e paw kya zungzae hiinnaw hanlan aphyhthungpaw tuidy athua cih,” a cipya.

JOHAN 6:27

Arohthyapaw looh hanlan ryalah nan oh, Ccungccaw Ccapaw nynh nanning ae pya cih oh paw zungzae hiinnaw hanlan atynpaw looh elang ryalah oh; pawccecize Paaw Pachia nynh amaw kha tazeih phe khia vae paw nynh thua,” a ci.

JOHAN 6:37

Paaw nynh yn pyapaw ccungccaw hae balyn nynh ka kalan oun cceih cih hae; ka kalan yn cceihpaw ccungccaw tuh kharouh ka dee boi lan khyh.

JOHAN 6:39

Kae yn sawtupaw nynh a rynaw tuh, kae yn pyapaw ccungccaw hae balyn kha lu kheit san zosah leite, nyathya nin kya thoosah lan hae paw nynh thua.

Romans 6:23

Pawccecize seinaw mee tuh chinaw nynh thua; thuasalama Pachia kya-e lasung tuh ah Bawipaw Jesu Khri liate zungzae hiinnaw nynh thua.

1 KORIN 15:25

Pawccecize Pachia nynh rhaw hae balyn kha a ccuphe kaw a nung kou hae cia, Khri nynh a uk cih.

EFESA 1:20

Khri kha chinaw kyate thoosah zah vaawlang khua kya a ranglang khe a haungsah lya, Pachia nynh tuh-e thungnaw khate Khri kya rya a law,

FILIPI 2:10

tukeiccuze vaawlang um hae paw, laephi vaw um hae paw te lae kaw um hae paw miakaw nynh Jesu min kya ccukharu a tung cih hae zah,

1 TIMOTE 1:16

Thuasalama zungzae hiinnaw hanlan amaw a zyn vae cih paw ccungccaw hae nynh dosuinkupaw thua khylan, Jesu Khri nynh a sei huaccepaw kae ka tungvaw kya accingpaw ngaesangnaw kha langsaku khylan, kae tuh ngaethyaumsahnaw kha ka mue.

HEBRU 1:2

hynh-e nyathyakou ccyh kya tuh a Ccapaw kyate nynh aening kha bya oun hopya vae. Tuh-e Ccapaw tuh pawpaw balyn rhoccoutu lang khang zah, amaw liate vaaw te lae hynh mah a rae.

1 PETER 3:22

Tuh-e Khri tuh vaawlang kae zah, vaaw hae, kawhoinaw hae te thungnaw hae kha a kuihkaw kya nung zah Pachia ranglang khe a um vae.

1 JOHAN 1:2

Tuh-e hiinnaw tuh yn langkuh vae, kaening nynh kae muih zah ccaekia kae khan vae; Paaw ryte la um hae zah kaening kya yn langkuhpaw tuh-e zungzae hiinnaw kong tuh nae kalan kae langsahpya oh.

1 JOHAN 2:25

Khri nynh aening oun kinpyakupaw tuh zungzae hiinnaw nynh thua.

1 JOHAN 5:20

Ahmepaw Pachia kha ah ny nawlan oh, Pachia Ccapaw tuh yn thua vae zah, aening kha thaethyanaw oun pya vae cipaw ah ny oh; aening tuh ahmepaw Pachia kya te a Ccapaw Jesu Khri kya nynh ah um oh. Aning tuh ahmepaw Pachia thua zah zungzae hiinnaw mah athua.

JUDE 1:21

Pachia sungsahnaw kya tyn oh lah, zungzae hiinnaw hanlan ah Bawipaw Jesu Khri kya-e ngaethyaumsahnaw kha ngaehoi oh.