JOHAN 11:4 - Zotung Bible 2016

⁴ Jesu nynh tuh-e bya he a thae tuh, “E ccinaw tuh chi khopaw ccinaw thua khyh; Pachia phu-enaw hanlan te Pachia Ccapaw nynh phu-enaw a ccou nawlan nynh thua,” a ci.

JOHAN 11:4 Iomraidhean Croise

EXODUS 16:7

Bawipaw rawsete na ccohku oh paw kha phe a thae vae keiccuze awkhua ccyh kya Bawipaw phu-enaw kha nae muih cih oh. Kaening tungvaw rawsete ccohnuaku lan ciate kaening tuh pawmou kae thua?” a cipya hae.

JOHAN 10:38

Thuasalama ka law lanze, kamaw hynh nae zyn khyh oh zemah ka ryalaw hae kha zyn oh; tuhteze nynh Paaw tuh ka kya um zah kae mah amaw kya ka um cipaw kha na nyh cih oh zah na thaethya cih oh,” a ci.

JOHAN 11:40

Jesu nynh Martha kha, “Na zyn ze Pachia phu-enaw na muih cih cite kae hopah khyh tou?” a cipya.

JOHAN 12:28

Apang, na min hynh phu-esah tua,” a ci. Tetuh vaawlang te roi yn ccae zah, “A phu ka esah vae, a phu bua ka esah ung cih,” a ci.

JOHAN 17:1

E bya hae hynh he a ho koute Jesu nynh vaawlang dothung zah, “Apang, accyh azaw vae; na Ccapaw nynh namaw kha phu ae esah nawlan na Ccapaw hynh phu-esah tua.

JOHAN 17:10

Ka hoipaw balyn hynh namaw kya-e thua zah, na hoipaw balyn hynh mah ka kya-e nynh thua; minmin kyate ka phu-enaw tuh a langkuh.

JOHAN 17:5

Pou Apang, laephi a um mawze namaw te pynkheihlan ka hoibua vae paw phu-enaw kha na malang hin atu yn pyatua.

JOHAN 2:11

Jesu nynh a raepaw ngaeangnaw hae kyaze masaty a raepaw hynh-e ngaeangnaw hynh Galilee pee Kana khua kya rae zah a phu-enaw kha a langsahpya hae, te a zuitu hae nynh amaw kha a zyn hae.

JOHAN 5:23

Tuhteze nynh ccungccaw balyn nynh Paaw kha saw a tua hae hawte Ccapaw kha mah saw a tua cih hae. Ccapaw kha saw a tua leipaw ccungccaw tuh Ccapaw a sawtupaw Paaw kha saw a tua leipaw nynh thua.

JOHAN 8:54

Jesu nynh, “Kamaw te kamaw phu-enaw ka pyaku ze, ka phu-enaw tuh accakaepaw nynh thua, phu-enaw yn pyapaw tuh ka Paaw nynh thua; nanning nynh amaw kha, ‘Aning tuh kae Pachia nynh thua,’ na ci oh.

JOHAN 9:24

Tukeiccuze mitmohpaw kha vae ningnaw ko hae zah, “Nang nynh Pachia kha phu-esah tua! Tuh-e paw tuh miseipaw nynh thua cipaw kae ny,” a ci hae.

JOHAN 9:3

Jesu nynh, “E ccungccapaw mah sei khyh, a nung te a paaw mah sei khyh hae, a tungvaw kya Pachia ryalawnaw langku khylan mitmohte yn puipaw nynh thua.

Romans 11:11

Tuhteze Israel hae tuh phe khuliaku lan ciate a thy a pawkuh hae tou? cite ka khia. Khuliakuh khyh hae! Thuasalama Israel hae kha eiungnaw hoisah khylan mih cyiseinaw keiccuze khumnaw tuh Zenta hae kalan a thua vae.

FILIPI 1:11

Pachia phu-e nawlan te thehoysah nawlan, Jesu Khri liate oun thuapaw dingnaw kya-e athae hae khate phe na bia nawlan oh saw ka sang.

FILIPI 1:20

Kae nynh pawpawte mah maethya leite, ka cyimae hawte myarya rawhoyte ka hiin zemah, ka chi zemah Khri tuh atu mah ka pyn kya hangthung athua zungzae cih cite kou ka ngaehoi.

1 PETER 1:21

Khri kha chinaw kyate thoosah zah phu-enaw a pyatupaw Pachia kha Khri liate na zyn oh. Tuhteze nynh nae zynnaw te nae ngaehoinaw tuh Pachia kya a um.

1 PETER 4:11

Jesu Khri liate pawpaw balyn kya Pachia tuh phu-esah athua nawlan, lukhakheit nynh phung a ho ze, Pachia bya thyhte ho sah, lukhakheit nynh rya a lawpya ze, Pachia nynh a pyapaw thawzung thyhte lawpah sah. Phu-enaw te uknaw kaw tuh zungzae te zungzae cia Pachia kya a um. Amen.

1 PETER 4:14

Khri min keiccuze sarya na thua oh ze, lungtuapaw nynh na thua oh; pawccecize phu-enaw muisaw athuapaw Pachia Muisaw tuh nae tungvaw a um. Aning tuh minmin kalan te thethya ho thua zah, nanning kalan te phu-esah athua.