JOHAN 10:2 - Zotung Bible 2016

² Sakoih kyate a teepaw tuh tuu hae a rintu nynh thua.

JOHAN 10:2 Iomraidhean Croise

The Psalms 23:1

Bawipaw tuh ka tuurinpaw nynh thua, ka hobounaw um lan khyh.

The Psalms 80:1

Josef phin kha tuuphu hawte a cciakhaepaw, Pou Israel Tuurintu, beih yn ngaepya tua! Cherubim vawlan bawitungkhung kya a haungpaw,

PHUNGHOTU 12:11

A haw hae paw bya tuh ahepaw ccungngue te nynh aloku, a suelua hae paw bya hae tuh tynkaring lan khiadepaw thingkhia hawte thua zah, aening balyn oun do-oihtu tuurinpaw nynh a pya hae paw nynh thua.

ISAIAH 40:11

Tuurinpaw hawte a tuuphu kha looh a dang cih; tuutaw hae kha a kuih te a dua cih hae, a by kya a pompae cih hae zah, a taw umpaw tuupinung hae kha zyazyate a cciakhae cih hae.

ISAIAH 63:11

Tetuh minmin nynh langmawlya e she, a ryalahtu Moses she kha a liathui hae. Minmin kha tuurin hae ryte rili lungkhu te a cciakhae hae paw Bawipaw kha teimou a um vae? Mih lungkhu kya athyaapaw a Muisaw a nungtupaw,

EZEKIEL 34:23

Minmin hanlan tuurin lu kheit, ka ryalahtu David kha ka nungpah cih hae zah, aning nynh looh a dang cih hae: aning nynh looh a dang cih hae zah aning tuh minmin hanlan tuurin athua cih.

MIKAH 5:5

aning tuh daenaw ccungccaw athua cih. Assiria hae tuh ah ram lungkhu lang oun tee hae zah, ah laephi kha he oun sy hae ze, tuurin lu sari te uktu lu tarya kha minmin dou khylan saw lan hae.

ZEKHARIAH 11:3

Tuurin hae nynh mih phu-enaw azo keiccuze a raw hae paw tuh ngaetua oh! Jordan vahue a phu-enaw tuh aro vae keiccuze chindeih hae siaruanaw tuh ngaetua oh!

ZEKHARIAH 11:5

Tuh-e tuu hae kha a retu hae nynh a chia hae zemah detahnaw teing khyh hae; a zuatu hae nynh, “Kae tuh ka hoirum vae keiccuze Bawipaw tuh thehoyte um sah,” a ci hae; minmin a rintu hae tuurin hae maw nynh tuu hae kha ngaethyaumsah khyh hae.

ZEKHARIAH 11:8

Sawpaw sah kheit lungkhu tuurin lu thum kha ka vua hae, pawccecize mih tungvaw ka ngaesang kho vae khyh, minmin nynh mah kae kha yn hua hae.

ZEKHARIAH 13:7

Pou thaloi, kae te ryalahkheihpaw, ka tuurinpaw kha rawsete thonuaku tua, cite Vaaw Bawipaw nynh a ci. Tuu hae tuh phiariphiarae a um ccaw hae, tuurinpaw kha ziatua; tuu taraw hae kha rawsete ka kuih ka maeleihnua cih hae.

MATTHAI 15:11

Khalang lungkhu lang a teepaw nynh ccungccaw kha thusah khyh; thuasalama khalang kyate yn poupaw nynh ccungccaw kha a thusah,” a cipya hae.

JOHAN 10:14

Kae tuh tuurin hoypaw nynh ka thua. Ka tuu hae kha ka nyh zah ka tuu hae nynh mah yn ny hae.

JOHAN 10:7

Tukeiccuze Jesu nynh bua hopah hae zah, “Byaccaccing kae hopya oh, kae tuh tuu hae teenaw sakoih nynh ka thua.

JOHAN 10:9

Kae tuh sakoih nynh ka thua. Humhung zemah ka kyate a teepaw tuh khum athua cih; aning tuh a tee a pou cih zah rampaeenaw kha a muihkuh cih.

LOCCEIHTU 20:28

Tukeiccuze naemaw te naemaw kha raeringkute do-oihkuh oh lah, Pachia nynh a Ccapaw chii te a repaw Pachia khriccaawbuu kha do-oih khylan Thyaa Muisaw nynh nanning kha do-oihtu lang ae khangnua oh paw tuuphu hae balyn kha mah raeringte do-oih oh.

1 TIMOTE 4:14

Khriccaawbuu pastor hae nynh na tungvaw mih kuih a khan lya hae ze, profehbya liate phypya na thua zah na muepaw muisaw lasung kha pawlangria leite la um nan.

TITU 1:5

Nang kha kaw kae pya vae thyhte, ahobou ungpaw ryalaw kha kou hoy lan law khylan te khua takyh kya pastor hae kha khang khylan Krete tuikoih kya nang kha kae cciataw;

HEBRU 13:20

Zungzae atynpaw byakinnaw chiise liate, tuu hae kya-e alesaepaw Tuurintu, ah Bawipaw Jesu kha chinaw kyate a thoosahpaw, daenaw Pachia nynh,

1 PETER 2:25

Pawccecize nanning tuh laanpi a meseipaw tuu hae hawte nynh na la thua oh; thuasalama atu tuh Tuurintu te nae muisaw a Do-oihtu kalan phe na ki vae oh.

1 PETER 5:4

Tuurintu Lupi he yn langkuh te, anaan kho leipaw phu-enaw bawilukhung kha na mue cih oh.

BYAPHY 1:20

Ka ranglang kuih kya na muihpaw awsi ccangsari te sui maeekhuatung ccangsari nynh a ho rypaw byakhupaw tuh hynhte nynh thua: Awsi ccangsari tuh khriccaawbuu buu sari kya-e vaaw hae nynh thua; na muihpaw maeekhuatung ccangsari tuh khriccaawbuu buu sari kha nynh thua.