JOEL 3:5 - Zotung Bible 2016

⁵ Pawccecize ka sui te ka ngun kha na lawku oh, ka sisua patae kha nae beikinn lang na phuku oh.

JOEL 3:5 Iomraidhean Croise

2 SIAPHARAN 12:18

Judah siapharan Joash nynh a minpaaw hae, Judah siapharan hae Jehoshafat, Jehoram te Ahaziah nynh byakinkute a hlu hae paw uccaw hae te amaw nynh byakinkute a hlupaw uccaw hae, Bawipaw inn te siapharan inn kya-e sisuakhaan kya muih athuapaw sui balyn kha lah zah Siria siapharan Hazael kalan a ky. Tetuh Hazael nynh Jerusalem kha a kitaw.

2 SIAPHARAN 16:8

Bawipaw inn lungkhu te siapharan inn sisuakhaan hae lungkhu umpaw sui te ngun kha mah lah zah Assiria siapharan kha lasung lang a ky.

2 SIAPHARAN 24:13

Bawipaw inn kya-e sisua balyn te siapharan inn kya-e sisua balyn kha Nebukhadnezzar nynh Babilon lang a phu; Israel siapharan Solomon nynh a raepaw, Bawipaw inn kya umpaw sui angphe hae balyn kha zoihtatyh lan a koi, e balyn hynh Bawipaw nynh a la hoty vae hawte nynh thua.

ISAIAH 11:11

Tuin nin khe Bawipaw nynh a kuih a dyng cih zah, Assiria ram, Izip ram, Pathros ram, Ethiopia ram, Elam ram, Shinar ram, Hamath ram te rili kin e ram hae kyate a laehypaw a ccungccaw hae kha vaeningnaw a kikhae cih hae.

JEREMIAH 23:7

Tukeiccuze Bawipaw nynh a hopaw tuh: “Israel hae kha Izip ram kyate a poukhae hae paw Bawipaw tuh a hiin,” cite ho lei vae te,

JEREMIAH 50:28

Ngaetua oh! Bawipaw ah Pachia phulawnaw, a beikinn a ropya hae keiccuze phulawnaw kong kha Zion kya siakhae khylan, Babilon ram kyate ccue hae zah a lue hae paw roi tuh accae.

JEREMIAH 51:11

The kha phe he lan taw oh! The bawng kya the kha phe biasah oh! Bawipaw nynh Babilon kha ro lan a paccyn keiccuze Medes siapharan kha a lung a thosah vae, tuh-e tuh Bawipaw phulawnaw thua zah, a beikinn hanlan phulawnaw nynh thua.

EZEKIEL 37:12

Tukeiccuze minmin kha profehbya hopah hae, Bawipaw PACHIA nynh hynhte a ho: Pou ka ccungccaw hae, nae shawku hae kha ka hung cih zah, nanning kha poh kae thuaa cih oh; te nanning kha Israel ram lang kae kikhae cih oh.

DANIEL 11:38

Tuh-e hae laeze rhawlungrua pachia kha saw a tuahua cih; a minpaaw hae nynh a ny boi lei hae paw pachia kha sui, ngun, aphutepaw lung hae te amee rupaw lasung kha pyate saw a tuahua cih.

OBADIAH 1:17

Thuasalama Zion Mua vawlan khe a lue hae paw tuh a um cih hae zah, tuh-e hmin tuh hmin thyaa athua cih. Jakob ciihan hae nynh mih ram a la luatu hae kha a luaru cih hae.