JOHAN 1:13 - Zotung Bible 2016

¹³ Minmin tuh chiisaw te saahpaw ccaaw, pynsaw rynaw te saahpaw ccaaw, ccungccaw rynaw te saahpaw ccaaw thua khyh hae; thuasalama Pachia rynaw te saahpaw ccaaw nynh athua hae.

JOHAN 1:13 Iomraidhean Croise

GENESIS 25:22

A lungkhu e imua hae tuh lu kheit te lu kheit a dyykuh hae; te a nung nynh, “Hynhcite a cyiku lanze pawcce ryakhae ka la hiin?” a ci. Tukeiccuze Bawipaw kha khia khylan a cceih.

GENESIS 25:28

Isak nynh Esau a kawpaw saw kha palei a ae keiccuze Esau kha a sungsah; thuasalama Rebekah nynh Jakob kha a sungsah.

GENESIS 27:33

Oute Isak nynh phe thyngku biate, “Saw yn kaw zah yn pyapaw kha hummou athua? Nang nae thua maw, saw kha pong ka ae zah hythua phe ka pya kou vae, aning tuh hythua ccoupaw athua ccaccing vae cih,” a ci.

GENESIS 27:4

Ka chi maw hythua kae pya ccaw, leih ka rythyapaw, kou thuapaw looh kha yn paccynpah lah, ka ae lan yn pyatua,” a cipya.

The Psalms 110:3

Athyaapaw mua hae vawlan khe na ccungccaw hae kha na cciakhae nin hae khe, minmin nynh mimaw lungthote a pyakuh cih hae. Na mino hae tuh awkhua e dangtui hawte, na kalan oun thua cih hae.

MATTHAI 3:9

‘Abraham tuh kae paaw nynh thua,’ cite tuakuh nan oh. Pawccecize Pachia tuh hynh-e lung hae kyate Abraham ccaaw hae kha a rae kho cipaw kae hopya oh.

JOHAN 3:3

Jesu nynh, “Byaccaccing kae hopya, humhung zemah a puithui khyh lanze Pachia peenaw kha muih kho lan khyh,” cite a khung.

1 KORIN 3:6

Kae nynh ka lin, Apollos nynh tui bu, thuasalama a lesahthungtu tuh Pachia nynh thua.

FILIPI 2:13

pawccecize amaw kya-e ahoypaw eenaw kha ry khylan te cyi khylan nae lungkhu kya ryalahpaw tuh Pachia nynh thua.

TITU 3:5

aening nynh ah rae oh paw dingnaw cyisahnaw hae liate thua leite, amaw ngaethyaumsahnaw liate oun khum, puithuinaw te asekuhpaw singpyanaw te Thyaa Muisaw nynh thawsahthuinaw liate aening kha oun khum.

JAMES 1:18

Aening tuh amaw nynh a rae hae paw balyn kyaze masaty athae ah thua nawlan oh, amaw a rynaw thyhte byaccing kya-e bya khate aening kha oun rae.

1 PETER 1:23

Pawccecize arohthyapaw ccacii te thua leite, arohthya leipaw, ahiinpaw te zungzae atynpaw Pachia bya liate nynh na puithui oh.

1 PETER 1:3

Pachia te ah Bawipaw Jesu Khri a Paaw tuh thehoyte um sah! Myarya lepaw a ngaethyaumsahnaw thyhte, Jesu Khri tuh chinaw kyate a thoothuinaw liate ahiinpaw ngaehoinaw kalan aening kha bua oun puisah vae.

1 PETER 2:2

ccirarihpaw muisaw samatei liate khumnaw kya na lethung nawlan oh, apuithawpaw imua hae hawte tuh-e samatei tuh peki oh,

1 JOHAN 3:9

Pachia kyate yn puipaw ccungccaw miakaw nynh tuh seinaw kha rae khyh; pawccecize Pachia ccacii kha tuh-e paw kya atyn, aning tuh Pachia kyate yn puipaw athua keiccuze sei kho khyh.

1 JOHAN 4:7

Ka sungsah hae, lu kheit te lu kheit sungsakuh oh sih, pawccecize sungsakunaw tuh Pachia kyate yn thuapaw nynh thua. Ccungccaw a sungsahpaw miakaw tuh Pachia kyate yn puipaw thua zah Pachia kha a ny.

1 JOHAN 5:1

Humhung zemah Jesu tuh Khri nynh thua cite a zynpaw miakaw tuh Pachia ccaaw nynh thua. A saahtupaw Paaw kha a sungsahpaw miakaw nynh tuh Paaw kyate yn puipaw ccaaw kha mah a sungsah.

1 JOHAN 5:18

Humhung zemah Pachia kyate a puipaw tuh sei khyh cipaw ah ny oh. Pachia kyate a puipaw tuh amaw te amaw rinkuh zah, Satan nynh ty kho khyh.

1 JOHAN 5:4

Pawccecize Pachia kyate a puipaw miakaw nynh tuh laephi kha a tae. Laephi a tae khopaw taenaw tuh aening zynnaw nynh athua.