JOHAN 16:7 - Zotung Bible 2016

⁷ Tuhzemah byaccing kha kae hopya oh: nanning thanenaw hanlan ka la cceih cih; pawccecize kae nynh ka ccia khyh ze nae kalan Bawmtu yn thua lan khyh; thuasalama ka ccia ze amaw kha nae kalan kae saw cih.

JOHAN 16:7 Iomraidhean Croise

The Psalms 68:18

Bawipaw tuh ahangnaw langkhe kae zah, kyngpaw ccungccaw hae kha ataruinte a cciakhae hae, ccungccaw hae kyate thuasah, amaw a dou hae paw kyate heize thuasah lasung a mue, Bawipaw Pachia tuh tuin kya a um cih.

LUKA 24:49

Ka Paaw nynh bya a kinkupaw kha kamaw nynh nae tungvaw kya kae saw cih; thuasalama vaawlang te nae kya thungnaw yn thua mawlaezung Jerusalem khua kya la um hin oh,” a cipya hae.

LUKA 4:25

Thuasalama thanccingte kae hopya oh, Elijah ccyh lya kum thum te sah taruh cia vaawlang thuakaw khaw thua zah loram balyn kya myarya ccakancci lya, Israel ram kya nomae hae patae a um hae.

LUKA 9:27

Thuasalama byaccaccing kae hopya oh, Pachia peenaw kha a muih hae cia a chih cih lei hae paw ccungccaw abang tuh hein kya a thadyn hae,” cite a hopya hae.

JOHAN 14:26

Thuasalama ka min te Paaw nynh yn saw lanpaw Bawmtu, Thyaa Muisaw nynh pawpaw balyn ae ccangpah cih oh zah kae hopya vae oh paw balyn kha ae nysah thui cih oh.

JOHAN 14:28

‘Ka la cceih cih zah nae kalan bua kae thua cih,’ cite kae hopya oh paw kha phe na thae vae oh. Nae sungsah oh ze, Paaw kalan ka ccia lanpaw hynh nae lungtua cih; pawccecize ka Paaw tuh kae laeze a lesaehua.

JOHAN 14:3

Kae nynh ka cceih zah nanning hanlan umnaw ka paccyn koute, bua kae thua cih zah, nanning mah ka umnaw kya umbua khylan ka kalan kae hoeibua cih oh.

JOHAN 15:26

“Paaw kyate nae kalan kae saw cih paw Bawmtu, Paaw kyate yn thua zah byaccing te phe abeihpaw Muisaw tuh he yn thua te, kamaw kong kha ccaekia yn khan cih.

JOHAN 16:8

Aning he yn thua te, seinaw kong, dingnaw kong te byapianaw kong kha laephi ccungccaw hae kya a nysah cih hae.

JOHAN 7:39

Jesu nynh amaw a zyn hae paw nynh a mue lan hae paw Muisaw kong kha nynh hynh-e hynh a honuathe; tuh ccyh lya tuh Thyaa Muisaw kha pya thua loh khyh, pawccecize Jesu tuh phu-enaw te thoosah thua loh khyh.

LOCCEIHTU 10:34

Peter nynh a khalang kha aw zah, “Pachia tuh ccungccaw maedo khyh cipaw ka ny ccaccing.

LOCCEIHTU 2:33

Tukeiccuze aning tuh Pachia ranglang khe hangthung thua vae zah, byakinpyakupaw Thyaa Muisaw kha Paaw kyate a mue vae; atu na muih oh zah na thae oh paw hynh-e Thyaa Muisaw hynh ah tungvaw kya phe oun bu vae.

Romans 8:28

Pachia kha sungsah hae zah amaw a eenaw thyhte ko athua hae paw hanlan tuh Pachia nynh pawpaw balyn kha ahoy lante cci nynh pynkheihlan rya a law cipaw ah ny oh.

2 KORIN 4:17

Pawccecize sosohtari kae teingpaw, zawbahaepaw hynh-e vawsawnaw nynh khinkhia kho leipaw, myarya akhinccipaw zungzae phu-enaw kha kae hanlan oun paccynpya.