JOHAN 12:5 - Zotung Bible 2016

⁵ “Pawccemou hynh-e zimuin hynh denari phua za thum lang a zua koute ryachi hae a pya khyh hae?” a ci.

JOHAN 12:5 Iomraidhean Croise

EZRA 4:14

Kaening tuh siapharan inn e loi a ae hae paw kae thua keiccuze siapharan a thethya lanpaw kha kae ry khyh, tukeiccuze na kalan ccaw kae ky zah kae thaesah.

EXODUS 5:17

Faro nynh, “Nae thaw a naw, nae thaw a naw; tukeiccuze, ‘Bawipaw kalan silawku khylan kaening hynh oun cciasah,’ na ci oh.

EXODUS 5:8

Thuasalama a rae hae paw ohkhe accanlu tuh langmaw zeih maminte na raesah cih oh; na zyasahpah hua lan khyh oh, pawccecize minmin nynh mih thawnaw keiccuze, ‘Kae Pachia kalan silawku khylan oun cciasah,’ cite a sia hae.

AMOS 8:5

nanning nynh, “Looh kha zua khylan, hohtuh vema sawpaw sah thawpaw tuh athang cih; chanvuih kha zua khylan, hohtuh vema sabbath tuh athang cih? Ephah kha disah lan zah, shekel kha lesah lan, ahme leipaw zawccu khate ling lan hae,

MATTHAI 18:28

Tuh-e see tuh po cceih zah amaw nynh denari phua za kheit laebah a umsahpaw a banpaw see lu kheit kha a muih; te tuh-e paw tuh kyng zah a lotharue kha meih zah, ‘Laebah na umpaw kha yn pya ccavae,’ a cipya.

MATTHAI 20:2

Aning nynh nin kheit ze denari kia kheit pya lante ryalahtu hae ryte nawccawnaw kha rae zah minmin kha a misu khokhu lang a saw hae.

LUKA 12:33

Na hoi oh paw kha zua oh lah, ryachi hae kha pyabua oh, apue kho leipaw phuabu kha raekuh oh, miruh nynh a thuanua kho leinaw te laehaw nynh a ro kho leinaw vaawlang khua khe athang kho leipaw sisua kha ccykuh oh.

LUKA 18:22

Jesu nynh tuh-e bya he a thae te, tuh-e paw tuh, “Ccangkheit na bou ung, na hoipaw balyn kha zua lah ryachi hae kha la nee hae, tetuh vaawlang khua kya sisua na hoi cih; tukoute yn cceih lah yn zui,” a cipya.

LUKA 6:41

Namaw mit lungkhu umpaw thingthyh kha tuaku leite pawccemou na uno mit lungkhu umpaw athupaw taraw kha na dopya?

JOHAN 12:4

A zuitu hae kyaze lu kheit, Jesu a phee cih paw Judas Iskariot nynh,

JOHAN 12:6

Hynhte a hopaw hynh ryachi hae hanlan a tua keiccu thua leite miruhpaw athua keiccu nynh thua; aning tuh phuabu a kyngtu thua zah, tuin kya a nung hae paw kha leih a ru.

JOHAN 13:29

Judas Iskariot tuh phuabu ccytu athua keiccuze Jesu nynh poi kya aening hanlan ahopaw re lan nynh a naw cih, tuhkhyhze ryachi hae kha uccaw hankhakheit pya lan nynh a naw cih, cite abang nynh a tua hae.

JOHAN 6:7

Filip nynh, “Hynh-e hae milu raveih nynh sanlou beihtaraw ccite a mue nawlan hae denari phuapia za ning mee re lan zemah zaw lan khyh,” a cipya.