JOHAN 1:6 - Zotung Bible 2016

⁶ Johan a ci hae paw ccungccapaw lu kheit kha Pachia nynh a saw.

JOHAN 1:6 Iomraidhean Croise

MALAKHI 3:1

Dotua, ka ccianaw laanpi kha paccyn khylan ka zeccuetu kha ka saw cih, na ccung oh paw Bawipaw tuh amaw beikinn langkhe palou yn thua cih. Nanning nynh nae lungrythuapaw byakinnaw zeccuetu tuh yn thua ccaccing cih, cite vaaw Bawipaw nynh a ci.

MATTHAI 11:10

Pawccecize Ccathyaa kya, ‘Dotua, na malang khe na laanpi a paccyn cih paw ka zeccuetu kha na malang ka saw cih,’ cite azeikuhpaw kha hynh-e paw kong nynh thua.

MATTHAI 21:25

Johan kya-e baptisma hynh paw kyate mou yn thua? Vaawlang tetou? Tuhkhyhze ccungccaw kyate tou?” cite a khia hae. Mimaw te mimaw bya eikuh hae zah, “Aening nynh, ‘Vaawlang kyate,’ ah ci oh ze, aning nynh, ‘Tuhteze pawccemou Johan kha na zyn khyh oh,’ oun ci cih.

LUKA 1:13

Thuasalama vaawpaw nynh, “Zekhariah, rih nan, pawccecize na sawsangnaw tuh thaepya athua, na zu Elizabeth nynh ccapaw ae saahpah cih zah a min tuh Johan cite na phu cih.

LUKA 1:76

Imuapaw, nang tuh Ahang Huaccepaw Pachia profeh cite ko na thua cih, pawccecize nang tuh Bawipaw laanpi kha paccynpya khylan amaw malang na cceih ty cih,

JOHAN 1:33

Amaw kha ka la nyh khyh, thuasalama tui te baptisma pya lan yn sawtupaw nynh kae kha, ‘Muisaw nynh yn rungbung zah a tungvaw a ccupaw kha na muih cih; tuh-e paw tuh Thyaa Muisaw te baptisma a pyatu nynh thua,’ cite yn hopya.

JOHAN 3:28

‘Kae tuh Messiah ka thua khyh, amaw malang sawtypaw nynh ka thua,’ cite ka hopaw a thaetu ka ccaekia hae tuh naemaw maw nynh na thua oh.

LOCCEIHTU 13:24

Jesu yn thua mawkhe, Johan nynh ngaesikunaw te asekuhpaw baptisma kong kha Israel ccungccaw balyn kalan a hoty vae.