JOHAN 14:3 - Zotung Bible 2016

³ Kae nynh ka cceih zah nanning hanlan umnaw ka paccyn koute, bua kae thua cih zah, nanning mah ka umnaw kya umbua khylan ka kalan kae hoeibua cih oh.

JOHAN 14:3 Iomraidhean Croise

JOHAN 12:26

Humhung zemah ka rya a lahpaw tuh kae kha yn zui cih; ka umnaw kyakhe rya yn lawpahpaw mah a umbua cih; humhung zemah ka rya a lahpaw tuh ka Paaw nynh sawtuanaw a pya cih.

JOHAN 14:28

‘Ka la cceih cih zah nae kalan bua kae thua cih,’ cite kae hopya oh paw kha phe na thae vae oh. Nae sungsah oh ze, Paaw kalan ka ccia lanpaw hynh nae lungtua cih; pawccecize ka Paaw tuh kae laeze a lesaehua.

JOHAN 14:4

Ka cceih cihnaw hmin a thuapaw laanpi kha na ny oh,” a ci.

JOHAN 17:24

Apang, laephi a um mawze nae sungsah zah nae pyapaw ka phu-enaw hynh nae pyapaw ccungccaw hae nynh a muih ccaw hae, ka umnaw kya kamaw ryte um hae sah ci ka ry.

LOCCEIHTU 1:11

Tuh-e hae nynh, “Galilee ccungccaw hae, pawccemou vaawlang na dothung oh? Nae kyate vaawlang lawthung athuapaw Jesu tuh vaawlang a kaepaw na muih thyh oh hawte bua yn thua cih,” a cipya hae.

Romans 8:17

Ccaaw hae ah thua oh ze rhoccoutu hae nynh ah thua vae oh, Pachia rho a ccoutu hae te Khri ryte rho a ccoukheih hae paw nynh ah thua oh; Khri ryte ah teingkheih oh ze, amaw ryte phu-enaw kha mah ah ccoubua cih oh.

FILIPI 1:23

Kae tuh tuh-e ccangning laku areihkunaw kya nynh ka um. E hiinnaw hynh cciatawte Khri ryte umkheih lan ka ry, tuh-e tuh myarya ahoy huapaw nynh thua.

2 THESALON 1:12

Tuhcite ah Pachia te Bawipaw Jesu Khri thawccinaw thyhte, ah Bawipaw Jesu min tuh nae kya phu-esah athua cih zah nanning mah amaw kya phu-esah na thua cih oh.

2 TIMOTE 2:12

Aening ah teing kho oh ze, amaw ryte ah ukkheih cih oh; amaw kha ah vua oh ze, aning nynh mah oun vua cih.

HEBRU 9:28

Khri nynh ccungccaw patae seinaw kha phu khylan vaekheit kyalya a pyaku. Amaw kha ngaehoite a ngawpaw ccungccaw hae kha khum khylan aning tuh seinaw te asekuh lei lante vaeningnaw bua yn langkuh ung cih.

BYAPHY 3:21

Kae tuh taetu ka thua zah ka Paaw ryte a bawitungkhung vawlan kae haung hawte, taetu athuapaw tuh ka bawitungkhung vawlan kamaw ryte haungnaw kaw ka pya cih.