JOEL 3:4 - Zotung Bible 2016

⁴ Pou Tair khua, Sidon khua te Filistia ram hae balyn, nanning tuh kae ka hanlan pawmou na thua oh? Kae kha nae liaru cih oh tou? Kae kha nae liaru oh ze, nae cyisahnaw kha naemaw lu vawlan palou ka khangru cih.

JOEL 3:4 Iomraidhean Croise

2 SHERIANAW 21:16

Bawipaw nynh Jehoram kha rawsete Ethiopia hae te a naekuh hae paw Arab hae te Filistin hae kha mih thin a riasah hae.

ISAIAH 14:29

Pou Filistin hae balyn, nanning buanawpaw ccungngue akhya keiccuze nae lungtua nan sah, khah-e hupaw phin kyate huparepaw yn langkuh cih, tuh-e huparepaw a taw tuh azouthyapaw hupaw, maeesoi tahawpaw athua cih.

ISAIAH 34:8

E ccyh tuh Bawipaw nynh Zion kha luesah zah Zion a rhaw hae tungvaw phu a law ccyh athua cih.

ISAIAH 59:18

Mih cyisahnaw thyhte a liaru cih hae; a rawsetu hae tungvaw a thinkhykuh cih zah, a rhaw hae kha a liaru cih hae; rili khunglang e ram hae kha a liaru cih hae.

JEREMIAH 47:1

Faro nynh Gaza a tuk mawze, Filistin hae konglangte profeh Jeremiah kya yn thuapaw Bawipaw bya tuh hynhte nynh thua:

JEREMIAH 47:4

pawccecize Filistin hae balyn kha ronaw ccyh te Tair te Sidon khua kyate a laehypaw bawmtu miakaw kha ronaw ccyh tuh yn thua cih. Pawccecize Bawipaw nynh Filistin hae te a laehypaw Kaftor tuikoih kya-e hae kha a roh cih hae.

JEREMIAH 51:6

Babilon kyate ccue oh lah, nae hiinnaw raveih kha khumkuh oh! Babilon seinaw keiccuze rohbua nan oh, pawccecize e ccyh hynh Bawipaw nynh phu a law ccyh thua zah, Babilon kha accan thyhte a liaru cih.

JOEL 2:10

Mih malang khe laephi tuh hy zah, vaawlui tuh a thyngkuh. Khuanin te sawpaw tuh moh hae zah, awsi hae tuh aw khyh hae.

JOEL 2:2

tuh-e nin tuh mohnaw te mae-uinaw nin, maeking azi nin te marae zipingpaw mohnaw nin nynh thua! Mankakungpaw tuh mua hae vawlan a pazaeku hawte, lung hae zah athungpaw rhawkaw hae tuh oun cceih hae; tuhcihawpaw tuh langmawlya mah um boi khyh zah, malang ccyh kya mah um boi vae lan khyh.

MATTHAI 11:21

“Khorazin khua, nang na hanlan ngaethya lan kou um! Bethsaida khua, nang na hanlan ngaethya lan kou um! Pawccecize nanning kya rae athuapaw ngaeangnaw hae kha Tair khua te Sidon khua kyakhe rae a la thua ze, minmin tuh buri boeining lawkute buhhaw kya a toukuh cih hae zah khawlya mawte a ngaesikuh vae cih hae.

MATTHAI 11:22

Tukeiccuze kae hopya oh, byapianaw nin kya nanning hanlan laeze Tair te Sidon hanlan ngaesang kho a umhua cih.

LUKA 10:13

Khorazin khua, nang na hanlan ngaethya lan kou um! Bethsaida khua, nang na hanlan ngaethya lan kou um! Pawccecize nanning kya ka raepaw ngaeangnaw hae hynh Tair khua te Sidon khua kya ka la rae ze, minmin tuh buri boeining lawkute buhhaw kya haungte khawlya mawte a ngaesikuh vae cih hae.

LUKA 10:14

Byapianaw kya nanning hanlan laeze Tair khua te Sidon khua hanlan ngaesang kho a umhua cih.

LUKA 18:7

Pachia nynh amaw kalan khuazi khuadae a sia hae paw, amaw nynh a po hae paw kha ahmete cyipya leite a um cih hae zawtou? Minmin bawm lanpaw kha a thysung cih zawtou?

LOCCEIHTU 9:4

Saul tuh laekhu kya a khuliakuh; te, “Saul, Saul, pawccemou kae hynh nae tuaa nae sah?” cite a hopahpaw roi ccangkheit kha a thae.

DEUTERONOMY 32:35

Liarunaw te amee sangrunaw tuh kamaw kya-e nynh thua, pawccecize accyh zaw te mih ccu tuh athei cih; mih vawsawnaw nin tuh nae vae zah, minmin ronaw tuh arangte yn thua.

2 THESALON 1:6

Nanning vawsaw ae pya oh paw ccungccaw hae kha vawsawnaw pyaru lanpaw tuh Pachia hanlan atazaepaw nynh thua,

BYAPIATU 11:12

Te Jefthah nynh Ammon hae siapharan kalan khe locceihtu hae saw hae zah, “Ka ram kha dou khylan ka kalan ccianua ciate nang te kae laku paw bya mou a um?” a ci.