JOHAN 10:12 - Zotung Bible 2016

¹² Tuurintu athua leipaw, tuu mah a hoi leipaw, hohpaw ccungccaw nynh tuh suizaw yn thuapaw kha a muih ze, tuu hae kha cciataw zah phe a ccuetaw; suizaw nynh tuu hae kha kyng hae zah pong a phiasaku hae.

JOHAN 10:12 Iomraidhean Croise

MATTHAI 10:16

“Ngaetua oh! Suizaw hae laku tuu hae saw hawte nanning kha kae saw oh, tukeiccuze hupaw hawte nae lunghaw sah lah vahu hawte nae lungne sah.

MATTHAI 7:15

“Tuu phua bongkute nae kalan oun thua hae paw lingthya profeh hae kha la raeringkuh oh; pawccecize minmin tuh alungkhu langte tuh arepaw suizaw hae nynh thua hae.

JOHAN 10:13

Hohpaw ccungccaw nynh tuh hohpaw athua keiccuze tuu hae kha peki leite a ccuetaw hae.

JOHAN 10:2

Sakoih kyate a teepaw tuh tuu hae a rintu nynh thua.

JOHAN 10:3

Tuh-e paw tuh sakoih a ngawpaw nynh sakoih hungpah zah tuu hae nynh a roi kha a syntaw hae. A tuu hae kha mih min te ko hae zah a poukhae hae.

LOCCEIHTU 20:29

Pawccecize ka cceih koute arepaw suizaw hae nynh tuuphu hae kha ngaethyaumsah leite nae laku lang oun tee cih hae cipaw kha ka ny.

1 TIMOTE 3:3

a zu-ae leipaw, a puatho leipaw, a lungnepaw, pekumaeku mang leipaw, phua eih duaa leipaw athua cih,

1 TIMOTE 3:8

Tuhawte Khriccaaw piccan hae tuh sawtua lan umpaw athua cih hae, a lae pheipaw, misutui eih neihpaw te phua elang a karankuhpaw thua lan khyh hae.

2 TIMOTE 4:10

Pawccecize Demas nynh hynh-e atu she hynh sungsahte, kae kha yn vuasya zah, Thesalonika khua lang a cceih vae. Kresen tuh Galatia ram lang cceih zah, Titu tuh Dalmatia ram lang a cceih vae.

TITU 1:7

Pastor tuh Pachia kya-e synriatu athua hawte ccaenaw um leipaw athua cih; amaw rynaw te um leipaw, a thindyn leipaw, misutui a ran leipaw, peku a mang leipaw, phua elang a karankuh leipaw athua cih,

1 PETER 5:2

Nae kya a umpaw Pachia tuuphu hae kha la do-oih oh. Nangsekunaw keiccu thua leite Pachia rynaw thyhte lungthote do-oih oh lah, anungsikuhpaw muenaw hanlan thua leite thawmuinte la do-oih oh.

2 PETER 2:3

Karankunaw thinlung keiccuze nanning kha hynbya te amia ae ccungnahkuh cih oh. Langmawlya mawte minmin byapianaw tuh amaw um lan um huataw khyh, minmin kya-e ronaw mah ih khyh.