JOHAN 1:51 - Zotung Bible 2016

⁵¹ Jesu nynh, “Byaccaccing kae hopya oh, vaaw tuh yn hungkuh zah Pachia vaaw hae nynh Ccungccaw Ccapaw tungvaw a rungbung hae paw te a kaethung hae paw kha nae muih cih oh,” cite amaw kha a hopya.

JOHAN 1:51 Iomraidhean Croise

GENESIS 28:12

Te Jakob nynh maansah zah a maan kyakhe, nawkui ccangkheit tuh laephi vawlan duakuh zah adung tuh vaawlang phe a phah; Pachia kya-e vaawccungccaw hae nynh nawkui kya a kae, a rung bungthung hae.

EZEKIEL 1:1

Kum sung thum kum, sawpaw sah palinaw, nin pangaw nin kya Khebar vawkhu kin khe kyngte ramccang lang a cciakhae hae paw kya ka um lyakhe vaawlui tuh yn hungkuh zah Pachia kya-e vizin kha ka muih.

ZEKHARIAH 13:7

Pou thaloi, kae te ryalahkheihpaw, ka tuurinpaw kha rawsete thonuaku tua, cite Vaaw Bawipaw nynh a ci. Tuu hae tuh phiariphiarae a um ccaw hae, tuurinpaw kha ziatua; tuu taraw hae kha rawsete ka kuih ka maeleihnua cih hae.

MATTHAI 25:31

“Ccungccaw Ccapaw tuh a vaaw hae balyn ryte a phu-enaw te he yn rung te, a phu-enaw bawitungkhung kya yn haung cih.

MATTHAI 26:24

Ccathyaa kya amaw kong azeiku thyhte Ccungccaw Ccapaw tuh a chih cih; thuasalama Ccungccaw Ccapaw a pheetupaw hanlan ngaethya lan kou um! Tuh-e paw tuh a la pui khyh ze amaw hanlan ahoyhua cih paw,” a cipya hae.

MATTHAI 3:16

Te Jesu tuh baptisma a in koute tui kyate yn pou lyakhe vaawlang tuh vaekheihmawte yn hungkuh zah Pachia Muisaw tuh vahu hawte yn rungbung zah a tungvaw yn ccupaw kha a muih.

MATTHAI 4:11

Te Satan nynh Jesu kha a cciataw; te vaaw hae nynh oun thuanua hae zah amaw kha a do-oih hae.

MATTHAI 8:20

Jesu nynh, “Suizaw hae nynh karung hoi hae zah vaawlang e pavaw hae nynh bu a hoi hae; thuasalama Ccungccaw Ccapaw tuh a lu nungnaw sanmah hoi khyh,” a cipya.

MATTHAI 9:6

Thuasalama Ccungccaw Ccapaw tuh laephi vawlan seinaw kha ngaethyanaw kaw a hoi cipaw na ny nawlan oh,” ci zah, kuihccu chihpaw kha, “Thokuh, na iphae kha lawkuh lah na inn lang cceih ccavae,” a cipya.

MARKA 1:10

Tui lungkhu te yn pou miakaw te, vaawlang yn hungkupaw te Muisaw nynh vahu hawte a tungvaw yn ccupaw kha a muih.

MARKA 14:62

Jesu nynh, “Ka thua; te nanning nynh Ccungccaw Ccapaw tuh Alesaepaw ranglang kya a haungpaw te vaawlang e maeking kyate yn rungpaw kha nae muih cih oh,” a ci.

LUKA 2:13

Vaekheihmawte vaawpaw ryte vaaw rhawkawbuupi tuh oun langkuh hae zah Pachia kha a thehoysah hae zah,

LUKA 2:9

Bawipaw vaawpaw nynh mih kalan yn thua zah Bawipaw phu-enaw tuh mih pepan phaephae a aw; te minmin tuh myarya a rih hae.

LUKA 22:43

Vaawlang te vaawpaw nynh a kalan yn langkuh zah thawzung a pya.

LUKA 22:69

Thuasalama atu tetuh Ccungccaw Ccapaw tuh Pachia thungnaw ranglang khe a haung vae cih,” a cipya hae.

LUKA 24:4

Minmin tuh tuh-e konglang myarya mih ngaeangthua lyakhe, phaephae akpaw boeining a lawkuh hae paw lu ning tuh mih pe khe oun thadyn hae.

LUKA 3:21

Ccungccaw hae balyn tuh baptisma a in hae, Jesu mah baptisma inbua zah saw a sang lyakhe vaawlang yn hungkuh zah,

JOHAN 1:50

Jesu nynh, “ ‘Thaeku ku kaw kya kae muih,’ cite kae hopya keiccu tou nae zyn? E laeze ale huapaw uccaw hae nae muih ung cih,” a cipya.

JOHAN 10:1

Jesu nynh, “Byaccaccing kae hopya oh, tuukhia lungkhu lang sakoih kyate tee leite, ccangpaw kyate kae zah a teepaw tuh miruh te damiah nynh thua.

JOHAN 10:7

Tukeiccuze Jesu nynh bua hopah hae zah, “Byaccaccing kae hopya oh, kae tuh tuu hae teenaw sakoih nynh ka thua.

JOHAN 13:16

Byaccaccing kae hopya oh, see tuh a bawipaw laeze lehua khyh, sawpaw ccungccaw mah a sawtupaw laeze lehua khyh.

JOHAN 13:38

Jesu nynh, “Ka hanlan na hiinnaw na pyakuh cih tou? Byaccaccing kae hopya, aw a khua mawze vae thum nae vua cih,” a cipya.

JOHAN 14:12

Byaccaccing kae hopya oh, kae yn zynpaw tuh ka cyipaw ryalaw kha a cyihbua cih; hynh-e hae lae alepaw ryalaw kha mah a lah cih; pawccecize kae tuh ka Paaw kalan ka cceih cih.

JOHAN 16:20

Byaccaccing kae hopya oh, nanning tuh nae rah nae khui cih oh, thuasalama laephi tuh a lungtua cih; nanning tuh nae ngaethah cih, thuasalama nae ngaethyanaw tuh lungtuanaw lang yn tang cih.

JOHAN 16:23

Tuin nin kya tuh kae hynh pawsang nae khia vae lan khyh oh. Byaccaccing kae hopya oh, ka min te ka Paaw kalan na ngiaku oh paw miakaw kha aning nynh ae pya cih oh.

JOHAN 21:18

Byaccaccing kae hopya, na no lya tuh na taeccia kha na cciakuh zah na rynaw miakaw lang leih na cceih. Thuasalama he nae taw vae tetuh na kuih hae kha na zo cih zah ming hae nynh ae heede cih hae zah na ccia ry leinaw lang ae cciakhae cih hae,” a cipya.

JOHAN 3:3

Jesu nynh, “Byaccaccing kae hopya, humhung zemah a puithui khyh lanze Pachia peenaw kha muih kho lan khyh,” cite a khung.

JOHAN 3:5

Jesu nynh, “Byaccaccing kae hopya, humhung zemah tui te Muisaw te a pui khyh lanze Pachia peenaw lungkhu lang tee kho lan khyh.

JOHAN 5:19

Jesu nynh minmin kha, “Byaccaccing kae hopya oh, Ccapaw nynh amaw kaw te pawsang mah cyih kho khyh, a Paaw nynh a cyipaw a muihpaw rou kha nynh a cyi kho; pawccecize Paaw nynh a cyipaw miakaw kha Ccapaw nynh mah a cyibua.

JOHAN 5:27

Ccapaw tuh Ccungccaw Ccapaw athua keiccuze byapianaw kaw kha mah a pya.

JOHAN 6:26

Jesu nynh, “Byaccaccing kae hopya oh, nanning nynh muihsahnaw hae na muih oh keiccuze kae hynh nae ccung khyh oh, sanlou na ae oh zah nae vueso keiccu nynh nae ccung oh.

JOHAN 6:32

Jesu nynh, “Byaccaccing kae hopya oh, Moses nynh vaawlang e sanlou kha ae pya khyh oh; ka Paaw nynh vaawlang e sanlou ccaccing kha ae pya oh.

JOHAN 6:47

Byaccaccing kae hopya oh, a zynpaw ccungccaw tuh zungzae hiinnaw a hoi.

JOHAN 6:53

Jesu nynh, “Byaccaccing kae hopya oh, Ccungccaw Ccapaw a saw kha na ae khyh oh zah a chii kha na nia khyh oh ze, nae kya hiinnaw na hoi khyh oh.

JOHAN 8:34

Jesu nynh, “Byaccaccing kae hopya oh, humhung zemah seinaw rya a lahpaw tuh seinaw see nynh thua.

JOHAN 8:51

Byaccaccing kae hopya oh, humhung zemah ka bya a zuipaw tuh chinaw tung boi vae lan khyh,” a ci.

JOHAN 8:58

Jesu nynh, “Byaccaccing kae hopya oh, Abraham a um mawze kae tuh ka um vae,” a cipya hae.

LOCCEIHTU 10:11

vaawlang yn hungkuh zah myarya lepaw boei te alokuhpaw uccaw ccangkheit tuh aki ki pali te laekhu lang yn sawbung hae paw kha a muih.

LOCCEIHTU 7:56

Stefen nynh, “Dotua oh, vaawlang ahungkuhpaw te Ccungccaw Ccapaw nynh Pachia ranglang a thadynpaw kha ka muih!” a ci.

2 THESALON 1:7

Bawipaw Jesu tuh athungpaw a vaaw hae ryte aruapaw maee khate vaawlang te he yn langkuh te, vawsaw na teing oh paw nanning kha kaening ryte haeungnaw ae pya cih oh,

2 THESALON 1:9

Minmin tuh zungzae ronaw detahnaw kha a teing cih hae zah Bawipaw malang kyate thuasah, a thungnaw kya-e phu-enaw kyate thuasah phia athua cih hae,

1 TIMOTE 3:16

Ah beiknaw kya-e byakhupaw alenaw zia hynh eiku lanpaw um khyh: Pachia tuh pynsaw lante yn langkuh vae zah, Muisaw liate thyaaccousah athua vae, vaaw hae nynh a muih vae hae. Zenta hae kya ho athua vae, laephi pynpi kya amaw kha a zyn vae hae. Phu-enaw te vaawlang lawthung athua vae.

HEBRU 1:14

Minmin balyn tuh khumnaw rho a ccou vae cih hae paw kha ryalawpya khylan sawpaw ryalawpahtu muisaw hae thua khyh hae tou?

JUDE 1:14

Adam kyate she sarinaw athuapaw Enok mah hynh-e hae kong hynh profehbya a ho. A hopaw tuh: “Dotua, Bawipaw tuh,

BYAPHY 19:11

Vaawlang tuh hungkuh zah marang rawpaw sa kheit kha ka muih. Tuh-e marang tungvaw a ccikuhpaw tuh Alungzipaw, Ahmepaw cite ko athua; aning tuh dingnaw te byapia zah rhaw a tuk.

BYAPHY 4:1

Hynh-e koute ka do zah vaawlang kya thuakaw ahungkuhpaw kha ka muih. Masaty ka thaepaw roi tuh mungkae roi hawte bya yn hopahpaw roi nynh thua; tuh-e roi nynh, “Hynhlang yn kaethung lah, hynh-e koute yn cyihkuh lanpaw kha kae muihsah cih,” yn cipya.