JOHAN 10:16 - Zotung Bible 2016

¹⁶ E tuukhia kya a umbua leipaw ccangpaw tuu hae kha ka hoi, minmin kha mah ka cciakhae cih hae zah ka roi kha a ngae cih hae; tuurin lu kheit zakaw kya tuuphu phu kheit lang oun tang cih hae.

JOHAN 10:16 Iomraidhean Croise

GENESIS 49:10

Minhoynaw kha a mue makhia tuh siapharan kawhoinaw ccoi thuasah, a ccu laku kya-e uktu hoitang thuasah Judah kyate phiakuh lan khyh, te ccungccaw hae nynh amaw kaw kha a ngae cih hae.

The Psalms 86:9

Pou Bawipaw , na raepaw minphuin balyn nynh oun cceih cih hae zah, na malang bakhungte na min kha ae thehoysah cih hae.

PHUNGHOTU 12:11

A haw hae paw bya tuh ahepaw ccungngue te nynh aloku, a suelua hae paw bya hae tuh tynkaring lan khiadepaw thingkhia hawte thua zah, aening balyn oun do-oihtu tuurinpaw nynh a pya hae paw nynh thua.

ISAIAH 11:10

Tuin nin khe Jessi tharui tuh ccungccaw hae hanlan syntawnaw lante yn thadyn cih; minphuin hae nynh amaw kha akaw-aleih a khia cih hae zah, a umnaw tuh a phu-e cih.

ISAIAH 43:6

Palung lang hae kyakhe, “Minmin kha saw oh,” cite ka hopah cih hae, alia lang hae kyakhe, “Kang nan oh; ka ccapaw hae kha asawnaw kyate cciakhae oh lah, ka ccanung hae kha laephi adianaw kyate cciakhae oh,

ISAIAH 49:6

Bawipaw nynh a hopaw tuh: “Jakob phin kha hangthung khylan te ahiinhypaw Israel hae kha langmawlya hawte bua thuasah khylan hae, ka ryalahtu lang na tang lanpaw tuh myaryamaw adihpaw ryalaw nynh thua; ka khumnaw tuh laephi adianaw cia a thua nawlan, nang kha minphuin hae hanlan awnaw lang kae rae cih,” a ci.

ISAIAH 52:10

Bawipaw nynh minphuin hae balyn malang khe athyaapaw a thungnaw kha a langsaku vae; ah Pachia khumnaw kha laephi adianaw e hae balyn nynh a muih cih hae.

ISAIAH 56:8

Phiariphiarae um hae paw Israel hae kha a suelua hae paw Bawipaw Pachia nynh hynhte a ho, “A sueluakuh vae hae paw laelan ccangpaw hae kha mah minmin kalan ka sueluabua ung cih hae,” a ci.

EZEKIEL 34:12

Tuurin hae nynh a phiakuh hae paw mih tuu hae kya a um lya hae khe, mih tuu hae kha thawte a ccung hae hawte, ka tuu hae kha thawte ka ccung cih hae, mae-ui zah marae amoh nin khe, minmin a phiakunaw hae hmin takyh kyate minmin kha ka luesah cih hae.

EZEKIEL 34:23

Minmin hanlan tuurin lu kheit, ka ryalahtu David kha ka nungpah cih hae zah, aning nynh looh a dang cih hae: aning nynh looh a dang cih hae zah aning tuh minmin hanlan tuurin athua cih.

EZEKIEL 34:6

Ka tuu hae tuh phiakuh hae zah, mua balyn vawlan te sangpyng ahangpaw miakaw vawlan khe a khiavuikuh hae; ka tuu hae tuh laephi vaw balyn khe pong phiakuh hae zah, minmin a ccungtu te a zahtu lu kheit san um khyh.

EZEKIEL 37:22

Tuh-e ram lungkhu Israel mua hae vawlan khe minphuin phuin kheit lang ka rae cih hae; minmin balyn kha siapharan lu kheit nynh a uk cih hae. Minphuin ccangning lang papin tang vae lan khyh hae zah peenaw ccangning lang papinmaw phiakuh thui vae lan khyh hae.

EZEKIEL 37:24

Ka ryalahtu David tuh minmin a uktu hae siapharan athua cih; mih balynte tuurin lu kheit rou kha a hoi cih hae. Ka phungzae hae kha a zui cih hae zah ka phunglang hae kha raeringkute a zui cih hae.

HOSEA 1:10

Tuhzemah Israel hae tuh toutae leipaw te riatae leipaw rili laesia hawte athua cih hae; “Nanning tuh ka ccungccaw hae na thua khyh oh,” cite hopya athuanaw hae hmin kya mawkhe, “Ahiinpaw Pachia ccaaw hae,” cite hopya athua cih hae.

ZEKHARIAH 2:11

Tuin nin vae tuh, minphuin patae nynh Bawipaw kya a kyngkuh cih hae zah ka ccungccaw athua cih hae; te na ngaelung kya ka um cih. vaaw Bawipaw nynh kae hynh na kalan yn saw cipaw na nyh cih.

MATTHAI 17:5

Tuhte a ho cciamang lyakhe a awpaw maeking nynh minmin kha pong zithin hae zah maeking kyate roi nynh, “E paw tuh ka lungry kou yn tungpaw, ka sungsahpaw ka Ccapaw nynh thua, amaw bya kha la ngae oh!” a ci.

LUKA 15:8

“Tuhkhyhze, nopinung lu kheit nynh ngunphua pia haw hoi zah, pia kheit kha a zosah lanze maeekhua awkute inn kha phibia zah a muih mawlaezung pekite ccung khyh tou?

JOHAN 10:11

“Kae tuh tuurin hoypaw nynh ka thua. Tuurin hoypaw nynh tuh a hiinnaw kha tuu hae hanlan a pyaku.

JOHAN 10:2

Sakoih kyate a teepaw tuh tuu hae a rintu nynh thua.

JOHAN 10:27

Ka tuu hae nynh ka roi kha a thae hae. Minmin kha ka nyh hae zah minmin nynh kae kha yn zui hae.

JOHAN 10:3

Tuh-e paw tuh sakoih a ngawpaw nynh sakoih hungpah zah tuu hae nynh a roi kha a syntaw hae. A tuu hae kha mih min te ko hae zah a poukhae hae.

JOHAN 10:4

A tuu hae balyn kha he a poukhae hae ze, mih malang khe cciapah hae zah tuu hae nynh a zui hae, pawccecize a roi kha a syntaw hae.

JOHAN 10:5

Miccangpaw kha zui lan khyh hae, a roi kha a ny khyh hae keiccuze a ccuetaw cih hae,” a ci.

JOHAN 11:52

tuh-e minphuin hanlan kyalya thua leite, a phiakuh hae paw Pachia ccaaw hae kha pynkheihlan suelua khylan yn chih cih cipaw kha profehbya a hopaw nynh thua.

JOHAN 17:20

“Minmin elang kyalya saw ka sang khyh; mih bya liate kae yn zyn cih hae paw hanlan mah saw ka sang.

JOHAN 6:37

Paaw nynh yn pyapaw ccungccaw hae balyn nynh ka kalan oun cceih cih hae; ka kalan yn cceihpaw ccungccaw tuh kharouh ka dee boi lan khyh.

LOCCEIHTU 15:14

Pachia nynh amaw min hanlan Zenta hae kyate ccungccaw abang kha po khylan Zenta hae kalan masaty a paebuanaw kong kha Simeon nynh phe a ho vae.

LOCCEIHTU 18:10

pawccecize na kya ka um zah vaemaw muesah lan hum nynh san ae zia lan khyh; pawccecize hynh-e khua kya ccungccaw patae ka hoi,” a cipya.

LOCCEIHTU 22:14

Aning nynh, ‘Ah minpaaw hae Pachia nynh a rynaw na ny nawlan, Midingpaw kha na muih nawlan te amaw roi kha na thae nawlan phe ae po vae.

Romans 11:25

Uteno hae, naemaw na thuanaw oh laeze na hawsaku khyh nawlan oh, hynh-e byakhupaw hynh nysah kae ry oh: Zenta hae nynh khumnaw kalan phe ccing lan a tee makhia hae, Israel hae abang kya lungkhungnaw a um ung cih.

2 THESALON 2:13

Thuasalama Bawipaw nynh a sungsah hae paw uteno hae, nanning hanlan Pachia tuh kae luung zungzae cih; pawccecize Muisaw nynh thyaasahnaw liate thuasah, byaccing kha zynnaw liate thuasah nanning tuh khumnaw mue khylan Pachia nynh atakaw lya mawte phe ae po vae oh.

HEBRU 13:20

Zungzae atynpaw byakinnaw chiise liate, tuu hae kya-e alesaepaw Tuurintu, ah Bawipaw Jesu kha chinaw kyate a thoosahpaw, daenaw Pachia nynh,

1 PETER 2:10

Langmawlya tuh Pachia ccungccaw na la thua khyh oh, thuasalama atu tuh Pachia ccungccaw nynh na thua vae oh. Langmawlya ngaethyaumsahnaw na la ccou khyh oh, thuasalama atu tuh ngaethyaumsahnaw na ccou vae oh.

1 PETER 2:25

Pawccecize nanning tuh laanpi a meseipaw tuu hae hawte nynh na la thua oh; thuasalama atu tuh Tuurintu te nae muisaw a Do-oihtu kalan phe na ki vae oh.

1 PETER 5:4

Tuurintu Lupi he yn langkuh te, anaan kho leipaw phu-enaw bawilukhung kha na mue cih oh.

BYAPHY 3:20

Dotua, kae tuh thuakawzung khe ka thadyn zah ka khua. Ccungccaw lukhakheit nynh ka roi thae zah thuakaw yn hungpya ze, tuh-e paw kalan ka tee cih zah looh kae aekheih cih, aning mah kamaw ryte kae aekheih cih.