JOHAN 10:6 - Zotung Bible 2016

⁶ E tousenaw hynh Jesu nynh a hopya hae, thuasalama a hopya hae paw kha minmin nynh thaethya khyh hae.

JOHAN 10:6 Iomraidhean Croise

The Psalms 106:7

Kae minpaaw hae Izip ram kya a la um lya hae ze ngaeang lan umpaw na ryalawnaw hae kha tuathyanaw la hoi khyh hae; myarya lepaw atynpaw na sungsahnaw kha la liathui khyh hae, Rili Se kyakhe Ahang Huaccepaw kha a dou hae.

The Psalms 82:5

Minmin tuh nynaw te thaethyanaw hoi khyh hae, mohnaw kya a khiavuikuh hae; laephi aleihpaw balyn tuh a hy hae.

PHUNGTANGBYA 28:5

Ccungccaw hoyleipaw nynh byading kha thaethya khyh, thuasalama Bawipaw a ccung hae paw nynh tuh byading kha phe ccing lan a thaethya hae.

ISAIAH 56:11

Myarya ae kho hae zah a byn kho leipaw ui hae nyn thua hae. Tuurin hae nynh mah nythyanaw hoi khyh hae; mimaw laanpi langkhe nynh pong a maeku vae hae, mih balyn mawte mimaw thanenaw kyalya kha a ccungku hae.

DANIEL 12:10

Ccungccaw patae tuh thyaasah athua cih hae zah syntawtua athua cih hae, thuasalama ccungccaw hoylei hae paw nynh tuh thaethya lan khyh hae zah ahoy lei lante po a cyih cih hae. Thuasalama mihaw hae tuh a thaethya cih hae.

MATTHAI 13:34

E akonglang hae balyn hynh Jesu nynh ccungccaw zapi kha tousenaw phungpaw hae te a hopya hae; tousenaw phungpaw leite minmin kha bya hopah khyh hae.

MATTHAI 13:51

Jesu nynh, “E bya hae balyn hynh na thaethya oh tou?” cite zuitu hae kha a khia hae. Minmin nynh, “Kae thaethya,” a ci hae.

MARKA 4:34

Tousenaw phungpaw mang leite bya hopah khyh hae, a zuitu hae ryte mih makhaete a um lya hae khe pawpaw balyn kha a ccaesahpya hae.

JOHAN 16:25

“E konglang hynh tousenaw bya te nynh kae hopya oh; thuasalama tousenaw bya mang leite, ka Paaw kong kha ccaerarih lan kae hopya oh ccyh yn thua cih.

JOHAN 16:29

A zuitu hae nynh, “Atu tuh tousenaw bya mang leite ccaerarih lan nynh na ho vae!

JOHAN 6:52

Tukeiccuze Judah hae nynh, “Pawtemou e ccungccapaw nynh a saw kha aening ae lan oun pya kho cih?” cite mimaw te mimaw laku thawte a eikuh hae.

JOHAN 6:60

A zuitu hae patae nynh tuh-e bya he a thae hae tuh, “E ccangpyanaw tuh myarya aru, hum nynh mou a thaethya kho cih?” a ci hae.

JOHAN 7:36

‘Nanning nynh nae ccung cih oh zah nae muih lan khyh oh; ka umnaw lang na cceih kho lan khyh oh,’ cite a hopaw hynh paw a horynaw mou athua?” cite lu kheit te lu kheit a hoku hae.

JOHAN 8:27

Jesu nynh minmin kya Paaw kong a hopaw kha thaethya khyh hae.

JOHAN 8:43

Pawccemou ka bya hynh na thaethya khyh oh? Ka bya hynh na thae kho khyh oh keiccu nynh thua.

1 KORIN 2:14

Muisaw a hoi leipaw ccungccaw nynh tuh Pachia Muisaw kya-e lasung hae kha mue khyh, pawccecize tuh-e lasung hae tuh aning hanlan ngaeenaw nynh thua. Tuh-e lasung hae tuh muisaw lante kyalya nythya athua keiccuze aning nynh nyh kho khyh.

2 PETER 2:22

Thuasalama, “Ui nynh amaw a lua kha bua a ae,” te, “Voh tuh sing koute tuiccua kya bua a ohkuh,” a ci hae paw ahmepaw phungtangbya thyhte minmin kya acyikuh.

1 JOHAN 5:20

Ahmepaw Pachia kha ah ny nawlan oh, Pachia Ccapaw tuh yn thua vae zah, aening kha thaethyanaw oun pya vae cipaw ah ny oh; aening tuh ahmepaw Pachia kya te a Ccapaw Jesu Khri kya nynh ah um oh. Aning tuh ahmepaw Pachia thua zah zungzae hiinnaw mah athua.