JOHAN 11:5 - Zotung Bible 2016

⁵ Jesu nynh Martha te a neitawnung te Lazaruh kha a sungsah hae.

JOHAN 11:5 Iomraidhean Croise

LUKA 10:38

Tuhcite Jesu te a zuitu hae tuh khua a ccong lya hae khe, Jesu tuh khua khuakheit kya tee zah Martha a ci hae paw nopinung lu kheit nynh Jesu kha a inn lang a thuasah.

LUKA 10:40

Martha tuh thohae ryasuh pawte a thinlung sokhaekuh zah Jesu kalan cceih zah, “Bawipaw, ka neitawnung nynh ka makhaete thohae rya miakaw pong yn ngaeccepaw hynh pawlang na ria khyh tou? Kae hynh yn bawm nawlan hopah,” a cipya.

LUKA 10:41

Bawipaw nynh, “Martha, Martha, nang tuh uccaw patae konglang na lungvawsaw zah na thinphang.

JOHAN 11:1

Mary te a unung Martha hae khua, Bethani khuapaw Lazaruh a ci hae paw lu kheit tuh a la ccih.

JOHAN 11:3

Tukeiccuze a ccianung hae nynh Jesu kalan ccungccaw saw hae zah, “Bawipaw, na sungsahpaw na banpaw tuh a ccih,” cite a hosahpya hae.

JOHAN 11:36

Judah hae nynh, “Dotua oh, Lazaruh kha pawcih baban mou a sungsah!” a ci hae.

JOHAN 11:6

Tukeiccuze Jesu nynh Lazaruh a ccih cipaw he a thae te, tuin a umnaw kya mawkhe nin ning bua a um ung.

JOHAN 11:8

Zuitu hae nynh, “Sazae, Judah hae nynh anulang lya lung te deih lan ae ry hae khaw, tuhlang tuh bua na cceih cih tou?” a cipya hae.

JOHAN 16:27

pawccecize kae kha nae sungsah oh zah, Pachia kyate nynh kae thua cipaw kha na zyn oh keiccuze ka Paaw amaw ccaccei nynh nanning kha ae sungsah oh.

JOHAN 17:26

Nae sungsahnaw tuh minmin kya um zah kae mah minmin kya ka um nawlan, na min kha minmin ka nysah vae hae zah palei ka nysah ung cih hae,” a ci.