JOEL 2:3 - Zotung Bible 2016

³ Mih malang khe maee rua zah, mih nulang khe maeesoi arua. Mih malang e ram tuh Eden khokhu te alokuh, thuasalama mih nulang e tuh pawpaw mah um leipaw ramkaw te nynh aloku, minmin kyate a luepaw um khyh.

JOEL 2:3 Iomraidhean Croise

GENESIS 13:10

Lot nynh do zah Jordan vahue Zoar khua lang ccianaw laanpi tuh Bawipaw khokhu hawkhate thuasah, Izip ram hawkhate thuasah, pawpaw kya balyn tui hoyte a umpaw kha a muih. E hynh Bawipaw nynh Sodom te Gomorrah khua hae a ro maw nynh thua.

GENESIS 2:8

Te Bawipaw Pachia nynh nithua langkhe Eden kya khokhu ccangkheit a rae; te a raepaw ccungccapaw kha tuin kya a umsah.

The Psalms 50:3

Ah Pachia tuh yn cceih zah, daebabi lan um khyh, a malang khe arua cciamangpaw maee um zah, a pepan balyn khe a thawsaepaw khise atho.

The Psalms 97:3

Maee tuh amaw malang khe cceih zah, po voilu lan a umpaw a rhaw hae kha a u hae.

EXODUS 10:15

Tuh-e tungkhipaw hae nynh ram balyn kha phe man lan a bong hae; ram kya umpaw aku balyn te hya nynh a ro leipaw, alaepaw thingthae balyn kha pong a ae hae; Izip ram balyn kya umpaw loo kya-e thingku-ruaku hae kya ahinpaw anaw um vae khyh.

EXODUS 10:5

Tuh-e tungkhipaw hae nynh laephi kha hung nynh san muih kho um lei lan, a lang lei lan a bong cih hae; naemaw kya alaepaw, hya nynh a ro leipaw miakaw kha a ae cih hae. Nae loo kya apopaw aku miakaw kha a ae cih hae.

ISAIAH 14:17

Laephi kha laesia ram lang tangsah zah, khuapi hae a rohtupaw, amaw nynh thong a saw hae paw kha mih inn lang a kisah lei hae paw athua tou?” cite a ho cih hae.

ISAIAH 15:6

Nimrim vaw tuh kan zah, lonua tuh arou, apo thawpaw lonua mah a chih, hinlalyhpaw aku kukheit sanmah um vae khyh.

ISAIAH 33:4

Ripaw hae a sueluaku hae hawte, luadepaw uccaw hae tuh suelua athua cih; tungkhipaw hae nynh a thohku hae hawte, minmin nynh tuh-e uccaw hae vawlan khe a thohkuh cih hae.

ISAIAH 51:3

Pawccecize Bawipaw nynh Zion kha ngaengannaw a pya cih; ccungccaw a um leinaw a hmin balyn kha ngaengannaw a pya cih, a ramkaw kha Eden hawte a rae cih zah, a laesia ram kha Bawipaw khokhu hawte a rae cih; Zion kyakhe lungtua lungpawnaw, lungtuabya honaw te hlawsahnaw roi kha a um cih.

ISAIAH 9:18

Hoyleinaw tuh maee hawte arua, thabu te hinpawbu kha phe ccung lan a u; tuhpi kya-e thing hae kha u zah, aku hae tuh maeekhuh ryte a zouthung hae.

ISAIAH 9:19

Vaaw Bawipaw thinrianaw keiccuze ram tuh u zah, ccungccaw hae tuh maee-unawpaw maeelooh lang a tang hae; lu kheit te lu kheit thawccihkuh khyh hae.

JEREMIAH 5:17

Minmin nynh na thingthae-eccang te na looh kha a ae cih hae; na ccapaw hae te na ccanung hae kha a ae cih hae; na tuu hae te na vaetua hae kha mah a ae cih hae; na misu ku te na thaeku ku hae kha mah a ae cih hae; na doliakupaw khuapi hae akoihkhawkuhpaw kha mah mih thaloi te a roh cih hae.

EZEKIEL 36:35

Tetuh minmin nynh, “Vua athua vae paw e ram tuh Eden khokhu hawte nynh athua vae; alakawpaw, vuapaw te aroh vae paw khua hae tuh atu ccungccaw um vae hae zah rhawlungrua mah a um vae,” cite a ho cih hae.

AMOS 7:4

E hynh Bawipaw PACHIA nynh kae yn muihsahpaw nynh thua: Bawipaw PACHIA nynh maee te bya a pia cih zah, tuh-e maee nynh rilipi te laephi kha a u cih.

HABAKKUK 1:6

A rysawthah zah a thindynpaw Khaldi hae kha ka tuhou cih hae, mimaw kya-e athua leipaw ram kha luade khylan, laephi pynpi po lekuh lan a cceih hae.

ZEKHARIAH 7:14

te minmin nynh a ny lei hae paw minphuin hae balyn laku khe khiccung khate phiariphiarae ka nung hae. Tukeiccuze a cciataw hae paw ram tuh a cceih bungthungpaw lu kheit san a um lei lan ciate ccungccaw phe dae zah, um ry a umpaw ram tuh accakaepaw lang rae athua vae.