JOHAN 10:10 - Zotung Bible 2016

¹⁰ Miruh tuh ru khylan, chia khylan te syro khylan rou nynh yn thua. Kae tuh hiinnaw hoi hae zah, tuh-e hiinnaw tuh phe ccing lan a hoi nawlan hae nynh kae thua.

JOHAN 10:10 Iomraidhean Croise

ISAIAH 56:11

Myarya ae kho hae zah a byn kho leipaw ui hae nyn thua hae. Tuurin hae nynh mah nythyanaw hoi khyh hae; mimaw laanpi langkhe nynh pong a maeku vae hae, mih balyn mawte mimaw thanenaw kyalya kha a ccungku hae.

HOSEA 7:1

Ka ccungccaw hae kha ka kikhae hae zah, Israel kha he ka dansah te, Efraim a ozia hoyleinaw te Samaria kya-e ahoy leipaw cyisahnaw tuh alang cih; pawccecize minmin nynh ahme lei lante cyih hae zah, ru khylan kia biate a tee hae, atolang khe mah kyngdete uccaw a luade hae.

MATTHAI 18:10

“E imua taraw hae hynh lu kheit sanmah na dothatheih khyh nawlan oh raeringkuh oh; pawccecize kae hopya oh, imua hae a thungkhawtu vaaw hae nynh vaawlang umpaw ka Paaw mitmae kha tyty a muih hae.

MATTHAI 18:11

Pawccecize Ccungccaw Ccapaw tuh a zopaw kha khum khylan nynh yn thua.

MATTHAI 20:28

Tuhawte Ccungccaw Ccapaw tuh rya lawpyaku khylan yn thua khyh; ming hae rya kha lawpya khylan te ccungccaw patae shawkhaw nawlan a hiinnaw kha pyaku khylan nynh yn thua,” cite a hopya hae.

MATTHAI 21:13

“Ccathyaa kyaze, ‘Ka inn tuh sawsangnaw inn ci athua cih,’ cite azeikuh; thuasalama nanning nynh miruh hae karung lang na rae oh,” a cipya hae.

MATTHAI 23:13

“Thuasalama kawbya sazae hae te Farasi hae, thyaruh hae, nae hanlan ngaethya lan kou um! Pawccecize vaawlang peenaw thuakaw kha ccungccaw hae elang phe na khaw oh, naemaw mah na tee khyh oh zah a tee ry hae paw mah na uapah khyh oh.

MARKA 11:17

Ccangpah hae zah, “Ccathyaa kyaze, ‘Ka inn tuh minphuin hae balyn sawsangnaw inn cite ko athua cih,’ cite zeikuh khyh tou? Thuasalama nanning nynh miruh hae karung lang na rae vae oh,” a cipya hae.

LUKA 19:10

Pawccecize Ccungccaw Ccapaw tuh azopaw ccung khylan te khum khylan nynh yn thua,” a ci.

JOHAN 10:1

Jesu nynh, “Byaccaccing kae hopya oh, tuukhia lungkhu lang sakoih kyate tee leite, ccangpaw kyate kae zah a teepaw tuh miruh te damiah nynh thua.

JOHAN 10:11

“Kae tuh tuurin hoypaw nynh ka thua. Tuurin hoypaw nynh tuh a hiinnaw kha tuu hae hanlan a pyaku.

JOHAN 12:47

Humhung zemah ka bya thae zah a zui leipaw tuh kae nynh bya ka pia khyh; pawccecize kae tuh laephi kha byapia khylan kae thua khyh, laephi kha khum khylan nynh kae thua.

JOHAN 12:6

Hynhte a hopaw hynh ryachi hae hanlan a tua keiccu thua leite miruhpaw athua keiccu nynh thua; aning tuh phuabu a kyngtu thua zah, tuin kya a nung hae paw kha leih a ru.

JOHAN 3:17

“Pawccecize Pachia nynh laephi hynh byapia khylan a Ccapaw kha laephi vawlan yn saw khyh, amaw liate laephi ccungccaw hae hynh khum athua hae ccaw cite nynh yn saw.

JOHAN 5:40

Thuasalama hiinnaw hoi khylan ka kalan nae cceih ry khyh oh.

JOHAN 6:33

Pawccecize Pachia kya-e sanlou tuh vaawlang te yn rungbung zah laephi ccungccaw hae kalan hiinnaw a pyatupaw nynh thua,” a cipya hae.

JOHAN 6:51

Kae tuh vaawlang te yn rungbungpaw ahiinpaw sanlou nynh ka thua. Humhung zemah e sanlou a aepaw tuh zungzae a hiin cih; kae nynh laephi hiinnaw hanlan ka pya lanpaw sanlou tuh ka saw nynh thua,” cite a hopya hae.

Romans 2:21

mingccang hae kha na ccangpah hae zah namaw te namaw so na ccangpakuh khyh tou? Ruh nan oh cite phung na ho zah namaw so na ruh tou?

1 TIMOTE 1:15

Khri Jesu tuh misei hae khum khylan nynh laephi kalan yn thua cipaw tuh ahmepaw bya thua zah khaleih lawku lan accanpaw nynh thua. Tuh-e misei hae kyaze kae tuh a sei huaccepaw nynh ka thua.

HEBRU 6:17

Tuhte Pachia nynh bya a kinpyaku hae paw rho a ccoutu hae tungvaw kya arulaekuh kho leipaw a khuakhannaw kha ccaerarih lan langsaku a ry keiccuze a byakinnaw liate a tynsah.

HEBRU 7:25

Amaw liate Pachia kalan oun cceih hae paw kha aning nynh zungzae a khum kho hae, pawccecize aning tuh minmin hanlan ngiapyanaw rae khylan zungzae a hiin keiccu nynh thua.

2 PETER 1:11

Tuhcite nanning tuh ah Bawipaw te oun Khumtu Jesu Khri kya-e zungzae atynpaw peenaw lungkhu lang teenaw kaw kha phe ccing lan ae pya cih oh.