JOHAN 11:41 - Zotung Bible 2016

⁴¹ Minmin nynh athuhhu kha a nue hae. Jesu nynh dothung zah, “Apang, ka bya nae thaepya keiccuze na tungvaw ka lungtua.

JOHAN 11:41 Iomraidhean Croise

The Psalms 123:1

Vaawram bawitungkhung kya a umpaw Bawipaw , namaw kalan khe ka dothung!

MATTHAI 11:25

Tuh ccyh lyakhe Jesu nynh tho zah, “Vaaw te laephi Bawipaw, pou Apang, na kalan lungtuabya ka ho; pawccecize e uccaw hae hynh a haw hae paw te a thya hae paw kyate na thuruh zah nosi hae kha na phypya hae.

MATTHAI 11:26

Tuhmawte nynh athua Apang, pawccecize tuh-e tuh na rynaw nynh thua.

MATTHAI 27:60

amaw shaw lang cite lung a karynkupaw shaw thawpaw kyakhe a uu; tukoute myarya lepaw lung kha tounua zah athuhfu lang a hu koute a cciataw.

MARKA 15:46

Josef nynh nebaleihpaw boei rawpaw kha re zah a rhua kha vaelantung kyate sahbung zah nebaleihpaw boei rawpaw khate a lung. Lung a karyn hae paw shaw kyakhe a ccy, athuhfu lang lungphepi kha tounua zah a husung.

LUKA 10:21

Tuh ccyh lyakhe Jesu tuh Thyaa Muisaw kya a lungtua zah, “Vaaw te laephi Bawipaw, pou Apang, nang nynh ahawpaw te athyapaw ccungccaw kyate e uccaw hae hynh na thuruh zah imua hae kya na phy vae keiccuze na kalan lungtuabya kae ho; Athua, Apang, hynhte acyikupaw hynh ahoypaw na rynaw nynh thua.

LUKA 18:13

Ngunto khoitupaw tuh asawnaw langkhe thadyn zah vaawlang dothung ngan leite a by kha tukuh zah, ‘Pou Pachia, miseipaw kae hynh ngaethya yn umsah!’ a ci.

LUKA 24:2

Minmin nynh shaw kyate lung a nuekuhpaw kha a muih hae.

JOHAN 11:22

Thuasalama atumaw hynh Pachia kalan na ngiapaw miakaw kha Pachia nynh ae pya cih cipaw ka ny,” a cipya.

JOHAN 17:1

E bya hae hynh he a ho koute Jesu nynh vaawlang dothung zah, “Apang, accyh azaw vae; na Ccapaw nynh namaw kha phu ae esah nawlan na Ccapaw hynh phu-esah tua.

JOHAN 20:1

Lonaw naw kheit kyaze masaty nin awkhua takaw, khua adae mawkhe Mary Magdalin tuh shaw kalan cceih zah shaw kyate athuhhu lung anuekupaw kha a muih.

LOCCEIHTU 7:55

Thuasalama Stefen tuh Thyaa Muisaw te phe beih zah vaawlang khe riri dothung zah Pachia phu-enaw te Pachia ranglang a thadynpaw Jesu kha a muih.

FILIPI 4:6

Pawpaw konglang mah nae thinphang nan sah; pawpaw balyn kya lungtuabya hote, sawsangnaw te ngianaw liate na ngia ry oh paw kha Pachia nysah oh.