JOHAN 12:1 - Zotung Bible 2016

¹ Kawtaw Poi azaw maw nin taruh ary lyakhe, chinaw kyate a thoosahpaw Lazaruh a umnaw Bethani khua kya Jesu yn thua.

JOHAN 12:1 Iomraidhean Croise

MATTHAI 21:17

Te minmin kha cciataw hae zah khualae te pou zah Bethani khua lang a cceih; te tuin kya a rya.

MARKA 11:11

Jesu tuh Jerusalem khua a thua te beikinn lungkhu lang a tee; pawpaw balyn kha pong a do koute zete he athua tuh lu haw lae ning ryte Bethani khua lang a cceih hae.

LUKA 24:50

Jesu nynh zuitu hae kha Bethani khua cia a cciakhae hae, te a kuih kha hangthung zah hythua a pya hae.

LUKA 7:37

Tuin khua kya umpaw miseinung nynh Farasipaw inn kya ae lan Jesu a haung cipaw kha he a nyh tuh alabasta lung rawpaw te zimuin bawng kheit kha ccyng zah,

JOHAN 11:1

Mary te a unung Martha hae khua, Bethani khuapaw Lazaruh a ci hae paw lu kheit tuh a la ccih.

JOHAN 11:43

Tuhcite Jesu nynh a ho koute, “Lazaruh, yn pou!” cite thawte a sia.

JOHAN 11:44

Achihpaw Lazaruh tuh a kuih te a ccu kha boeining te phang khiidekuh zah, a mae mah boeining te phang alungkuh lante yn pou. Jesu nynh, “Phoupah oh lah cceih sah,” a ci.

JOHAN 11:55

Judah hae Kawtaw Poi tuh nae vae zah ccungccaw patae tuh Kawtaw Poi azaw maw mimaw te mimaw ccikanku khylan khua taraw hae kyate Jerusalem lang oun cceihthung hae.

JOHAN 12:12

Awkhualan kya poi kalan oun thua hae paw ccungccaw patae nynh Jerusalem lang Jesu yn thua cipaw he a thae hae tuh,

JOHAN 12:20

Poi kya Pachia beik lan cite oun thua hae paw laku kya Grik hae abang a umbua hae.

JOHAN 12:9

Judah hae patae nynh Jesu tuh tuin kya a um cipaw he a nyh hae tuh, Jesu a um keiccu kyalya thua leite, chinaw kyate a thoosahpaw Lazaruh kha mah muih khylan oun cceih hae.