JOEL 3:9 - Zotung Bible 2016

⁹ E bya hynh minphuin hae kalan thaesah hae: Rhawtuk lan paccynkuh, rhawkaw hae kha lungthobya hopah oh. Rhawkaw hae balyn tuh oun naekuh hae sah lah, oun cceihthung hae sah.

JOEL 3:9 Iomraidhean Croise

The Psalms 96:10

Minphuin hae kyakhe, “Bawipaw tuh siapharan nynh thua! Laephipi tuh tynkaring lan thadynsah athua keiccuze kharouh nuekuh lan khyh. Ccungccaw hae kha dingnaw bya a pia cih hae,” cite hopah oh.

ISAIAH 34:1

Pou minphuin hae, nawthae khylan oun naeku tua oh; Pou ccungccaw hae, hoyte ngaetua oh! Laephi te laephi kya a umpaw balyn nynh thuasah, laephipi te laephipi kya a umpaw balyn nynh thuasah thae hae sah.

JEREMIAH 31:10

Pou minphuin hae, Bawipaw bya kha ngae oh lah, asawnaw rili khunglang e ram hae kyakhe phytua oh; “Israel kha phiariphiarae a nungtupaw nynh bua a sueluathui cih, tuurinpaw nynh tuuphu kha a do-oih hawte a do-oih cih,” cite ho oh.

JEREMIAH 50:2

Minphuin hae kha thaesah oh, thuruh leite alan kha sae oh lah thaesah oh, hynhte ho oh: Babilon khuapi tuh law athua vae, Bel pachia tuh maethyanaw a mue vae, Marduk pachia tuh a lungroh vae. Babilon a zohtuh hae tuh maethyanaw mue hae zah, mih lungroh vae.

JEREMIAH 51:11

The kha phe he lan taw oh! The bawng kya the kha phe biasah oh! Bawipaw nynh Babilon kha ro lan a paccyn keiccuze Medes siapharan kha a lung a thosah vae, tuh-e tuh Bawipaw phulawnaw thua zah, a beikinn hanlan phulawnaw nynh thua.

JEREMIAH 51:27

Ram lungkhu kya alan sae oh, minphuin hae laku kya mungkae tu oh; Babilon kha tuk khylan minphuin hae kha paccyn oh, aning kha rawsete Ararat, Minni te Ashkenaz peenaw hae kha pum oh; aning kha rawsete rhawbawi lepaw lu kheit kha khang oh lah, marang hae kha tungkhipaw aphupi hawte cciakhae oh.

JEREMIAH 6:4

“Aning kha dou khylan paccynkuh oh; thokuh oh lah, ninthuccynglyn khe rhawtuk oh sih!” “Aening elang ngaethya lan kou um, pawccecize taezaw vae, khuazi bia vae!”

EZEKIEL 38:17

Bawipaw PACHIA nynh hynhte a ho: Israel hae dou khylan nang kha kae cciakhae cih, cite langmaw lyaze profehbya ho hae paw ka ryalahtu Israel profeh hae kyate bya ka la honuathepaw kha nang na thua khyh tou?

EZEKIEL 38:7

Nang te na kya a pumkuh hae paw zapi balyn tuh raeringkuh oh lah, paccynkute um oh, minmin hanlan rintu lang umtua.

MIKAH 3:5

Ka ccungccaw hae kha cciakhaesei hae zah ae lanpaw a hoi ccyh hae khe, “Daenaw a um cih,” cite sia hae zah, mih khalang lungkhu lang paw sanmah a baw lei hae paw kya tuh rhaw atho cih cite a hothya hae paw profeh hae konglang kha Bawipaw nynh hynhte a ho.

HAGGAI 2:7

minphuin hae balyn kha ka thyngsakuh cih hae, tuhteze nynh minphuin hae balyn kya-e sisua tuh yn thua cih zah, e inn hynh phu-enaw te phe ka biasah cih.

ZEKHARIAH 14:2

Jerusalem kha tuk khylan minphuin hae balyn kha ka suelua cih hae zah khuapi kha a lah cih hae, inn hae kha a luade cih hae zah nopi hae kha kyngdete a ikhae cih hae; khuaccaaw hae angankuh kha kyngte a cciakhae cih hae, thuasalama a laehy hae paw kha tuh khuapi kyate vua thua lan khyh hae.

ZEKHARIAH 14:3

Te Bawipaw tuh yn toikuh cih zah, rhaw a tuk nin lya hawte khah-e minphuin hae kha a tuk cih hae.