JOHAN 17:1 - Zotung Bible 2016

¹ E bya hae hynh he a ho koute Jesu nynh vaawlang dothung zah, “Apang, accyh azaw vae; na Ccapaw nynh namaw kha phu ae esah nawlan na Ccapaw hynh phu-esah tua.

JOHAN 17:1 Iomraidhean Croise

The Psalms 123:1

Vaawram bawitungkhung kya a umpaw Bawipaw , namaw kalan khe ka dothung!

ISAIAH 38:14

Ccipae khyhze cocia pavaw hawte ka sia zah, vahu hawte ka hawkhaekuh. Ka mit tuh ka dothungnaw a thawbang vae. Pou Bawipaw, kae tuh tuaasahkunaw ka teing; khynnaw beih yn pyatua!

MARKA 14:41

Vae thumnaw bua thua zah minmin kha, “Palei na ih ung oh tou? Na haeung ung oh ii? Azaw vae! Accyh yn thua vae. Dotua oh, Ccungccaw Ccapaw tuh misei hae kuih kalan pya athua vae.

LUKA 18:13

Ngunto khoitupaw tuh asawnaw langkhe thadyn zah vaawlang dothung ngan leite a by kha tukuh zah, ‘Pou Pachia, miseipaw kae hynh ngaethya yn umsah!’ a ci.

LUKA 22:53

Beikinn kya nanning ryte nin takyh ka um lyaze nae kuih nae hangnua khyh oh; thuasalama atu tuh nae ccyh te mohnaw huhan athung ccyh nynh thua,” a cipya hae.

JOHAN 11:4

Jesu nynh tuh-e bya he a thae tuh, “E ccinaw tuh chi khopaw ccinaw thua khyh; Pachia phu-enaw hanlan te Pachia Ccapaw nynh phu-enaw a ccou nawlan nynh thua,” a ci.

JOHAN 11:41

Minmin nynh athuhhu kha a nue hae. Jesu nynh dothung zah, “Apang, ka bya nae thaepya keiccuze na tungvaw ka lungtua.

JOHAN 12:23

Jesu nynh minmin kyakhe, “Ccungccaw Ccapaw nynh phu-enaw a mue ccyh athua vae.

JOHAN 13:1

Kawtaw Poi a thua mawkhe, Jesu nynh e laephi kyate Paaw kalan a ccianaw ccyh azaw vae cipaw a ny; laephi vawlan a um hae paw a ccungccaw hae kha sungsah hae zah athangnaw cia a sungsah hae.

JOHAN 16:32

Nae balynte nae umnaw raveih lang nae phiakuh cih oh zah, ka makhaete nae cciataw oh ccyh yn thua cih, atumaw yn thua vae; tuhzemah kae tuh ka makhae thua khyh, pawccecize ka Paaw nynh kae kha yn umkhae.

JOHAN 7:30

Minmin nynh Jesu kha kyng lan a ccung vae hae; thuasalama a ccyh azaw loh khyh keiccuze hum nynh sanmah kyng khyh hae.

JOHAN 7:39

Jesu nynh amaw a zyn hae paw nynh a mue lan hae paw Muisaw kong kha nynh hynh-e hynh a honuathe; tuh ccyh lya tuh Thyaa Muisaw kha pya thua loh khyh, pawccecize Jesu tuh phu-enaw te thoosah thua loh khyh.

JOHAN 8:20

Jesu nynh e bya hynh beikinn lungkhu sisuakhaan kya a ccangpya lya hae nynh a ho; amaw ccyh azaw loh khyh keiccuze hum nynh sanmah kyng khyh hae.

LOCCEIHTU 3:13

Abraham, Isak te Jakob Pachia, ah minpaaw hae Pachia nynh a Ccapaw Jesu kha a phu-esah vae; nanning nynh tuh-e Jesu tuh Pilat kuih kalan na pya oh zah, Pilat nynh luesah lan he a noukuh tuh nanning nynh luesah lan phe na ei oh.

1 PETER 1:21

Khri kha chinaw kyate thoosah zah phu-enaw a pyatupaw Pachia kha Khri liate na zyn oh. Tuhteze nynh nae zynnaw te nae ngaehoinaw tuh Pachia kya a um.