JOHAN 1:9 - Zotung Bible 2016

⁹ Tuh-e ahmepaw awnaw tuh laephi vawlan yn thua zah ccungccaw miakaw kha a awsah.

JOHAN 1:9 Iomraidhean Croise

ISAIAH 49:6

Bawipaw nynh a hopaw tuh: “Jakob phin kha hangthung khylan te ahiinhypaw Israel hae kha langmawlya hawte bua thuasah khylan hae, ka ryalahtu lang na tang lanpaw tuh myaryamaw adihpaw ryalaw nynh thua; ka khumnaw tuh laephi adianaw cia a thua nawlan, nang kha minphuin hae hanlan awnaw lang kae rae cih,” a ci.

ISAIAH 8:20

Thanccingte, tuhcite a ho hae paw tuh khuadaenaw hoi lan khyh hae!

MATTHAI 6:23

Thuasalama na mit ahoy khyh ze na pyn balyn tuh mohnaw te phe beih cih. Tukeiccuze nang na kya umpaw awnaw tuh mohnaw athua lanze tuh-e mohnaw tuh pawcih baban mou ale!

LUKA 11:36

Na pyn balyn tuh mohnaw um leite awnaw te phe abia lanze, maeekhua a awpaw nynh awnaw ae pya hawte, na pyn balyn tuh awnaw te phe abeih cih,” a ci.

JOHAN 1:4

Amaw kya tuh hiinnaw um zah, hiinnaw tuh ccungccaw hae awnaw nynh thua.

JOHAN 1:7

Tuh-e paw liate ccungccaw hae balyn nynh a zyn nawlan hae, awnaw kong ccaekiakhan khylan ccaekia lang yn thua.

JOHAN 12:46

Kae yn zynpaw miakaw nynh mohnaw kya a um khyh nawlan hae, kae tuh awnaw lante laephi vawlan kae thua.

JOHAN 14:6

Jesu nynh, “Kae tuh laanpi, byaccing te hiinnaw nynh ka thua. Kae ka kyate holeite tuh hum sanmah Paaw kalan thua kho khyh.

JOHAN 15:1

“Kae tuh misu ku ccaccing nynh ka thua, ka Paaw tuh khokhu hoitu nynh thua.

JOHAN 6:32

Jesu nynh, “Byaccaccing kae hopya oh, Moses nynh vaawlang e sanlou kha ae pya khyh oh; ka Paaw nynh vaawlang e sanlou ccaccing kha ae pya oh.

JOHAN 7:12

Amaw te asekuh lante ccungccaw zapi laku kya byalungnaw patae a um; pawccecize ccungccaw abang nynh, “Aning tuh ccungccaw hoypaw nynh thua,” a ci hae. Mingccang hae nynh, “Ccungccaw hoypaw thua khyh, aning nynh ccungccaw hae kha a ling hae,” a ci hae.

1 JOHAN 1:8

Aening nynh seinaw ah hoi khyh oh cite ah ho oh ze, ahmaw te ahmaw ah lingkuh oh paw thua zah, byaccing tuh aening kya um khyh.

1 JOHAN 2:8

Amaw kya te nanning kya ahmepaw kawbya thawpaw kha nae kalan ka zei, pawccecize mohnaw tuh zo zah ahmepaw awnaw tuh atu a aw vae.

1 JOHAN 5:20

Ahmepaw Pachia kha ah ny nawlan oh, Pachia Ccapaw tuh yn thua vae zah, aening kha thaethyanaw oun pya vae cipaw ah ny oh; aening tuh ahmepaw Pachia kya te a Ccapaw Jesu Khri kya nynh ah um oh. Aning tuh ahmepaw Pachia thua zah zungzae hiinnaw mah athua.