JOHAN 10:7 - Zotung Bible 2016

⁷ Tukeiccuze Jesu nynh bua hopah hae zah, “Byaccaccing kae hopya oh, kae tuh tuu hae teenaw sakoih nynh ka thua.

JOHAN 10:7 Iomraidhean Croise

The Psalms 100:3

Bawipaw tuh Pachia nynh thua cipaw nyh oh. Aening oun raetupaw tuh amaw thua zah, aening tuh amaw kya-e nynh ah thua oh; amaw ccungccaw ah thua oh zah, a tuuphu nynh ah thua oh.

The Psalms 79:13

Tetuh kaening na ccungccaw hae, na ramnonaw e tuuphu hae nynh na tungvaw zungzae kae lungtua cih; namaw thehoysahnaw bya kha she kheit koute she kheit kae ho cih.

The Psalms 95:7

Pawccecize aning tuh ah Pachia nynh thua, aening tuh a ramnonaw kya a paeepaw ccungccaw hae ah thua oh zah, a kuihkaw e tuuphu nynh ah thua oh. Atunin a bya kha ngaetua oh!

ISAIAH 53:6

Aening balyn tuh azopaw tuu hawte nynh ah thua vae oh; aening balyn tuh ahmaw laanpi raveih kalan ah maekuh vae oh, tukeiccuze Bawipaw nynh aening hoyleinaw balyn kha aning tungvaw khe a khang vae.

EZEKIEL 34:31

Nanning tuh ka tuu hae, ram ka paeesakuh hae paw tuu hae na thua oh zah, kae tuh nae Pachia nynh ka thua, cite Bawipaw PACHIA nynh a ci.

EZEKIEL 36:38

Silawnaw hanlan mangpaw tuuphu hawte thuasah, poitua lyaze Jerusalem e tuuphu hawte, arohpaw khua hae tuh ccungccaw zapi khate phe abeih cih. Tetuh minmin nynh Bawipaw ka thuapaw kha a nyh cih hae.

JOHAN 10:1

Jesu nynh, “Byaccaccing kae hopya oh, tuukhia lungkhu lang sakoih kyate tee leite, ccangpaw kyate kae zah a teepaw tuh miruh te damiah nynh thua.

JOHAN 10:9

Kae tuh sakoih nynh ka thua. Humhung zemah ka kyate a teepaw tuh khum athua cih; aning tuh a tee a pou cih zah rampaeenaw kha a muihkuh cih.

JOHAN 14:6

Jesu nynh, “Kae tuh laanpi, byaccing te hiinnaw nynh ka thua. Kae ka kyate holeite tuh hum sanmah Paaw kalan thua kho khyh.

EFESA 2:18

Pawccecize aening minphuin phuin ning tuh Khri liate Muisaw ccangkheit kyakhe Paaw kalan thua khonaw ah hoi oh.