JOEL 3:2 - Zotung Bible 2016

² minphuin hae balyn kha ka suelua cih hae zah Jehoshafat accya langkhe ka cciakhae bung cih hae; tuin kyakhe minmin kha bya ka pia cih hae, pawccecize minmin nynh ka ccungccaw hae te ka rho Israel kha minphuin hae laku kya phiariphiarae a nung hae. Ka ram kha neekuh hae zah,

JOEL 3:2 Iomraidhean Croise

2 SHERIANAW 20:26

Nin palinaw nin khe Berakah Accya kya pumkuh hae zah Bawipaw kha the a hoysah hae; tukeiccuze tuh-e hmin tuh atunin cia Berakah Accya a ci hae.

ISAIAH 66:16

Bawipaw nynh ccungccaw balyn kha maee te thaloi khate bya a pia cih hae; Bawipaw nynh a chia hae paw tuh myarya alung cih hae.

ISAIAH 66:18

Mih ryalaw te mih tuanaw kha ka ny, minphuin hae te alokuh leipaw bya a ho hae paw balyn kha suelua khylan kae thua cih; te minmin nynh oun thua cih hae zah ka phu-enaw kha a nyh cih hae,

JEREMIAH 12:14

Bawipaw nynh hynhte a ho: Ka ccungccaw Israel hae nynh rho lang ccou hae sah cite ka pya hae paw ka rho kha a rohtu hae, ahoy leipaw ka innpaw hae balyn kha mih ram kyate poh ka khoi cih hae, te minmin laku kyate Judah phin kha poh ka khoi cih.

JEREMIAH 25:31

Laephi adianaw cia roi accae cih, pawccecize Bawipaw tuh minphuin hae kha rawsete ho lanpaw byathan a hoi; ccungccaw balyn kha byapianaw kalan a thuakhae cih hae zah, a sei hae paw kha chia khylan thaloi kalan a ap cih hae, cite Bawipaw nynh a ci.

JEREMIAH 49:1

Ammon hae konglang Bawipaw nynh hynhte a ho: Israel nynh ccapaw hae saahkuh khyh tou? Rhoccoutu hoi khyh tou? Athua lanze, pawccemou Milkom pachia nynh Gad ram kha lah zah, amaw a ccungccaw hae nynh Gad ram e khua hae kyakhe a um hae?

JEREMIAH 50:17

Israel tuh chindeih hae nynh sawde te a dee hae paw tuu hae hawte nynh thua. Assiria siapharan nynh masaty ae hae zah, atu athangnaw kya Babilon Siapharan Nebukhadnezzar nynh a ru kha a ree.

EZEKIEL 25:8

Bawipaw PACHIA nynh hynhte a ho: Moab nynh, Judah hae tuh minphuin ccangpaw hae balyn te alokuh, cite a ho keiccuze,

EZEKIEL 34:6

Ka tuu hae tuh phiakuh hae zah, mua balyn vawlan te sangpyng ahangpaw miakaw vawlan khe a khiavuikuh hae; ka tuu hae tuh laephi vaw balyn khe pong phiakuh hae zah, minmin a ccungtu te a zahtu lu kheit san um khyh.

EZEKIEL 35:10

Nang nynh, “E minphuin ccangning te e ram ramning hynh ka kya-e athua cih hae zah, aening nynh ah ccou cih oh,” cite, tuin kya Bawipaw phang a um pite na ho keiccuze,

EZEKIEL 36:1

Ccungccapaw, Israel mua hae kha profehbya hopya tua hae: Pou Israel mua hae, Bawipaw bya hynh thaetua oh.

EZEKIEL 36:5

Bawipaw PACHIA nynh a hopaw tuh: Ccangpaw minphuin hae te Edom hae balyn tungvaw khe eiung thinriate bya ka ho cih, Edom hae nynh myarya lungtuakhaekute theihryanaw byaho hae zah ka ram kha luadete mimaw ram lang a lawku hae.

EZEKIEL 38:22

Shethya te chiise luanaw khate Gog kha bya ka pia cih; amaw, a rhawkaw hae te amaw kya umbua hae paw ccungccaw patae tungvaw khe thawte arahpaw khuaa, hya, maee te kemaee kha ka ccawsah cih.

EZEKIEL 39:11

Tuin nin khe Gog kha Israel ram, rili nithua lang Khuaccongtu hae Accya kyakhe uukunaw hmin ka pya cih; tuh-e hmin nynh khuaccong hae paw ccianaw kha a khaw cih, pawccecize tuin kyakhe Gog te a ccungccaw hae balyn kha uu athua hae; tuh-e hmin tuh Hamon-gog Accya cite minphu athua cih.

JOEL 3:12

Minphuin hae tuh thokuh hae sah lah, Jehoshafat accya kalan cceihthung hae sah; pawccecize a pepan e minphuin hae balyn kha byapia khylan tuin kya ka haung cih.

JOEL 3:14

Byapaenaw accya kya ccungccaw zapi, ccungccaw pataepi a um hae, pawccecize byapaenaw accya kya Bawipaw nin tuh anae vae.

AMOS 1:11

Bawipaw nynh hynhte a ho: Edom nynh atu te atu seinaw a rae keiccuze detah leite ka um lan khyh; aning nynh a unopaw kha thaloi te deehui zah, ngaethyaumsah khyh; zungzae a thinria zah, a thin-unaw kha tyty a ccykeku.

MIKAH 4:12

Thuasalama minmin nynh Bawipaw tuanaw kha nyh khyh hae; a paccynnaw kha thaethya khyh hae, loohcce hae kha huimin kya a suelua hae hawte minmin kha a suelua vae hae.

ZEFANIAH 3:8

Tukeiccuze Bawipaw nynh a hopaw tuh, ccaekia lang tang khylan kae thoku nin cia yn la ngaw oh. Pawccecize minphuin hae kha suelua lan hae zah, peenaw hae kha pum lan hae, te ka thin-unaw, ka thinrianaw asopaw balyn kha mih tungvaw kya bu lan cite bya ka paeku vae; ka thinrianaw maee nynh laephi pynpi kha a u cih.

BYAPHY 11:18

Minphuin hae tuh myarya mih thinria, thuasalama na bungpawnaw tuh yn thua vae; michi hae byapianaw ccyh tuh yn thua vae, namaw rya ae lawpah hae paw na profeh hae, mithyaa hae, na min raw a rih hae paw ccungccaw adih ale hae kha ryalaw mee pyanaw ccyh te laephi a rohtu hae kha ronaw ccyh tuh yn thua vae,” a ci hae.

BYAPHY 16:14

Tuh-e muisaw hae tuh muihsahnaw hae a langsakuhpaw raerangsaro hae kya-e muisaw hae nynh thua; Athung huaccepaw Pachia kya-e alesaepaw nin kya rhawtukku khylan minmin nynh laephi pynpi kya-e siapharan hae kha ccianua hae zah a suelua hae.

BYAPHY 16:16

Tuh-e muisaw hae nynh siapharan hae kha Hebru bya te Armageddon a ci hae paw hmin kyakhe nynh a suelua hae.

BYAPHY 16:6

Minmin nynh mithyaa hae chii te profeh hae chii kha luasah hae zah, nang nynh minmin a nia lan hae paw chii kha na pya hae. Minmin tuh tuhcite teing lan a ngaekuh hae paw nynh thua,” cite a hopaw kha ka thae.

BYAPHY 20:8

laephi ki kipali kya a um hae paw minphuin hae athuapaw Gog te Magog kha ling khylan te rhawtuk khylan minmin kha suelua lan po a cceih cih, minmin tuh milu lante rili laesia zeih a cih hae.