JOHAN 12:2 - Zotung Bible 2016

² Tuin kya amaw elang zerya paccynpah hae zah Martha tuh a thohae; Lazaruh tuh Jesu ryte ccaboi kya a haung hae paw kya a umbua.

JOHAN 12:2 Iomraidhean Croise

SOLOMON HLAW 4:16

Pou thahlang khisan, thoku tua, Pou deilang khisan, yn zawtua! Ka khokhu luki yn zaw lah, amynkhuhpaw kha asawnaw lang na mung cih. Ka sungsahpaw tuh a khokhu kalan yn thua sah lah, khokhu kya-e thingthae ahoy huaccepaw kha ae sah.

MATTHAI 26:6

Jesu tuh Bethani khua kya vaethyakaepaw Simon inn kya a um lyakhe,

MARKA 14:3

Jesu tuh Bethani khua kya vaethya a kaepaw Simon inn kya haung zah a ae lyakhe, nopinung lu kheit nynh myarya amee rupaw zimuin alabasta lung rawpaw bu kheit kha yn ccyng zah abu kha koi zah Jesu lu kha a bu.

LUKA 12:37

Mih bawipaw tuh yn ki zah phang a ngaw hae paw see hae kha a muih ze, tuh-e see hae tuh lungtua hae paw nynh thua; byaccaccing kae hopya oh, mih bawipaw nynh taeccia a cciakuh cih zah minmin kha ccaboi kya a koihsah cih hae, te amaw ccaccei nynh looh a dang cih hae.

LUKA 14:12

Jesu nynh amaw a kotupaw kha mah, “Nang nynh awkhua loohdangkunaw tuhkhyhze zete loohdangkunaw na rae vae ze, na ban hae, na uno hae, na vaeccaw hae, a hoirumpaw innpaw hae kha la ko nan hae; tuhte na ko hae ze minmin nynh mah bua ae koru cih hae zah amee ae sangru cih hae.

LUKA 22:27

Pawccecize aepaw a koihtupaw tou alehua? Tuhkhyhze a thohaepaw tou alehua? Aepaw a koihtupaw kha lehua khyh tou? Thuasalama kae tuh nanning laku kya a thohaepaw hawte nynh ka thua.

LUKA 5:29

Levi nynh a inn kya Jesu elang poi pi a tuapya; tuin kya ngunto khoitu hae patae te mingccang hae um hae zah, Jesu te zuitu hae ryte aepaw a koihkheih hae.

BYAPHY 3:20

Dotua, kae tuh thuakawzung khe ka thadyn zah ka khua. Ccungccaw lukhakheit nynh ka roi thae zah thuakaw yn hungpya ze, tuh-e paw kalan ka tee cih zah looh kae aekheih cih, aning mah kamaw ryte kae aekheih cih.