JOHAN 11:11 - Zotung Bible 2016

¹¹ Jesu nynh tuhte a ho koute, “Ah banpaw Lazaruh tuh a ih, thuasalama amaw kha tho khylan ka cceih cih,” a cipya hae.

JOHAN 11:11 Iomraidhean Croise

2 SIAPHARAN 4:31

Gehazi nynh malang cceihlo zah hoitang kha imua mae vawlan a khang zemah pawpaw roi mah ccae khyh, hiinnaw muihsahnawpaw pawpaw mah um khyh. Tukeiccuze Elisha kha tungku khylan yn kinua zah, “Imua tuh tho khyh,” a cipya.

2 SHERIANAW 20:7

Pou kae Pachia, nang nynh e ram kya um hae paw kha na ccungccaw Israel hae malang te na dee hae zah na banpaw Abraham ciihan hae kha zungzae na pya khyh hae tou?

EXODUS 33:11

Te Bawipaw nynh Moses kha ruiban lu kheit te byahoku hawte hawiliakute bya a hokhae. Tukoute Moses tuh ryahmin lang a ki; thuasalama a rya bawmtu, ccangvaepaw Nun ccapaw Joshua tuh bu kyate pou khyh.

ISAIAH 41:8

Thuasalama ka ryalahtu Israel, ka po vae paw Jakob, nang tuh ka banpaw Abraham ciihan nynh na thua;

DANIEL 12:2

Laenoi kya a ih hae paw patae tuh oun tho cih hae, abang tuh zungzae hiinnaw te a tho cih hae zah, abang tuh maethyanaw te zungzae theihryakunaw khate a tho cih hae.

MATTHAI 27:52

Shaw hae hungkuh zah a ih hae paw mithyaa hae pyn patae tuh a thoo hae.

MATTHAI 9:24

“Toiku tua hin oh, pawccecize imuanung tuh chih khyh, a ihpaw nynh thua,” cite a hopya hae. Te minmin nynh a nuinse hae.

MARKA 5:39

Innthung lang tee zah minmin kha, “Pawccemou siarisiarae na um oh zah na raw oh? Imuanung tuh chih khyh, a ihpaw nynh thua,” a cipya hae.

JOHAN 11:10

Thuasalama khuazi kya a cceihpaw ccungccaw tuh amaw kya awnaw a um khyh keiccuze a thykuh,” cite a khung hae.

JOHAN 11:12

A zuitu hae nynh, “Bawipaw, aning tuh a i lanze, phe yn dan cih,” a ci hae.

JOHAN 11:13

Jesu nynh tuh Lazaruh a chinaw kong kha nynh a ho, thuasalama minmin nynh tuh a ipaw maw kha nynh a ho cite a tua hae.

JOHAN 11:3

Tukeiccuze a ccianung hae nynh Jesu kalan ccungccaw saw hae zah, “Bawipaw, na sungsahpaw na banpaw tuh a ccih,” cite a hosahpya hae.

JOHAN 3:29

Akaenung liaccanung a hoitu tuh zudy ccangvaepaw nynh thua; zudy ccangvaepaw pe thadyn zah zudy ccangvaepaw roi a thaepaw a banpaw tuh a roi a thae keiccuze myarya a lungtua; tuhawte e ka lungtuanaw tuh accing.

LOCCEIHTU 7:60

A ccukharutung zah, “Bawipaw, mih seinaw hynh beih ccuinpah nan hae,” cite thawte a sia. Tuhte a ho koute a chih.

1 KORIN 15:18

Khri kya a ih vae hae paw mah arohhang vae hae.

1 KORIN 15:34

Nae lungkyhsakuh ccavae oh lah, sei nan vae oh; pawccecize abang ccungccaw tuh Pachia na nyh khyh oh. E hynh nae maethya ccaw cite nynh ka ho.

1 KORIN 15:51

Ngaetua oh, byakhupaw ccangkheit kae hopah oh! Aening ah balynte marya chi lei lan, thuasalama aening balyn tuh

EFESA 5:14

Tukeiccuze Pachia nynh, “A ihpaw nang, tho ccavae! Chinaw kyate thoo lah Khri nynh nang kha awnaw ae pya cih,” a ci.

DEUTERONOMY 31:16

Bawipaw nynh Moses kha, “Aro mawze nang tuh na minpaaw hae ryte na ihkheih vae cih oh. Tetuh hynh-e ccungccaw hae nynh a ccianua hae paw ram kya-e pachia hae, minmin laku kya umpaw ramccang hae kya-e pachia hae kyakhe mimaw te mimaw ohhuakunaw kha a tho vae cih hae; minmin ryte ka raepaw ka byakinnaw kha rote kae kha yn vua cih hae.

1 THESALON 5:10

Aening tuh ah thaeku oh zemah, ah i oh zemah, amaw ryte umkheih khylan, Khri tuh aening hanlan a chih.

JAMES 2:23

“Abraham nynh Pachia kha zyn zah tuh-e a zynnaw tuh dingnaw lang a riapya,” acikuhpaw Ccathyaa tuh phe accing; aning tuh Pachia banpaw cite ko athua.