JOHAN 13:3 - Zotung Bible 2016

³ Paaw nynh pawpaw balyn kha a kuih lungkhu lang marya a pya vae cipaw kha thuasah, aning tuh Pachia kyate yn thua zah Pachia kalan bua a ccia lanpaw kha thuasah Jesu nynh a ny.

JOHAN 13:3 Iomraidhean Croise

MATTHAI 11:27

Ka Paaw nynh pawpaw balyn kha marya yn ap vae; Paaw laelan hum nynh sanmah Ccapaw kha nyh khyh; Ccapaw te Ccapaw nynh amaw kong phy lan a popaw ccungccaw laelan hum nynh sanmah Paaw kha nyh khyh.

MATTHAI 28:18

Jesu nynh yn thua zah, “Vaawlang te laephi vawlan e kawhoinaw balyn tuh kamaw kalan pya athua vae.

LUKA 10:22

Pawpaw balyn tuh Apang nynh kae kalan marya yn pya vae; Paaw laelan hum ccungccaw nynh sanmah Ccapaw hynh nyh khyh; Paaw hynh hum nynh thua cipaw kha Ccapaw te Ccapaw nynh a phypyapaw ccungccaw laelan hum nynh sanmah nyh khyh,” a ci.

JOHAN 1:18

Hum nynh sanmah Pachia tuh muih boi khyh, Paaw by vaw kya a umpaw, lu kheit kyalyapaw Ccapaw nynh Pachia kha a langsah vae.

JOHAN 13:1

Kawtaw Poi a thua mawkhe, Jesu nynh e laephi kyate Paaw kalan a ccianaw ccyh azaw vae cipaw a ny; laephi vawlan a um hae paw a ccungccaw hae kha sungsah hae zah athangnaw cia a sungsah hae.

JOHAN 17:2

Ccungccaw balyn tungvaw kya kawhoinaw kha amaw na pya vae hawte, nang nynh Ccapaw kalan na pya hae paw ccungccaw miakaw kha Ccapaw nynh zungzae hiinnaw a pya nawlan Ccapaw hynh phu-esah tua.

JOHAN 3:13

Vaawlang te yn rungbungpaw Ccungccaw Ccapaw holeite hum sanmah vaawlang a kaepaw um boi khyh.

JOHAN 3:35

Paaw nynh Ccapaw kha sungsah zah pawpaw balyn kha a kuih kya marya a pya vae.

JOHAN 7:29

Thuasalama kae tuh amaw kha ka ny; pawccecize kae tuh amaw kyate kae thuapaw thua zah, aning nynh kae hynh yn saw,” a ci.

JOHAN 7:33

Jesu nynh, “Kae tuh nanning ryte sosoh nynh ka um cih, tukoute kae yn sawtupaw kalan ka cceih cih.

JOHAN 8:14

Jesu nynh, “Kae tuh kamaw konglang ccaekia ka khan zemah ka ccaekia tuh akyh; pawccecize kae tuh paw kyate nynh kae thua cipaw te teilang nynh ka cceih cih cipaw ka ny; thuasalama nanning nynh kae tuh paw kyate nynh kae thua cipaw te teilang nynh ka cceih cih cipaw kha na nyh khyh oh.

JOHAN 8:42

Jesu nynh, “Pachia tuh nae Paaw a la thua ze, kae hynh nae sungsah cih oh; pawccecize kae tuh Pachia kyate kae thua zah atu hein kya ka um, kamaw kaw te kae thua khyh, Pachia nynh kae hynh yn saw.

LOCCEIHTU 2:36

Tukeiccuze vaelantung kya na khiade oh paw Jesu ccaccei kha Pachia nynh Bawi lang te Messiah lang phe a rae vae cipaw kha Israel minphuin balyn nynh ccaerarih lan nyh oh,” cite Peter nynh a ci.

1 KORIN 15:27

Pawccecize Ccathyaa kyaze, “Pachia nynh pawpaw balyn kha Khri ccuphe kaw a nung vae,” cite a um. Thuasalama, “Pawpaw balyn kha amaw zakaw a nung,” cite a hopaw kya, pawpaw balyn amaw zakaw a nungtupaw Pachia tuh pabua khyh cipaw alang.

HEBRU 1:2

hynh-e nyathyakou ccyh kya tuh a Ccapaw kyate nynh aening kha bya oun hopya vae. Tuh-e Ccapaw tuh pawpaw balyn rhoccoutu lang khang zah, amaw liate vaaw te lae hynh mah a rae.