JOHAN 13:1 - Zotung Bible 2016

¹ Kawtaw Poi a thua mawkhe, Jesu nynh e laephi kyate Paaw kalan a ccianaw ccyh azaw vae cipaw a ny; laephi vawlan a um hae paw a ccungccaw hae kha sungsah hae zah athangnaw cia a sungsah hae.

JOHAN 13:1 Iomraidhean Croise

PHUNGTANGBYA 8:31

a laephipi kya ka lungtua zah, ccungccaw hae kya ka lungrythua.

JEREMIAH 31:3

Bawipaw tuh asawnaw kyate amaw kalan yn langkuh. Nang kha zungzae tynpaw sungsahnaw te kae sungsah; tukeiccuze na tungvaw ka lungzi zungzae.

MATTHAI 26:45

Tukoute a zuitu hae kalan yn thua zah minmin kha, “Na ih ung oh zah na haeung ung oh tou? Dotua oh, Ccungccaw Ccapaw tuh misei hae kuih kalan pyanaw ccyh yn thua vae.

MATTHAI 28:20

Kaw kae pya oh paw balyn kha a zui nawlan hae la ccangpah oh; laephi she athang cia nae kya tyty ka um,” cite a zuitu hae kha a hopya hae. Amen.

LUKA 22:53

Beikinn kya nanning ryte nin takyh ka um lyaze nae kuih nae hangnua khyh oh; thuasalama atu tuh nae ccyh te mohnaw huhan athung ccyh nynh thua,” a cipya hae.

LUKA 9:51

Jesu tuh vaawlang te lawthungnaw ccyh anae vae keiccuze Jerusalem lang ccia lan a noukuh.

JOHAN 11:55

Judah hae Kawtaw Poi tuh nae vae zah ccungccaw patae tuh Kawtaw Poi azaw maw mimaw te mimaw ccikanku khylan khua taraw hae kyate Jerusalem lang oun cceihthung hae.

JOHAN 12:23

Jesu nynh minmin kyakhe, “Ccungccaw Ccapaw nynh phu-enaw a mue ccyh athua vae.

JOHAN 13:29

Judas Iskariot tuh phuabu ccytu athua keiccuze Jesu nynh poi kya aening hanlan ahopaw re lan nynh a naw cih, tuhkhyhze ryachi hae kha uccaw hankhakheit pya lan nynh a naw cih, cite abang nynh a tua hae.

JOHAN 13:3

Paaw nynh pawpaw balyn kha a kuih lungkhu lang marya a pya vae cipaw kha thuasah, aning tuh Pachia kyate yn thua zah Pachia kalan bua a ccia lanpaw kha thuasah Jesu nynh a ny.

JOHAN 13:34

Kawbya thawpaw kae pya oh: lu kheit te lu kheit sungsakuh oh. Kae nynh kae sungsah oh hawte nanning mah lu kheit te lu kheit sungsakuh oh.

JOHAN 14:28

‘Ka la cceih cih zah nae kalan bua kae thua cih,’ cite kae hopya oh paw kha phe na thae vae oh. Nae sungsah oh ze, Paaw kalan ka ccia lanpaw hynh nae lungtua cih; pawccecize ka Paaw tuh kae laeze a lesaehua.

JOHAN 14:31

Thuasalama kae nynh Paaw kha ka sungsah cipaw laephi nynh a ny nawlan Paaw nynh kaw yn pya thyhawte kae nynh ka cyi. Thokuh oh, hein kyate cceih ccavae oh sih.

JOHAN 16:28

Ka Paaw kyate kae thua zah laephi kalan kae thua vae; tukoute laephi hynh ka cciataw cih zah ka Paaw kalan ka cceih cih,” a cipya hae.

JOHAN 17:1

E bya hae hynh he a ho koute Jesu nynh vaawlang dothung zah, “Apang, accyh azaw vae; na Ccapaw nynh namaw kha phu ae esah nawlan na Ccapaw hynh phu-esah tua.

JOHAN 17:16

Kae tuh laephi kya-e ka thua khyh hawte minmin mah laephi kya-e thua khyh hae.

JOHAN 17:26

Nae sungsahnaw tuh minmin kya um zah kae mah minmin kya ka um nawlan, na min kha minmin ka nysah vae hae zah palei ka nysah ung cih hae,” a ci.

JOHAN 17:5

Pou Apang, laephi a um mawze namaw te pynkheihlan ka hoibua vae paw phu-enaw kha na malang hin atu yn pyatua.

JOHAN 18:4

Jesu nynh a tungvaw kya yn cyihkuh cih paw balyn kha marya a ny keiccuze cceih zah minmin kha, “Hummou na ccung oh?” cite a khia hae.

JOHAN 19:28

Tukoute Jesu nynh atu tuh pawpaw balyn marya accing vae cipaw nyh zah, Ccathyaa kya a umpaw kha accing nawlan, “Tui ka haw,” a ci.

JOHAN 2:13

Judah hae Kawtaw Poi tuh nae vae zah Jesu tuh Jerusalem lang a cceihthung.

JOHAN 6:4

Judah hae poi athuapaw Kawtaw Poi tuh anae vae.

JOHAN 7:30

Minmin nynh Jesu kha kyng lan a ccung vae hae; thuasalama a ccyh azaw loh khyh keiccuze hum nynh sanmah kyng khyh hae.

JOHAN 7:6

Jesu nynh minmin kha, “Ka ccyh thua loh khyh, nanning hanlan tuh pawpaw ccyh mah nae ccyh nynh thua.

JOHAN 8:20

Jesu nynh e bya hynh beikinn lungkhu sisuakhaan kya a ccangpya lya hae nynh a ho; amaw ccyh azaw loh khyh keiccuze hum nynh sanmah kyng khyh hae.

Romans 8:37

Oun phia kho lanpaw um khyh. Aening oun sungsahtupaw amaw liate, aening tuh hynh-e uccaw hae balyn kya taetu hae pasing nynh ah thua oh.

1 KORIN 1:8

Ah Bawipaw Jesu Khri nin kya nanning tuh ccaenaw na hoi khyh nawlan oh aning nynh athangnaw cia ae tynsah cih oh.

HEBRU 3:14

Pawccecize aening nynh atakaw e ah zynkunaw oh kha athangnaw cia tynkaring lan ah kyngku oh ze, aening tuh Khri a ruiban hae ah thua vae oh.

HEBRU 3:6

Thuasalama Khri tuh Pachia inn kya ccapaw hawte a lungzipaw nynh thua. Aening nynh zynkunaw thuasah, ngaehoinaw kya-e lungtuanaw thuasah athangnaw cia tynkaring lan ah kyngku oh ze, aening tuh amaw a inn nynh ah thua oh.

HEBRU 6:11

Nanning lu raveih nynh na ngaehoinaw oh kha phe accing nawlan, tuhcihawpaw zuakunaw kha athangnaw cia na langsaku nawlan oh kou kae ry.

1 PETER 1:13

Tukeiccuze nae thinlung kha paccynkute um oh lah, hawrarih lan um oh; Jesu Khri he yn langkuh te nae kalan thuakhae athua cih paw thawccinaw kha athangnaw cia ngaehoi oh.

1 JOHAN 4:19

Pachia nynh aening kha oun sungsah ty keiccuze aening nynh amaw kha ah sungsah oh.

BYAPHY 1:5

a lungzipaw ccaekia a thuapaw, a chih hae paw kyate masaty yn puipaw te laephi siapharan hae uktu bawi athuapaw Jesu Khri kyate thuasah thawccinaw te daenaw tuh nae tungvaw la um sah. Aening kha oun sungsah zah a chiise te aening seinaw balyn kha oun luesahpaw,