JOHAN 1:12 - Zotung Bible 2016

¹² Thuasalama amaw kha lehkhan hae zah amaw min a zynpaw balyn kha Pachia ccaaw thuanaw kaw a pya hae.

JOHAN 1:12 Iomraidhean Croise

2 SAMUEL 7:24

Na ccungccaw Israel hae kha na ccungccaw lang zungzae tang khylan namaw hanlan na tynsah hae; pou Bawipaw , nang tuh mih Pachia lang na tang.

ISAIAH 56:5

ccanung ccapaw hae laeze aphute huapaw liathuinawpaw uccaw te min kha ka inn te ka khualungrua lungkhu khe ka pya cih hae; azo kho leipaw zungzae tynpaw min kha ka pya cih hae.

JEREMIAH 3:19

Nang kha ka ccaaw hae laku kya pawtemou kae nung cih cipaw te ram hoypaw, ram balyn kyaze apuithya huaccepaw rho kha pawtemou kae pya cih cipaw kha ka tua. Te nang nynh kae kha, Apang cite nae ko cih zah, kae nae zuinaw kyate ccanglang na cceihsei lan khyh cite ka tua.

HOSEA 1:10

Tuhzemah Israel hae tuh toutae leipaw te riatae leipaw rili laesia hawte athua cih hae; “Nanning tuh ka ccungccaw hae na thua khyh oh,” cite hopya athuanaw hae hmin kya mawkhe, “Ahiinpaw Pachia ccaaw hae,” cite hopya athua cih hae.

MATTHAI 10:40

“Humhung zemah nanning leh ae khan oh paw tuh kae kha leh yn khanpaw nynh thua, te humhung zemah kae kha leh yn khanpaw tuh kae yn sawtupaw kha leh a khanpaw nynh thua.

MATTHAI 12:21

Amaw min kha Zenta hae nynh a doliakuh cih hae,” a ci.

MATTHAI 18:5

Humhung zemah e tahawpaw imua lu kheit kha ka min te leh a khanpaw tuh kae kha leh yn khanpaw nynh thua.

JOHAN 1:11

Aning tuh amaw ram lang yn thua, thuasalama a ccungccaw hae nynh amaw kha lehkhan khyh hae.

JOHAN 1:7

Tuh-e paw liate ccungccaw hae balyn nynh a zyn nawlan hae, awnaw kong ccaekiakhan khylan ccaekia lang yn thua.

JOHAN 11:52

tuh-e minphuin hanlan kyalya thua leite, a phiakuh hae paw Pachia ccaaw hae kha pynkheihlan suelua khylan yn chih cih cipaw kha profehbya a hopaw nynh thua.

JOHAN 2:23

Jesu nynh Kawtaw Poi lungkhu Jerusalem khua kya a um lyakhe ngaeangnaw a raepaw kha ccungccaw patae nynh a muih hae keiccuze a min kha a zyn hae.

JOHAN 20:31

Thuasalama Jesu tuh Messiah, Pachia Ccapaw nynh thua cipaw na zyn nawlan oh te tuhte na zynnaw oh liate amaw min te hiinnaw na hoi nawlan oh nynh hynh-e hae hynh zei athua.

JOHAN 3:18

“Amaw a zynpaw ccungccaw tuh byapia thua vae khyh, thuasalama a zyn leipaw tuh byapia phe athua vae, pawccecize Pachia nynh a hoi thypaw Ccapaw min kha zyn khyh.

LOCCEIHTU 3:16

Jesu min zynnaw liate tuh-e Jesu min nynh na muih oh zah na ny oh paw hynh-e paw hynh a thawsaesah. Jesu zynnaw nynh hynh-e paw hynh nae balyn malang accingpaw dannaw kha a pya.

Romans 8:14

Pawccecize Pachia Muisaw nynh a cciakhae hae paw balyn tuh Pachia ccaaw hae nynh thua hae.

Romans 8:16

aening tuh Pachia ccaaw hae nynh ah thua oh cipaw Muisaw amaw ccaccei nynh aening muisaw ryte ccaekia a khan.

Romans 8:19

Pawccecize raepaw uccaw hae nynh Pachia ccaaw hae oun langku lan hae paw kha myarya ngaehoite a ngawdae hae.

GALATI 3:26

pawccecize nanning balyn tuh zynnaw liate Khri Jesu kya Pachia ccaaw hae nynh na thua oh.

GALATI 4:6

Nanning tuh ccaaw hae na thua oh keiccuze, “Abba! Ka Paaw!” cite a kopaw a Ccapaw kya-e Muisaw kha aening thinlung kalan Pachia nynh a saw vae.

KOLOSE 2:6

Tukeiccuze nanning nynh Khri Jesu Bawipaw kha phe na lawku vae oh hawte, amaw kya hiin ccavae oh.

2 PETER 1:4

Tuh-e phu-enaw te hoynaw liate aphutepaw te myarya alesaepaw byakinpyakunaw hae kha aening oun pya vae; tuh-e byakinpyakunaw liate nanning tuh chiisaw rynaw keiccu laephi kya a umpaw ronaw kyate na lue oh zah, Pachia thuanaw a neethungkuh bua hae paw na thua nawlan oh nynh thua.

1 JOHAN 3:1

Aening tuh Pachia ccaaw hae cite ko ah thua nawlan oh, pawcihawpaw sungsahnaw mou Paaw Pachia nynh oun pya cipaw kha tuatua oh; aening tuh Pachia ccaaw hae nynh ah thua ccaccing oh. Laephi ccungccaw hae nynh Pachia kha a ny khyh hae keiccuze aening kha mah oun nyh khyh hae.

1 JOHAN 3:10

Pachia ccaaw hae te Satan ccaaw hae tuh hynhcite alangkuh: Humhung zemah dingnaw rya a lah leipaw te a uno a sungsah leipaw ccungccaw tuh Pachia kya-e thua khyh.

1 JOHAN 3:2

Sungsah hae, atu aening tuh Pachia ccaaw hae nynh ah thua oh. Nyalang aening tuh pawte nynh ah thua cih oh cipaw langkuh loh khyh. Thuasalama Khri he yn langkuh te, aening tuh amaw te loku bua lan cipaw ah ny oh; pawccecize aening nynh amaw kha athuanaw thathyhte ah muih cih oh.

1 JOHAN 3:23

A kawbya tuh e hynh nynh thua: Aening nynh a Ccapaw Jesu Khri min kha zyn lanpaw te Khri nynh kaw yn pya thyhawte lu kheit te lu kheit sungsaku lanpaw nynh thua.