JOHAN 1:10 - Zotung Bible 2016

¹⁰ Aning tuh laephi vawlan um zah laephi hynh amaw liate rae athua, tuhzemah laephi nynh amaw kha nyh khyh.

JOHAN 1:10 Iomraidhean Croise

GENESIS 16:13

Hagar nynh, “Pachia kha ka muih ccaccing, thuasalama ka hiin ung khaw?” ci zah amaw kalan bya yn hopahpaw Bawipaw kha, “El-roi” cite min a phu; pawccecize Hagar nynh, “Yn muihtupaw kha phe ka muih vae khaw?” a ci.

GENESIS 17:1

Abram sung takua kum takua he cih tuh Bawipaw nynh amaw kya langkuh zah, “Kae tuh Athunghuapaw Pachia nynh ka thua; ka malang khe cceih lah ccaenaw um lei lante um.

GENESIS 18:33

Te Bawipaw tuh Abraham te bya a hokuh kou hae te a cceih vae; Abraham mah a umnaw lang a ki vae.

ISAIAH 53:3

Ming hae nynh amaw kha theihrya hae zah a vua hae; a teingpaw te a ngedan leipaw ccungccaw nynh thua; ming hae nynh ccanglang a hawitaw hae paw ccungccaw hawte aning kha theihrya hae zah, kaening nynh pawlang kae ria leipaw nynh thua.

MATTHAI 11:27

Ka Paaw nynh pawpaw balyn kha marya yn ap vae; Paaw laelan hum nynh sanmah Ccapaw kha nyh khyh; Ccapaw te Ccapaw nynh amaw kong phy lan a popaw ccungccaw laelan hum nynh sanmah Paaw kha nyh khyh.

JOHAN 1:11

Aning tuh amaw ram lang yn thua, thuasalama a ccungccaw hae nynh amaw kha lehkhan khyh hae.

JOHAN 1:18

Hum nynh sanmah Pachia tuh muih boi khyh, Paaw by vaw kya a umpaw, lu kheit kyalyapaw Ccapaw nynh Pachia kha a langsah vae.

JOHAN 1:3

Tynre balyn tuh amaw liate nynh rae athua, amaw leite raepaw ccangkheit san um khyh.

JOHAN 1:5

Awnaw tuh mohnaw kya a aw, thuasalama mohnaw nynh tuh-e awnaw tuh the kho khyh.

JOHAN 17:25

“Pou adingpaw Apang, laephi ccungccaw hae nynh namaw hynh ae nyh khyh hae, thuasalama kae nynh tuh kae ny; nang nynh kae hynh nae saw cipaw kha hynh-e hae nynh a ny hae.

JOHAN 5:17

Thuasalama Jesu nynh minmin kha, “Ka Paaw tuh atu cia ryalah zah kae mah rya ka lah,” cite a khung hae.

LOCCEIHTU 14:17

Tuhzemah ahoypaw a raenaw kyakhe amaw a um cipaw kha ccaekia langsaku leite um khyh, nanning elang vaawlang te khuaarawsah zah thingthae-eccang a pousahpaw kumvaelori kha ae pya oh, looh ae bynsah oh zah nae thinlung kha lungtuanaw te ae biasah oh,” cite thawmawte a sia hae.

1 KORIN 1:21

Pawccecize laephi ccungccaw hae nynh mih hawnaw liate Pachia a ny khyh hae paw kha Pachia nynh a hawnaw te a raepaw nynh thua, tukeiccuze kaening nynh kae hopaw ngaeenaw bya liate a zynpaw ccungccaw hae tuh khumnaw a mue nawlan hae Pachia nynh a paccyn.

1 KORIN 2:8

Hynh-e she e uktu hae hum nynh sanmah tuh-e hawnaw tuh nyh khyh hae; a la ny hae ze, a phu-epaw Bawipaw kha vaelantung kya a khiade cih lei hae paw.

1 KORIN 8:6

aening hanlan tuh Paaw, Pachia ccangkheit rou nynh a um, pawpaw balyn tuh amaw kyate oun um zah, aening tuh amaw hanlan nynh ah hiin oh. Bawipaw lu kheit, Jesu Khri rou nynh a um. Pawpaw balyn tuh amaw liate um zah, aening mah amaw liate nynh ah um oh.

KOLOSE 1:16

Pawccecize vaaw te lae kya a umpaw, muih khopaw te muih kho leipaw, bawitungkhung hae, uknaw kaw hae, uktu hae, kawhoinaw hae, pawpaw balyn tuh Ccapaw liate rae athua—pawpaw balyn tuh amaw liate rae thua zah amaw hanlan nynh thua.

HEBRU 11:3

Laephi tuh Pachia bya liate rae athua cipaw kha zynnaw liate ah thaethya oh; muihpaw uccaw hae hynh muih leipaw uccaw hae kyate raepaw nynh thua hae.

1 JOHAN 3:1

Aening tuh Pachia ccaaw hae cite ko ah thua nawlan oh, pawcihawpaw sungsahnaw mou Paaw Pachia nynh oun pya cipaw kha tuatua oh; aening tuh Pachia ccaaw hae nynh ah thua ccaccing oh. Laephi ccungccaw hae nynh Pachia kha a ny khyh hae keiccuze aening kha mah oun nyh khyh hae.