Biblia Todo Logo
Bìoball air-loidhne

- Sanasan -




JOHAN 13:8 - Zotung Bible 2016

8 Peter nynh, “Ka ccu tuh kharouh nae sing lan khyh,” a cipya. Jesu nynh, “Na ccu kae sing khyh ze, nang tuh kae te na sekuh bua lan khyh,” a cipya.

Faic an caibideil Dèan lethbhreac




JOHAN 13:8
28 Iomraidhean Croise  

Thuasalama a paaw nynh, “Ka ccapaw kha namaw kya cceihbua lan khyh, pawccecize a upaw tuh phe chih vae zah, amaw makhae nynh a um vae. Na ccianaw oh laanryng khe a chisei zetuh nanning nynh ka sang phe paw vae paw hynh ngaethyanaw te michi khua lang nae cciasah sei cih oh,” a ci.


Te Benjamin phinpaw Bikhri ccapaw Sheba cikuhpaw acouseikuhpaw lu kheit a um. Aning nynh mungkae tu zah, “Pou Israel hae, kaening tuh David kya ccoupaw kae hoi khyh, Jesse ccapaw kya rho kae hoi khyh! Ccungccaw miakaw nae bu raveih lang cceih oh,” cite a sia.


Siapharan nynh kae bya hynh ngae khyh cipaw kha Israel hae balyn nynh he a muih hae tuh, ccungccaw hae nynh siapharan kha, “Kaening nynh David kya ccoupaw pawmou kae hoi? Jesse ccapaw kya rho kae hoi khyh. Pou Israel, nae bu kalan cceih oh! Pou David, namaw maw nynh na innbyn kha do-oihku tua,” cite a khung hae. Tukeiccuze Israel hae tuh mih bu raveih lang a ki hae.


Ka hoyleinaw kha marya yn singpah lah, ka seinaw kyate yn thyaasah tua.


Hyssop khate yn thyaasah lah, ka thyaa cih; yn sing lah, vuiraw laeze ka rawhua cih.


Bawipaw nynh Zion ccanung hae kya-e nungsikunaw kha a singpya vae hae, Jerusalem lungkhu chiise luanaw kha byapianaw huhan te maeesoi huhan khate a thyaasah vae.


Nanning kha tui ccipaw te kae hei cih oh zah nae nungsikunaw balyn kyate na thyaa cih oh, nae zohtuh balyn kyate kae thyaasah cih oh.


Tuin nin khe David ciihan te Jerusalem khuaccaaw hae mih seinaw te mih nungsikunaw kha ccikan nawlan tuidy ccangkheit aphyh cih.


Peter nynh Jesu kha ccanglang cciakhae zah, “Bawipaw, tuh-e tuh Pachia nynh khee vae sah; na tungvaw kya tuh-e tuh cyihkuh nan sah!” cite a hopya.


A ccapaw nynh, ‘Ka cceih lan khyh,’ a ci; thuasalama khuekheih acih te ngaesikuh zah a cceih.


Peter nynh Jesu kha, “Ming hae balyn nynh ae ccuetaw hae zemah kae tuh kharouh kae ccuetaw lan khyh,” a cipya.


Peter nynh, “Nang te chikheih lan accan zemah nang kha kae vua lan khyh,” a cipya. Tuh-e hawte zuitu hae balyn nynh mah a cibua hae.


Simon Peter kya he a thua tuh, Peter nynh, “Bawipaw, ka ccu nae sing cih tou?” a ci.


Simon Peter nynh, “Bawipaw, ka ccu kyalya thua leite ka kuih te ka lu mah yn singbia!” a cipya.


Jesu nynh, “Byaccaccing kae hopya, humhung zemah tui te Muisaw te a pui khyh lanze Pachia peenaw lungkhu lang tee kho lan khyh.


Atu pawccemou phang na ngaw? Thokuh lah baptisma in, Bawipaw min kha kote na seinaw balyn kha singkuh,’ yn cipya.


Nanning kyaze abang tuh khahcihaw hae paw nynh na la thua oh. Thuasalama Bawipaw Jesu Khri min liate thuasah, ah Pachia Muisaw liate thuasah nanning tuh singpya na thua vae oh, thyaasah na thua vae oh zah thyaaccousah na thua vae oh.


Khri nynh tuhte a cyipaw tuh, khriccaawbuu kha Pachia bya athuapaw tui te singpyanaw liate a thyaa ccaw cite ccikan khylan,


Te Bawipaw nae Pachia malang khe naemaw ryte nae ccanung hae te nae ccapaw hae, nae seenung hae te nae seepaw hae, te neekupaw thuasah, rho thuasah hoi leite nae khua kya a um hae paw Levi hae ryte nae lungtua cih.


Ahme leipaw zakawsangsakunaw kya te vaaw hae beikpaw kya a lungrythuapaw hum nynh san thethya ae la ho nan oh sah; tuh-e paw tuh amaw a tuanaw khate accakaepaw kya a tansakuhpaw, a muihpaw vizin hae kha phang kyngkuh zah,


E hae tuh mawtemaw raekupaw beiknaw, ahme leipaw zakawsangsakunaw te pyn kha pawlangria leinaw kya hawnaw langkunaw a hoi ccaccing; thuasalama pynsaw duaanaw sungkunaw kya ccungkianaw um khyh.


aening nynh ah rae oh paw dingnaw cyisahnaw hae liate thua leite, amaw ngaethyaumsahnaw liate oun khum, puithuinaw te asekuhpaw singpyanaw te Thyaa Muisaw nynh thawsahthuinaw liate aening kha oun khum.


ahoy leipaw mawtemaw nykunaw thinlung kha thyaasaku khylan tui theikute, ah pyn kha tui ccipaw te singkute, thinlung ccaccing te zynnaw atynpaw te Pachia kalan naekuh oh sih.


a lungzipaw ccaekia a thuapaw, a chih hae paw kyate masaty yn puipaw te laephi siapharan hae uktu bawi athuapaw Jesu Khri kyate thuasah thawccinaw te daenaw tuh nae tungvaw la um sah. Aening kha oun sungsah zah a chiise te aening seinaw balyn kha oun luesahpaw,


Kae nynh, “Bawipaw, nang nynh na nyh,” ka cipya. Aning nynh kae kha, “Hynh-e hae tuh myarya lepaw vawsawrunaw kyate oun pou hae paw nynh thua hae; minmin nynh mih angkiccua kha Tuutaw chii kya sukuh hae zah a rawsahku hae.


Lean sinn:

Sanasan


Sanasan