8 Nae ccanung hae te nae ccapaw hae kha Judah hae kuih kalan ka zua cih hae zah, minmin nynh asawnaw umpaw minphuin, Seba hae kalan a zua cih hae; pawccecize Bawipaw nynh a ho vae.
te Seba hae nynh oun ccianua hae zah marya a lawku hae, ryalahtu hae kha thaloi te marya a chia hae; ka makhae rou nynh nang kha thethaesah khylan me ka lue,” a cipya.
Nang ae tuaa ae sah hae paw mih ciihan hae tuh oun thua cih hae zah ae bakhungpah cih hae, nang ae theihrya hae paw balyn tuh na cculeihpaw khe a bakhung cih hae; minmin nynh nang kha Bawipaw Khuapi, Israel Pachia Athyaapaw kya-e Zion khua cite ae ko cih hae.
Tukeiccuze nang ae laang hae paw kha laangru athua cih hae zah, na rhaw hae balyn tuh kyng athua cih hae; nang ae luade hae paw tuh luade athua cih hae zah, nang ae tei hae paw kha ka teisahru cih hae.
Sheba ram kyate yn thuapaw amynkhuhpaw frankinsen te laansaw langte yn thuapaw ccazung epaw kha ka hanlan pawmou a ccungkia? Nae kya-e maee-ute silawnaw hae kha ccoupya thua lan khyh, nae kya-e silawnaw hae kha mah ka lungrythua khyh.
ngaluin-ngaluin ccae hae paw zapi hae roi tuh accae, siarisiarae um hae paw patae te ramkaw te oun thuakhae hae paw arui hae paw mah a umbua hae; minmin nynh nopi hae kuih kyakhe khawccan nawsakuh hae zah, mih lu vawlan khe apuithyapaw bawilukhung kha a khungsah hae.
Sheba hae, Dedan hae, Tarshish kungku hae te arawthungpaw a ngawphue hae balyn nynh nang kha, “Uccaw luadete cciakhae khylan nae thua vae tou? Luadepaw uccaw hae, sui te ngun, sahiin te uccaw hae, luadepaw uccaw patae kha cciakhae khylan tou na ccungccaw zapi hae kha na pum hae?” ae ci cih hae.
Mih Lungpi nynh minmin kha zua hae zah, Bawipaw nynh rhaw a shungsah khyh hae ze, lu kheit nynh ccungccaw thong kheit kha pawtemou a dee kho cih hae zah, lu ning nynh thong haw kha pawtemou a ccuesah kho cih hae?
Tukeiccuze Israel tungvaw kya Bawipaw thinrianaw tuh maee lang rua zah, luadetu hae kuih kalan a pya hae, mih pepan umpaw mih rhaw hae kuih kalan a zua hae, tetuh mih rhaw hae kha thadynnua kho vae khyh hae.