JOHAN 10:11 - Zotung Bible 2016

¹¹ “Kae tuh tuurin hoypaw nynh ka thua. Tuurin hoypaw nynh tuh a hiinnaw kha tuu hae hanlan a pyaku.

JOHAN 10:11 Iomraidhean Croise

2 SAMUEL 24:17

Ccungccaw hae a theihpaw vaawpaw kha David nynh he a muih tuh, aning nynh Bawipaw kha, “Ka makhae kyalya nynh ka sei, ka makhae kyalya nynh hoyleinaw kha ka rae; e tuu hae nynh pawmou a cyi hae? Na kuih tuh kae te ka paaw innbyn tungvaw kya um vae sah, cite ka ngiaku,” a cipya.

The Psalms 23:1

Bawipaw tuh ka tuurinpaw nynh thua, ka hobounaw um lan khyh.

The Psalms 80:1

Josef phin kha tuuphu hawte a cciakhaepaw, Pou Israel Tuurintu, beih yn ngaepya tua! Cherubim vawlan bawitungkhung kya a haungpaw,

ISAIAH 40:11

Tuurinpaw hawte a tuuphu kha looh a dang cih; tuutaw hae kha a kuih te a dua cih hae, a by kya a pompae cih hae zah, a taw umpaw tuupinung hae kha zyazyate a cciakhae cih hae.

ISAIAH 53:6

Aening balyn tuh azopaw tuu hawte nynh ah thua vae oh; aening balyn tuh ahmaw laanpi raveih kalan ah maekuh vae oh, tukeiccuze Bawipaw nynh aening hoyleinaw balyn kha aning tungvaw khe a khang vae.

EZEKIEL 34:2

Ccungccapaw, Israel tuurin hae kha rawsete profehbya hotua: profehbya ho lah, tuurin hae kha hopah hae: Bawipaw PACHIA nynh hynhte a ho: Mimaw kyalya looh a dangkuh hae paw Israel tuurin hae nanning hanlan ngaethya lan kou um! Tuurin hae nynh tuu hae kha looh dang lan ccan khyh tou?

EZEKIEL 34:23

Minmin hanlan tuurin lu kheit, ka ryalahtu David kha ka nungpah cih hae zah, aning nynh looh a dang cih hae: aning nynh looh a dang cih hae zah aning tuh minmin hanlan tuurin athua cih.

EZEKIEL 37:24

Ka ryalahtu David tuh minmin a uktu hae siapharan athua cih; mih balynte tuurin lu kheit rou kha a hoi cih hae. Ka phungzae hae kha a zui cih hae zah ka phunglang hae kha raeringkute a zui cih hae.

MIKAH 5:4

Te aning tuh a thadyn cih zah Bawipaw thawzung khate thuasah, Bawipaw a Pachia min lesaenaw khate thuasah a tuuphu hae kha looh a dang cih hae. Minmin tuh khyndadyh lan a um cih hae, pawccecize aning tuh laephi adianaw cia alesaepaw athua cih;

ZEKHARIAH 13:7

Pou thaloi, kae te ryalahkheihpaw, ka tuurinpaw kha rawsete thonuaku tua, cite Vaaw Bawipaw nynh a ci. Tuu hae tuh phiariphiarae a um ccaw hae, tuurinpaw kha ziatua; tuu taraw hae kha rawsete ka kuih ka maeleihnua cih hae.

MATTHAI 20:28

Tuhawte Ccungccaw Ccapaw tuh rya lawpyaku khylan yn thua khyh; ming hae rya kha lawpya khylan te ccungccaw patae shawkhaw nawlan a hiinnaw kha pyaku khylan nynh yn thua,” cite a hopya hae.

JOHAN 10:2

Sakoih kyate a teepaw tuh tuu hae a rintu nynh thua.

JOHAN 15:13

Ccungccaw lu kheit nynh a ban hae hanlan a hiinnaw pyakupaw sungsakunaw laeze ale huapaw sungsakunaw tuh hum nynh sanmah hoi khyh.

EFESA 5:2

Khri nynh aening kha yn sungsah pawte, Pachia malang mynkhuhpaw pyapaw te silawkunaw lang amaw te amaw kha aening hanlan a pyaku hawte, sungsakunaw kya hiin oh.

TITU 2:14

Jesu Khri tuh hoyleinaw balyn kyate aening kha shawkhaw khylan thuasah, amaw elang ccungccaw hae kha thyaasah khylan te tuh-e ccungccaw hae nynh ahoypaw cyisahnaw kha mih lungzua nawlan thuasah amaw te amaw kha aening hanlan a pyaku.

HEBRU 13:20

Zungzae atynpaw byakinnaw chiise liate, tuu hae kya-e alesaepaw Tuurintu, ah Bawipaw Jesu kha chinaw kyate a thoosahpaw, daenaw Pachia nynh,

1 PETER 5:4

Tuurintu Lupi he yn langkuh te, anaan kho leipaw phu-enaw bawilukhung kha na mue cih oh.

1 JOHAN 3:16

Khri nynh a hiinnaw kha aening hanlan a pyaku; tuhcite aening nynh Pachia sungsahnaw kha ah nythya oh; aening mah ah uno hae hanlan ah hiinnaw kha pyaku lan accan.

BYAPHY 7:17

Pawccecize bawitungkhung angaelung kya a umpaw Tuutaw nynh minmin kha a rin cih hae zah, hiinnaw tuidy kalan a cciakhae cih hae, te Pachia nynh mih mit kya-e mitphi balyn kha a hupah cih hae,” yn cipya.