JOHAN 10:21 - Zotung Bible 2016

²¹ Abang nynh, “E bya tuh raerangsaro bahkuhpaw bya thua khyh, raerangsaro nynh mitmohpaw mit kha a awsah kho cih tou?” a ci hae.

JOHAN 10:21 Iomraidhean Croise

EXODUS 4:11

Oute Bawipaw nynh Moses kha, “Ccungccaw byahonaw hynh hum nynh mou a pya? Byaho leinaw, nawpannaw, mitmuihnaw te mitmohnaw kha hum nynh mou a rae? Kamaw, Bawipaw nynh ka raepaw thua khyh tou?

MATTHAI 11:5

Mitmoh hae nynh ngawmuih hae zah ccukhou hae nynh a cceih kho vae hae, vaethyakae hae paw a dan hae, nawpan hae nynh nawthae hae zah michi hae tuh thoosah athua hae, ryachi hae kalan thehoypaw tuh hopya athua.

The Psalms 94:9

Nakaring a raetupaw Pachia nynh thae lan khyh tou? Mit a raetupaw Pachia nynh muih lan khyh tou?

JOHAN 9:6

Tuhte a ho koute Jesu nynh laephi kya a tuing thoi zah tuiccua kha a rae koute mitmohpaw mit kha a noipya.

MATTHAI 4:24

Tukeiccuze a minthaannaw tuh Siria pee balyn po a pazaekuh; ccihawnaw te ccinaw aphuinphuin a teing hae paw, raerangsaro bahkuh hae paw, a dung hae paw te mih kuihccuchih hae paw kha amaw kalan oun cciakhae hae zah minmin kha marya a dansah hae.

PHUNGTANGBYA 20:12

Thaenawpaw nakaring te muihnawpaw mit hynh parouh mawte Bawipaw nynh a rae.

The Psalms 146:8

Bawipaw nynh mitmoh hae kha ngaw a muihsah hae. a nyaasah hae paw kha a hangthung hae; Bawipaw nynh miding hae kha a sungsah hae.

EXODUS 8:19

Te mitleihthya hae paw nynh Faro kha, “E tuh Pachia nynh a cyipaw nynh thua,” a cipya hae. Thuasalama Bawipaw nynh a la ho vae hawte Faro tuh a lungkhung zah minmin bya kha ngaelae khyh.

JOHAN 10:22

Khuaccih ccyh lyakhe Jerusalem kya beikinn apnaw poi um zah,