JOHAN 13:5 - Zotung Bible 2016

⁵ Tukoute tui kha pakepi lungkhu lang ccae zah a zuitu hae ccu kha a singpya hae, te a cce kya a voikupaw pavua khate a hupya hae.

JOHAN 13:5 Iomraidhean Croise

GENESIS 18:4

Tui beihtaraw kae lah hin sah, te nae ccu kha singkuh oh lah thingku kaw haeung oh.

GENESIS 19:2

Lot nynh, “Ka bawipaw oh, nae seepaw inn lang tee oh lah, khuazi rya oh, nae ccu kha singkuh oh; te awkhua takaw te na tho cih oh zah na cceih cih oh,” a cipya hae. Minmin nynh, “Kae tee lan khyh, khuazi khualae lungkhu kya nynh kae rya cih,” a ci hae.

GENESIS 43:24

Tuh-e paw nynh minmin kha Josef inn lang a cciakhae hae, tui kha pya hae zah mih ccu kha a singku hae, mih lann hae kha mah aepaw a pya hae,

2 SIAPHARAN 3:11

Thuasalama Jehoshafat nynh, “Bawipaw kalan byakhiasah lanpaw Bawipaw profeh tuh hein kya um khyh tou?” a ci. Te Israel siapharan a ryalahtupaw lu kheit nynh, “Elijah kuih tui a bupahtupaw Elisha, Shafat ccapaw tuh hein kya a um,” a cipya.

The Psalms 51:2

Ka hoyleinaw kha marya yn singpah lah, ka seinaw kyate yn thyaasah tua.

EXODUS 29:4

Aaron te a ccapaw hae kha tungkunaw bu thuakaw kalan nae cciakhae cih hae zah tui na sing cih hae.

ISAIAH 1:16

Naemaw te naemaw singkuh oh; naemaw te naemaw thyaasakuh oh; na cyi oh paw hoyleinaw kha ka mit nynh a muihnaw kyate vua oh; hoyleinaw kha rae nan vae oh,

EZEKIEL 36:25

Nanning kha tui ccipaw te kae hei cih oh zah nae nungsikunaw balyn kyate na thyaa cih oh, nae zohtuh balyn kyate kae thyaasah cih oh.

LEVITIKAS 14:8

Thyaasah athua cih paw ccungccaw nynh a boeining kha a sukuh cih zah a ming balyn kha a ngokuh cih, te tui a singkuh cih zah athyaapaw athua vae cih. Tukoute ryahmin lungkhu lang a cceih cih, thuasalama a bu atolang khe nin sari a um cih.

ZEKHARIAH 13:1

Tuin nin khe David ciihan te Jerusalem khuaccaaw hae mih seinaw te mih nungsikunaw kha ccikan nawlan tuidy ccangkheit aphyh cih.

LUKA 7:38

Jesu nulang a cculeihpaw khe thadyn zah a rah, te a ccu kha a mitphi te ciasah zah a lu kya-e a sang te a hupya, a ccu kha myng zah chitui a thuh.

LUKA 7:44

Jesu nynh nopinung kalan maeleihkuh zah Simon kha, “E nopinung hynh na muih tou? Kae tuh na inn lungkhu lang ka tee zah ka ccu singkunaw lanpaw tui nae pya khyh, thuasalama e nung nynh ka ccu hynh a mitphi te yn singpah zah a sang te yn hupya vae.

JOHAN 13:10

Jesu nynh, “Tui a singkuh vae paw tuh pong thyaa vae zah a ccu kyalya nynh sing aho vae; nanning tuh na thyaa vae oh, thuasalama nae balynte tuh na thyaa khyh oh,” a cipya.

JOHAN 13:6

Simon Peter kya he a thua tuh, Peter nynh, “Bawipaw, ka ccu nae sing cih tou?” a ci.

JOHAN 13:8

Peter nynh, “Ka ccu tuh kharouh nae sing lan khyh,” a cipya. Jesu nynh, “Na ccu kae sing khyh ze, nang tuh kae te na sekuh bua lan khyh,” a cipya.

JOHAN 19:34

Thuasalama rhawkawpaw lu kheit nynh a naw kha ccoi te thuing zah chii te tui palou apou.

LOCCEIHTU 22:16

Atu pawccemou phang na ngaw? Thokuh lah baptisma in, Bawipaw min kha kote na seinaw balyn kha singkuh,’ yn cipya.

1 KORIN 6:11

Nanning kyaze abang tuh khahcihaw hae paw nynh na la thua oh. Thuasalama Bawipaw Jesu Khri min liate thuasah, ah Pachia Muisaw liate thuasah nanning tuh singpya na thua vae oh, thyaasah na thua vae oh zah thyaaccousah na thua vae oh.

EFESA 5:26

Khri nynh tuhte a cyipaw tuh, khriccaawbuu kha Pachia bya athuapaw tui te singpyanaw liate a thyaa ccaw cite ccikan khylan,

1 TIMOTE 5:10

ahoypaw ryalaw hae hanlan thehoy ccousah hae paw; imua hae kha a kua ze, mikhia hae kha a thuasah hae ze, mithyaa hae ccu kha a singpya ze, riathae hae paw kha lunghoysah ze, ahoypaw ryalaw miakaw kha zuakute a law ze, ccazing kya la teebua sah.

HEBRU 10:22

ahoy leipaw mawtemaw nykunaw thinlung kha thyaasaku khylan tui theikute, ah pyn kha tui ccipaw te singkute, thinlung ccaccing te zynnaw atynpaw te Pachia kalan naekuh oh sih.

1 JOHAN 1:7

Thuasalama Pachia tuh awnaw kya a um hawte, aening nynh awnaw kya ah um oh ze, aening tuh lu kheit te lu kheit vaeccawkunaw ah hoi oh zah, a Ccapaw Jesu Khri chiise nynh seinaw balyn kyate oun thyaasah.

1 JOHAN 5:6

Tui te chiise te yn thuapaw tuh Jesu Khri nynh thua. Tui te kyalya thua leite tui te chiise te nynh yn thua; ccaekia a khantupaw tuh Muisaw nynh thua, pawccecize Muisaw tuh byaccing nynh thua.

BYAPHY 1:5

a lungzipaw ccaekia a thuapaw, a chih hae paw kyate masaty yn puipaw te laephi siapharan hae uktu bawi athuapaw Jesu Khri kyate thuasah thawccinaw te daenaw tuh nae tungvaw la um sah. Aening kha oun sungsah zah a chiise te aening seinaw balyn kha oun luesahpaw,

BYAPHY 7:14

Kae nynh, “Bawipaw, nang nynh na nyh,” ka cipya. Aning nynh kae kha, “Hynh-e hae tuh myarya lepaw vawsawrunaw kyate oun pou hae paw nynh thua hae; minmin nynh mih angkiccua kha Tuutaw chii kya sukuh hae zah a rawsahku hae.

BYAPIATU 19:21

Tukeiccuze a inn lang teekhae zah, lann hae kha looh a dang hae; mih ccu singkuh hae zah a ae a neih hae.

1 SAMUEL 25:41

Abigail nynh thokuh zah laekhu kya bakhung zah, “Kae tuh ka bawipaw a ryalahtu hae ccu kha a singpaw seenung nynh ka thua,” a cipya hae.