JOHAN 15:2 - Zotung Bible 2016

² Ka kya athae thae leipaw aran miakaw kha marya bae hae zah, athae thaepaw aran miakaw kha houh a thae nawlan a ccikanpya.

JOHAN 15:2 Iomraidhean Croise

JOB 17:9

Tuhzemah miding hae tuh mih laanpi kya tyn hae zah, mih kuih a thyaa hae paw tuh houhouh a lethung hae.

The Psalms 92:14

A taw vae hae zemah palei athae thae ung hae; hinlalyh lan zungzae um hae zah, aphi te phe beih hae,

PHUNGTANGBYA 4:18

Thuasalama miding hae laanpi tuh ninthu cia houhouh a awpaw awkhua takaw e awnaw te nynh aloku.

ISAIAH 27:9

Lung rawpaw kha ditaraw lan koi athua hawte, silawhang kya-e lung balyn kha koi zah, athyaapaw tungpi hae te mynkhuh unawpaw silawhang kha he a khulia hae te, Jakob a cyiseinaw kha a ngaethya cih, e hynh a seinaw thyaasah athuanawpaw athae nynh thua:

ISAIAH 29:19

Zakawsangsakuh hae paw tuh Bawipaw kya lungtuanaw thawpaw a mue cih hae zah, ahobou huacce hae paw tuh Israel Pachia Athyaapaw kya mih lungpaw cih.

DANIEL 11:35

Accyh athang mawlaezung tuh, mihaw hae abang tuh syntawnaw teingte thyaasah athua nawlan hae, chia athua cih hae, pawccecize khyapaw accyh azaw mawlaezung tuhcite acyihkuh ung cih.

HOSEA 6:3

Bawipaw kha nyh oh sih, amaw kha ny lan zuakuh oh sih; aning yn langku lanpaw tuh khua yn dae lanpaw hawte phe aria; pharyphary rahpaw khuaa hawte thuasah, laephi kha tui a bupaw hawkhuaa hawte thuasah aning tuh aening kalan yn thua cih,” a ci.

MALAKHI 3:3

aning tuh sivaw te ngun thyaasahtu hawte a haung cih zah, Levi ciihan hae nynh pyapaw uccaw hae kha Bawipaw kalan dingnaw te a pya mawlaezung hae, minmin kha sui te ngun thyaasah hawte a thyaasah cih hae.

MATTHAI 13:12

Pawccecize a hoipaw ccungccaw kha pyachih athua cih zah patae a hoi cih; thuasalama a hoi leipaw ccungccaw tuh a hoi thypaw maw kha lawpya athua cih.

MATTHAI 13:33

Ccangpaw tousenaw phungpaw a hopya hae paw tuh: “Vaawlang peenaw tuh ransi te nynh aloku; nopi lu kheit nynh ransi kha lah zah vaepoi ke kethum kya phing zah, tuh-e vaepoi phe a thosahpaw ransi te nynh aloku,” a ci.

MATTHAI 15:13

Thuasalama Jesu nynh, “Vaawlang umpaw ka Paaw nynh a lin leipaw aku miakaw tuh marya khaee athua cih.

MATTHAI 21:19

Laanpi pe khe thaeku ku kha muih zah a ccianua, thuasalama a naw laelan paw sanmah muih khyh; tukeiccuze thaeku ku kha, “Papinmaw athae la thae boi nan vae!” a cipya. Te vaekheihmawte thaeku ku tuh karae arou.

MATTHAI 25:29

Pawccecize a hoipaw ccungccaw miakaw kha pyachih athua cih zah patae a hoi cih; thuasalama a hoi leipaw ccungccaw kya-e a hoi thypaw kha heize lawpya athua cih.

MATTHAI 3:10

Te atu mah hae tuh thingku leihpaw kya nungde athua vae; tukeiccuze ahoypaw athae thae leipaw thingku miakaw tuh nge thua zah maee lungkhu lang phung athua.

MATTHAI 3:12

A kuih kya paraw ccyngkute a huihmin kha thyaapaping lan a cciccae koute a chanvuih kha byng lungkhu lang a ruin cih, thuasalama asipaw kha tuh a chih kho leipaw maee te a u cih,” a ci.

MATTHAI 7:19

Thingthae hoypaw a thae leipaw thingku miakaw tuh nge thua zah maee lungkhu lang phung athua.

MARKA 4:20

Lae hoy kya vuapaw bya tuh hynh-e hae nynh thua: Pachia bya kha thae hae zah a lawku hae, te leit sung thum, leit sung taruh, leit za kheit athae avoi,” a cipya hae.

LUKA 8:13

Lung vawlan a ccah hae paw tuh, Pachia bya kha he a thae hae te lungtuate a lawkuh hae paw nynh thua, thuasalama tharui hoi khyh hae, sosoh kyalya zyn hae zah tuhounaw nynh yn thuanua hae tuh phe a khuliakuh hae.

JOHAN 15:1

“Kae tuh misu ku ccaccing nynh ka thua, ka Paaw tuh khokhu hoitu nynh thua.

JOHAN 15:16

Nanning nynh kae hynh nae pokuh khyh oh; kae nynh nanning kha kae pokuh oh; nanning nynh na cceih oh zah zungzae atynpaw athae na thae nawlan oh te ka min te Paaw kalan na ngiaku oh paw miakaw kha ae pya nawlan oh nanning kha kae khang vae oh.

JOHAN 15:3

Nanning tuh kae hopya oh paw bya liate na thyaa vae oh.

JOHAN 15:6

Humhung zemah ka kya atyn khyh lanze aning tuh aran hawte ccaring vua thua zah karae arou; tuhcihawpaw aran hae kha suelua hae zah maee lungkhu lang phung hae zah maee nynh pong a u.

JOHAN 15:8

Thae patae na thae oh zah ka zuitu lang na tang oh liate ka Paaw phu-enaw a langkuh.

JOHAN 17:12

Nae pyapaw ccungccaw hae ryte ka um lya tuh minmin kha na min te ka khynsah hae; azo lanpaw ccungccapaw holeite, nae pyapaw ccungccaw hae kha ka khynsah hae zah, lu kheit sanmah zo khyh hae, tuh-e tuh Ccathyaa accing nawlan nynh thua.

Romans 11:17

Aran hae abang kha khya hae zah ramkaw e oliv thingku athuapaw nang kha minmin kya ae piade hae zah aran hae ryte pynkheihlan oliv thingku kya-e atharui te athotui kha na ccoubua lanze,

Romans 11:22

Tukeiccuze Pachia a thawccinaw te phe ccihtheihpaw a byapianaw kha tuatua; a khuliakuh hae paw tungvaw kya phe ccihtheih lang bya a pia hae, thuasalama nang tuh Pachia thawccinaw kya po na tyn ze, aning nynh thaw ae ccih cih; tuhzemah a thawccinaw kya na tyn khyh ze, nang mah thoh bae na thua cih.

Romans 8:28

Pachia kha sungsah hae zah amaw a eenaw thyhte ko athua hae paw hanlan tuh Pachia nynh pawpaw balyn kha ahoy lante cci nynh pynkheihlan rya a law cipaw ah ny oh.

1 KORIN 13:1

Ccungccaw hae bya te vaaw hae bya kha ka hothya salamah sungsakunaw ka hoi khyh ze, kae tuh dawkhua tupaw roi te lanchi khuapaw roi hawte nynh ka thua.

TITU 2:14

Jesu Khri tuh hoyleinaw balyn kyate aening kha shawkhaw khylan thuasah, amaw elang ccungccaw hae kha thyaasah khylan te tuh-e ccungccaw hae nynh ahoypaw cyisahnaw kha mih lungzua nawlan thuasah amaw te amaw kha aening hanlan a pyaku.

HEBRU 12:15

Pachia thawccinaw kha hum nynh san mue leite a um khyh nawlan, akhahpaw tharui kyate yn popaw nynh nanning kha vawsaw ae pya khyh nawlan oh raeringkuh oh; tuh-e nynh ccungccaw patae kha a nungsisaku hae.

1 JOHAN 2:19

Minmin tuh aening kyate a pou hae, thuasalama aening te sekuh bua khyh hae; pawccecize minmin tuh aening te aseku hae ze, aening ryte po a um cih hae. Thuasalama minmin nynh a pou hae paw tuh, aening te minmin balyn tuh ah sekuh vae khyh oh cipaw a langsaku hae paw nynh thua.

BYAPHY 3:19

Ka sungsahpaw ccungccaw hae kha ka pe hae zah ka thuihei hae, tukeiccuze na lungtho sah lah, ngaesikuh.