JOHAN 13:10 - Zotung Bible 2016

¹⁰ Jesu nynh, “Tui a singkuh vae paw tuh pong thyaa vae zah a ccu kyalya nynh sing aho vae; nanning tuh na thyaa vae oh, thuasalama nae balynte tuh na thyaa khyh oh,” a cipya.

JOHAN 13:10 Iomraidhean Croise

PHUNGHOTU 7:20

Thanccingte, seinaw papin hoi leite hoynaw kyalya raete adingpaw ccungccaw laephi vawlan lu kheit sanmah um khyh.

SOLOMON HLAW 4:7

Ka sungsahnung, na pyn balyn mawte na puithya; na kya hosianaw um khyh.

JEREMIAH 50:20

Tuin nin te tuin ccyh khe, Israel a hoyleinaw kha ccung athua cih zah muih thua lan khyh; Judah seinaw kha muih thua lan khyh; pawccecize ka haang vae hae paw, a laehy hae paw seinaw kha ka ngaethya cih hae, cite Bawipaw nynh a ci.

LEVITIKAS 16:26

Azazel hanlan accanpaw miaa kha a sawtupaw nynh a boeining kha tui te a sukuh cih zah, a pyn kha tui a singkuh cih, tukoute ryahmin lungkhu lang a tee kho cih.

LEVITIKAS 16:28

Tuh-e hae kha maee te a utupaw tuh a boeining kha a sukuh cih zah a pyn kha tui te a singkuh cih, tukoute nynh ryahmin lungkhu lang a tee kho cih.

MATTHAI 6:12

Ming hae nynh kae tungvaw a sei hae paw kha kae ngaethya hae hawte kae seinaw kha oun ngaethyabua.

JOHAN 13:18

Nae balynte asekuh lante ka ho khyh, ka po hae paw kha ka ny hae, thuasalama Ccathyaa nynh, ‘Ka looh a aepaw nynh kae kha rawsete a ccu yn hangnua vae,’ a cipaw kha accing nawlan nynh thua.

JOHAN 13:9

Simon Peter nynh, “Bawipaw, ka ccu kyalya thua leite ka kuih te ka lu mah yn singbia!” a cipya.

JOHAN 15:3

Nanning tuh kae hopya oh paw bya liate na thyaa vae oh.

2 KORIN 5:17

Tukeiccuze humhung zemah Khri kya a um lanze, aning tuh rae thawpaw ccungccaw nynh thua; arynpaw uccaw miakaw tuh marya zo zah, pawpaw balyn tuh athawpaw lang a tang vae.

2 KORIN 5:21

Pawccecize Pachia nynh seinaw a hoi leipaw kha aening keiccuze seinaw a hoipaw lang a tangsah, tuhteze nynh aening tuh tuh-e paw kya Pachia miding lang ah tang kho cih oh.

2 KORIN 7:1

Sungsah hae, hynh-e byakinpyakupaw hae hynh ah hoi oh keiccuze pynsaw te muisaw nungsikunaw miakaw kyate ahmaw te ahmaw hynh ccikankuh oh sih lah, Pachia rawri te thyaanaw kha ccingsah oh sih.

1 THESALON 5:23

Daenaw Pachia amaw ccaccei nynh nanning kha marya ae la thyaasah vae oh sah; ah Bawipaw Jesu Khri yn thua te, nae muisaw, nae thinlung te nae pyn kha abalynte ccaenaw um lei lan ae la nung vae oh sah.

HEBRU 9:10

Tuh-e tuh aepaw, niapaw, singkupaw aphuinphuin te pynsaw te asekuhpaw phunglang hae kyalya thua zah raethuinaw ccyh kyacia rou nynh mang athua.

JAMES 3:2

Pawccecize aening balyn tuh patae ah mesei oh. Bya a honaw kya a mesei leipaw ccungccaw tuh a pyn balyn kha a taekuh khopaw thua zah accingpaw nynh thua.