JOHAN 10:1 - Zotung Bible 2016

¹ Jesu nynh, “Byaccaccing kae hopya oh, tuukhia lungkhu lang sakoih kyate tee leite, ccangpaw kyate kae zah a teepaw tuh miruh te damiah nynh thua.

JOHAN 10:1 Iomraidhean Croise

JEREMIAH 14:15

Tukeiccuze Bawipaw nynh minmin kha a saw lei hae pite, “E ram kya thaloi rhaw te ccakannaw thua lan khyh,” cite Bawipaw min te a ho hae paw profeh hae konglangte Bawipaw nynh hynhte a ho: Tuh-e profeh hae tuh thaloi rhaw te ccakannaw khate maemih athua cih hae.

JEREMIAH 23:21

Kae nynh ka saw lei hae pite profeh hae tuh a ccue hae; kae nynh ka hopah lei hae pite profehbya kha a ho hae.

JEREMIAH 23:32

Hynhupaw maan kha ho hae zah, hynbya te accakaepaw mih bya khate ka ccungccaw hae kha a cciakhaesei hae paw profeh hae kha ka rawse hae, cite Bawipaw nynh a ci; minmin kha ka saw khyh hae, ryalaw mah ka naw khyh hae; tukeiccuze minmin tuh e ccungccaw hae hanlan papin thane khyh hae, cite Bawipaw nynh a ci.

JOEL 2:9

Khuapi kha naangbia hae zah, khualungrua vawlan a kae hae; inn tungvaw lang kae hae zah, miruh hawte thanlan-aw kyate a tee hae.

MATTHAI 7:15

“Tuu phua bongkute nae kalan oun thua hae paw lingthya profeh hae kha la raeringkuh oh; pawccecize minmin tuh alungkhu langte tuh arepaw suizaw hae nynh thua hae.

JOHAN 10:7

Tukeiccuze Jesu nynh bua hopah hae zah, “Byaccaccing kae hopya oh, kae tuh tuu hae teenaw sakoih nynh ka thua.

JOHAN 3:3

Jesu nynh, “Byaccaccing kae hopya, humhung zemah a puithui khyh lanze Pachia peenaw kha muih kho lan khyh,” cite a khung.

Romans 10:15

Minmin kha a saw khyh hae ze pawtemou phung a ho cih hae? Ccathyaa kyaze, “Thehoypaw a hotu hae ccu tuh pawcih baban apuithya!” cite azeikuh.

Romans 16:18

Pawccecize khahcihawpaw ccungccaw hae tuh ah Bawipaw Khri rya kha law leite mimaw vue hanlan nynh rya a lawku hae; ahoypaw bya te nawpalaepaw bya hae khate ccungccaw hoy hae paw thinlung kha leih a ling hae.

TITU 1:11

Tuh-e hae mih khalang tuh phang hu athua hahe cih, minmin nynh ahme leipaw muenaw a ry hae keiccuze ccangpya lan accan leipaw kha ccangpah hae zah innbyn mawte phe a buleih hae.

HEBRU 5:4

Hynh-e sawtuanaw hynh hum nynh sanmah amaw hanlan lawkuh kho khyh, Aaron a ko hawte Pachia nynh a kopaw ccungccaw rou nynh sawtuanaw kha a lawkuh.

1 PETER 1:10

Nanning nynh na ccou lan oh paw thawccinaw konglang a ho hae paw profeh hae nynh hynh-e khumnaw kong hynh la khia hae zah thawte la ccung hae.

2 PETER 2:1

Thuasalama Israel hae laku kya lingthya profeh hae mah a la um hae, tuhawte ahme leipaw ccangpahtu hae mah nae kya oun langkuh cih hae. Minmin nynh ccungccaw arosah thyapaw ahme leipaw ccangpyakunaw kha aphiruh lante yn teekhae cih hae; mimaw a shawkhawtu hae paw Bawipaw kha heize phe vuate, mimaw tungvaw arangte ronaw kha a thuakhaekuh cih hae.

2 PETER 2:3

Karankunaw thinlung keiccuze nanning kha hynbya te amia ae ccungnahkuh cih oh. Langmawlya mawte minmin byapianaw tuh amaw um lan um huataw khyh, minmin kya-e ronaw mah ih khyh.

1 JOHAN 4:1

Ka sungsah hae, muisaw miakaw kha la zyn nan oh; muisaw hae kha Pachia kyate yn thuapaw tou, yn thua leipaw tou cipaw kha la syntawtua oh; pawccecize lingthya profeh hae patae tuh laephi vawlan oun langkuh vae hae.