JOHAN 16:2 - Zotung Bible 2016

² Minmin nynh nanning kha sinakok kyate ae dee cih oh; nanning ae theih oh paw ccungccaw nynh Pachia rya nynh ka law cite a tuaku ccyh tuh yn thua vae cih.

JOHAN 16:2 Iomraidhean Croise

ISAIAH 65:5

minmin nynh, “Kae tuh nang laeze myaryamaw ka thyaahua keiccuze ka kalan naeku leite namaw um lan zya um,” a ci hae. E ccungccaw hae tuh ka naduh lungkhu e maeekhuh thua hae zah, anin ninlang aruapaw maee nynh thua hae.

ISAIAH 66:5

Bawipaw bya keiccuze a thyngkuh hae paw nanning, amaw bya kha ngaetua oh: Ka min keiccuze nanning ae hua oh paw te ae vua oh paw nae ccungccaw hae toulou nynh, “Nae lungtuanaw kha kae muih nawlan, Bawipaw tuh a phu-e sah,” a ci hae; thuasalama minmin tuh maethyanaw a mue cih hae.

DANIEL 11:33

Ccungccaw hae laku e mihaw hae nynh ccungccaw patae kha a ccangpah cih hae; thuasalama ccyh sosoh tuh thaloi te maeephupi khate chiakunaw, kyngkunaw te luadekunaw kha a teing cih hae.

MATTHAI 10:28

Pyn tuh theih kho salamah muisaw a theih kho lei hae paw kha la rih nan oh; muisaw te pyn kha parouhte hell kya a roh khopaw raw kha la rih oh.

MATTHAI 24:9

“Te ccungccaw hae nynh nanning kha vawrivawsaw nung khylan ae ap cih oh zah ae theih cih oh; ka min keiccuze minphuin hae balyn nynh ae hua cih oh.

LUKA 6:22

“Ccungccaw Ccapaw keiccuze ccungccaw hae nynh ae hua oh ze thuasah, mih kyate ae phia oh ze thuasah, sarisarya ae nung oh ze thuasah, nae the ae thyasah vae oh ze thuasah nanning tuh lungtuapaw nynh na thua oh.

JOHAN 12:42

Tuhzemah uktu hae patae nynh heize amaw kha a zyn hae; thuasalama Farasi hae nynh sinakok kyate oun deesei cih hae cipaw a ri hae keiccuze minmin nynh kae zyn cite ho ngan khyh hae.

JOHAN 16:25

“E konglang hynh tousenaw bya te nynh kae hopya oh; thuasalama tousenaw bya mang leite, ka Paaw kong kha ccaerarih lan kae hopya oh ccyh yn thua cih.

JOHAN 16:32

Nae balynte nae umnaw raveih lang nae phiakuh cih oh zah, ka makhaete nae cciataw oh ccyh yn thua cih, atumaw yn thua vae; tuhzemah kae tuh ka makhae thua khyh, pawccecize ka Paaw nynh kae kha yn umkhae.

JOHAN 4:21

Jesu nynh, “Nopinung, kae hynh yn zyn, nanning nynh hynh-e mua vawlan thua leite, Jerusalem kya mah thua leite Paaw kha nae beik ccyh oh yn thua cih.

JOHAN 4:23

Thuasalama Pachia a beik ccaccing hae paw nynh Paaw kha muisaw te thuasah, byaccing te thuasah oun beik hae ccyh yn thua cih, tuh-e ccyh tuh atumaw yn thua vae. Pawccecize Paaw nynh khahcihawpaw ccungccaw hae kha amaw a beiktu lang a ccung hae.

JOHAN 9:22

A nung te a paaw nynh Judah hae raw a ri hae keiccuze e bya hynh a ho hae; pawccecize Jesu tuh Messiah nynh thua cite a zynpaw miakaw tuh sinakok kyate dee lan cite Judah hae nynh nawccawnaw a hoi vae hae.

JOHAN 9:34

Minmin nynh, “Na pyn balyn seinaw mawcci te nae puipaw nang nynh tou kaening ccangpya lan nae zuakuh?” ci hae zah sinakok kyate a dee hae.

LOCCEIHTU 5:33

Tuh-e bya a thae hae tuh, mih bungpaw zah minmin kha chia lan a ry hae.

LOCCEIHTU 7:56

Stefen nynh, “Dotua oh, vaawlang ahungkuhpaw te Ccungccaw Ccapaw nynh Pachia ranglang a thadynpaw kha ka muih!” a ci.

1 KORIN 4:13

Thethya oun ho hae ze byanepaw te kae beih hae. Kaening tuh atunin cia laephi kya-e athu-anangpaw hawte kae thua zah pawpaw balyn kya-e athupaw hae hawte mah kae thua.

FILIPI 3:6

beiknaw kya lungthawsaenaw te asekuh lante khriccaawbuu tungvaw a tuaasahtupaw, Kawbya kya umpaw dingnaw te asekuh lante ccaenaw um leipaw nynh ka thua.

BYAPHY 6:9

Ccangpangawnaw tazeih kha he a kia tuh, Pachia bya keiccu thuasah, ccaekia a khan hae keiccu thuasah a chia hae paw mih muisaw hae kha silawhang kaw khe ka muih;

BYAPIATU 6:30

Tetuh khuaccaaw hae nynh Joash kha, “Na ccapaw tuh chi khylan yn pousah tua, pawccecize Baal silawhang kha roh zah a pe umpaw Asherah thing kha a nge,” a ci hae.