JOHAN 16:3 - Zotung Bible 2016

³ Ka Paaw te kae hynh oun ny khyh hae keiccuze tuhcite oun cyih cih hae.

JOHAN 16:3 Iomraidhean Croise

LUKA 10:22

Pawpaw balyn tuh Apang nynh kae kalan marya yn pya vae; Paaw laelan hum ccungccaw nynh sanmah Ccapaw hynh nyh khyh; Paaw hynh hum nynh thua cipaw kha Ccapaw te Ccapaw nynh a phypyapaw ccungccaw laelan hum nynh sanmah nyh khyh,” a ci.

JOHAN 15:21

Thuasalama ka min keiccuze hynh-e hae balyn hynh nae tungvaw oun cyih cih hae, pawccecize kae yn sawtupaw kha nyh khyh hae.

JOHAN 15:23

Kae yn huapaw tuh ka Paaw kha mah a hua.

JOHAN 17:25

“Pou adingpaw Apang, laephi ccungccaw hae nynh namaw hynh ae nyh khyh hae, thuasalama kae nynh tuh kae ny; nang nynh kae hynh nae saw cipaw kha hynh-e hae nynh a ny hae.

JOHAN 17:3

Zungzae hiinnaw cipaw tuh, ahmepaw Pachia nang kyalya te na sawpaw Jesu Khri hynh minmin nynh a ny hae paw kha nynh thua.

JOHAN 8:19

Minmin nynh, “Na Paaw tuh teimou a um?” cite a khia hae. Jesu nynh, “Nanning nynh kae thuasah, ka Paaw thuasah na nyh khyh oh; kae hynh nae la ny oh ze, ka Paaw mah na nyh cih oh,” cite a khung hae.

JOHAN 8:55

Tuhzemah amaw kha na nyh khyh oh, kae tuh amaw kha ka ny; amaw kha ka nyh khyh ka ci ze, naemaw hawte mihynpaw nynh ka thua cih, thuasalama amaw kha ka nyh zah a hopaw kha ka zui.

LOCCEIHTU 3:17

“Uteno hae, na ny khyh oh keiccuze nae uktu hae nynh a cyi hae hawte hynhte na cyibua oh cipaw ka ny.

1 KORIN 2:8

Hynh-e she e uktu hae hum nynh sanmah tuh-e hawnaw tuh nyh khyh hae; a la ny hae ze, a phu-epaw Bawipaw kha vaelantung kya a khiade cih lei hae paw.

2 THESALON 1:8

Pachia nynh amaw a nyh lei hae paw te ah Bawipaw Jesu Khri thehoypaw a ngae lei hae paw kha a liaru cih hae.

1 TIMOTE 1:13

Kae tuh langmawlya Pachia saryanaw bya a hopaw, a tuaa a sahtupaw te a puathopaw nynh ka thua. Thuasalama zynnaw hoi leite nythya leite ka la cyipaw athua keiccuze ngaethyaumsahnaw kha ka mue.

1 JOHAN 2:23

Humhung zemah Ccapaw a eipaw ccungccaw tuh Paaw kha hoi khyh. Ccapaw kha a lehkhanpaw tuh Paaw kha mah a hoi.

1 JOHAN 3:1

Aening tuh Pachia ccaaw hae cite ko ah thua nawlan oh, pawcihawpaw sungsahnaw mou Paaw Pachia nynh oun pya cipaw kha tuatua oh; aening tuh Pachia ccaaw hae nynh ah thua ccaccing oh. Laephi ccungccaw hae nynh Pachia kha a ny khyh hae keiccuze aening kha mah oun nyh khyh hae.

1 JOHAN 4:8

Ccungccaw a sungsah leipaw tuh Pachia kha nyh khyh; pawccecize Pachia tuh sungsakunaw nynh thua.

1 JOHAN 5:20

Ahmepaw Pachia kha ah ny nawlan oh, Pachia Ccapaw tuh yn thua vae zah, aening kha thaethyanaw oun pya vae cipaw ah ny oh; aening tuh ahmepaw Pachia kya te a Ccapaw Jesu Khri kya nynh ah um oh. Aning tuh ahmepaw Pachia thua zah zungzae hiinnaw mah athua.