JOHAN 15:1 - Zotung Bible 2016

¹ “Kae tuh misu ku ccaccing nynh ka thua, ka Paaw tuh khokhu hoitu nynh thua.

JOHAN 15:1 Iomraidhean Croise

SOLOMON HLAW 7:12

misu ku atoih vae tou, misu paw apaw vae tou cipaw te ccalee paw apaw vae tou cipaw muih khylan awkhua takaw te misu khokhu lang cceih sih. Tuin kyakhe kae sungsahnaw kha nang kae pya cih.

ISAIAH 4:2

Tuin nin khe Bawipaw kya-e thingkaran tuh a puithya cih zah a phu-e cih, ram kya-e looh athae tuh Israel hae laku e a hiinhy hae paw mih rykunaw te mih phu-enaw athua cih.

ISAIAH 60:21

Na ccungccaw hae balyn tuh a ding cih hae zah, ram kha zungzae a pee cih hae. Kae kha phu-esah ka thua nawlan, minmin tuh ka linpaw atoihpaw, ka kuihhae nynh thua hae.

ISAIAH 61:3

Zion kya a rah a khui hae paw kha bawm khylan— buhhaw hanpaw haetapawsi, rawkhuinaw hanpaw lungtuanaw chitui, ngaethyanaw hanpaw lungtuanaw boeining kha minmin kalan pya khylan thuasah kae kha yn saw vae. Bawipaw nynh a phu-enaw langsaku khylan a linpaw dingnaw thingku cite minmin kha ko athua cih hae.

JEREMIAH 12:10

Tuurin hae patae nynh ka misu khokhu kha a ro vae hae, minmin nynh ka hanpaw kha a syde vae hae, ka lungrythuakhaekuhpaw ka hanpaw kha ccungccaw a um leinaw ramkaw lang a rae vae hae.

JEREMIAH 2:21

Nang kha acii ahoy huapaw kyate lawpaw misu ku ahoy huaccepaw lante kae linku. Tuhzemah pawccemou phe na roh zah, ramkaw e misu ku lang poh na tang?

EZEKIEL 19:10

Na nung tuh misu khokhu lungkhu, tui kin kya linpaw misu ku hawte nynh thua, tui alung keiccuze athae thae zah, akaran te phe abeih.

HOSEA 10:1

Israel tuh thae patae athaepaw misu ku te nynh aloku. A thae houh lung zah silawhang kha houh lung lan a raeku; a ram a kaethung thyhte a beikpaw tung hae kha houh puithya lan a raeku.

ZEKHARIAH 3:8

Pou ranpibawi lupi Joshua, nang te na malang a haung hae paw na ban hae ryte ngaetua oh! Minmin tuh yn cyihkuh cih paw muihsahnaw nynh athua hae: Ka seepaw Thingkaran kha ka thuakhae cih.

MATTHAI 15:13

Thuasalama Jesu nynh, “Vaawlang umpaw ka Paaw nynh a lin leipaw aku miakaw tuh marya khaee athua cih.

MATTHAI 20:1

“Pawccecize vaawlang peenaw tuh a misu khokhu elang ryalahtu hae hoh lan cite awkhua takaw te a cceihpaw khokhu hoitupaw te nynh aloku.

MATTHAI 21:33

“Ccangpaw tousenaw phungpaw hynh ngaetua oh: loram a hoipaw lu kheit nynh misu khokhu kha rae zah hohung po a koih, te misu mianaw khu kha karouh zah buhang ccangkheit a sak, te khokhu kha a hohtu hae kalan hohsakuh hae zah ramccang lang a cceih.

MARKA 12:1

Jesu nynh minmin kha tousenaw phungpaw te bya a hopya hae: “Ccungccapaw lu kheit nynh misu khokhu raekuh zah hohung te po a koih, misu mianawpaw akhu kha karouh zah buhang phe a dua, te misu khokhu kha a hohtu hae kalan hohsakuh hae zah ramccang lang a cceih.

LUKA 13:6

Jesu nynh e tousenaw phungpaw hynh mah a ho: “Ccungccapaw lu kheit nynh a misu khokhu kyakhe thaeku ku kheit a lin; yn cceih zah tuh-e ku kya athae kha ccung zah muih khyh.

JOHAN 1:17

Pawccecize kawbya tuh Moses liate pya athua, thawccinaw te byaccing tuh Jesu Khri liate nynh yn thua.

JOHAN 1:9

Tuh-e ahmepaw awnaw tuh laephi vawlan yn thua zah ccungccaw miakaw kha a awsah.

JOHAN 15:2

Ka kya athae thae leipaw aran miakaw kha marya bae hae zah, athae thaepaw aran miakaw kha houh a thae nawlan a ccikanpya.

JOHAN 6:32

Jesu nynh, “Byaccaccing kae hopya oh, Moses nynh vaawlang e sanlou kha ae pya khyh oh; ka Paaw nynh vaawlang e sanlou ccaccing kha ae pya oh.

JOHAN 6:55

pawccecize ka saw tuh looh ccaccing thua zah ka chii tuh niapaw ccaccing nynh thua.

Romans 11:17

Aran hae abang kha khya hae zah ramkaw e oliv thingku athuapaw nang kha minmin kya ae piade hae zah aran hae ryte pynkheihlan oliv thingku kya-e atharui te athotui kha na ccoubua lanze,

1 KORIN 3:9

Pawccecize kaening tuh Pachia rya a lahkheihtu hae nynh kae thua, nanning tuh Pachia loo, Pachia inn nynh na thua oh.

1 JOHAN 2:8

Amaw kya te nanning kya ahmepaw kawbya thawpaw kha nae kalan ka zei, pawccecize mohnaw tuh zo zah ahmepaw awnaw tuh atu a aw vae.