JOHAN 15:4 - Zotung Bible 2016

⁴ Kamaw kya tyn oh lah kae mah nae kya ka tyn cih. Aran nynh misu ku kya a kyngku khyh lanze athae a thae kho khyh hawte, nanning mah ka kya na kyngku khyh oh ze na thae kho lan khyh oh.

JOHAN 15:4 Iomraidhean Croise

SOLOMON HLAW 8:5

A sungsahpaw kha ngeikute ramkaw kyate yn cceihthungpaw khuh hummou athua? Epal ku kaw khe nang kha kae tho. Tuin kyakhe na nung tuh nang keiccuze neitangia a teing; tuin kyakhe nang ae saahnung tuh neitangia a teing.

HOSEA 14:8

Pou Efraim, zohtuh hae te kae tuh pawmou kae sekuh? Na sawsangnaw ae thaepahpaw te nang ae do-oihpaw tuh kamaw nynh ka thua; kae tuh zungzae hinlalyhpaw maeccaw ku hawte nynh ka thua; na lungzinaw tuh ka kyate yn thuapaw nynh thua.

MATTHAI 12:33

“Thingku kha ahoy lan rae lah athae ahoy cih, tuhkhyhze ahoy lei lan rae lah athae hoy lan khyh, pawccecize thingku tuh athae liate ny athua.

LUKA 8:15

Thuasalama lae hoy kya a ccah hae paw tuh, Pachia bya kha he a thae hae te, athyaapaw te ahoypaw thinlung khate tynkaring lan ccykekuh hae zah lungsaenaw te athae thae hae paw kha nynh thua.

JOHAN 14:20

Tuh-e nin kya kae tuh ka Paaw kya ka um zah nanning tuh kamaw kya na um oh paw te kae nynh nae kya ka umpaw kha nae nyh cih oh.

JOHAN 17:23

minmin tuh ccangkheit ccaccing lang a tang nawlan hae, kae tuh minmin kya ka um zah nang tuh ka kya na um, tuhteze nynh nang nynh kae hynh nae saw cipaw te kae hynh nae sungsah hawte minmin kha mah na sungsah hae cipaw kha laephi nynh a nyh cih.

JOHAN 6:56

Ka saw kha ae zah ka chii a neihpaw tuh ka kya um zah kae mah a kya ka um.

JOHAN 8:31

Jesu nynh amaw zyn hae paw Judah hae kha, “Nanning nynh ka bya kya na tyn oh ze, ka zuitu hae ccaccing na thua cih oh.

LOCCEIHTU 11:23

Tuin kya thua zah Pachia thawccinaw kha he a muih tuh a lungtua; zynnaw thinlung te Bawipaw tungvaw kya lungzinaw po a hoi nawlan hae minmin balyn kha thawzung a pya hae;

LOCCEIHTU 14:22

Zuitu hae thinlung kha thawzung pyate, zynnaw kya po atyn nawlan hae hyy hae zah, “Aening tuh tuaasahnaw patae tung biate nynh Pachia peenaw lungkhu lang ah tee cih oh,” cite a hopya hae.

2 KORIN 13:5

Zynnaw kya na hiin oh tou, na hiin khyh oh tou cipaw naemaw te naemaw sihseikuh oh. Naemaw te naemaw syntawku tua oh. Tuhte na syntawkuh oh zah na shung ccaccing khyh oh ze, nae kya Jesu Khri a um cipaw na nyhkuh khyh oh tou?

GALATI 2:20

tukeiccuze a hiinpaw tuh kamaw thua leite ka lungkhu kya a hiinpaw Khri nynh thua. Atu pynsaw kya ka hiinpaw hiinnaw tuh kae yn sungsah zah ka hanlan amaw te amaw a pyakuhpaw Pachia Ccapaw zynnaw liate nynh ka hiin.

EFESA 3:17

te nanning tuh sungsakunaw kya tharui sawte bing na thua oh zah, zynnaw liate Khri tuh nae thinlung kya a um nawlan saw ka sang.

FILIPI 1:11

Pachia phu-e nawlan te thehoysah nawlan, Jesu Khri liate oun thuapaw dingnaw kya-e athae hae khate phe na bia nawlan oh saw ka sang.

KOLOSE 1:23

Na thae oh paw thehoypaw kya-e ngaehoinaw kyate nueku leite, zynnaw kya tynkaring lan na bingkuh cih oh zah po na tyn cih oh, tuh-e thehoypaw tuh vaawlui zakaw umpaw raepaw miakaw kya phy thua zah, kae, Paul tuh tuh-e thehoypaw hanlan ryalahtu nynh ka thua.

KOLOSE 1:27

E byakhupaw a phu-enaw kya-e hoirumnaw tuh hohcihmou ale cipaw Zenta hae kha nysah khylan Pachia nynh tuh-e mithyaa hae tuh a po hae; tuh-e byakhupaw tuh phu-enaw kya-e ngaehoinaw athuapaw, nae kya a umpaw Khri kha nynh thua.

KOLOSE 2:6

Tukeiccuze nanning nynh Khri Jesu Bawipaw kha phe na lawku vae oh hawte, amaw kya hiin ccavae oh.

1 THESALON 3:5

Hynh-e keiccuze, he ka ngaesang kho khyh tuh, nae zynnaw kha ny khylan Timote kha kae saw; tuhoutu nynh nanning kha ccangkhakheit te ae tuhou cih oh zah kae ryalaw tuh alakaw lan a tangsei cih cipaw kae thinphang.

HEBRU 10:39

Thuasalama aening tuh ronaw kalan nulang a sihkuh hae paw ah thua khyh oh, thuasalama zynnaw hoite khumnaw a ccou hae paw nynh ah thua oh.

1 JOHAN 2:6

Pachia kya ka um cite a hopaw nynh tuh Jesu Khri a hiin hawte a hiinbua aho.

2 JOHAN 1:9

Humhung zemah Khri ccangpyanaw kya tyn leite, kaw a ngae leipaw ccungccaw tuh Pachia hoi khyh; Khri ccangpyanaw kya atynpaw ccungccaw tuh Paaw te Ccapaw kha parouh mawte a hoi.